| e-texts navigator |
| Wylie |
181a1 དཔེར་ན་མདུང་ཁྱིམ་ལྟ་བུའོ།། རྨི་ལམ་སྔར་ཞེན་བག་ཆགས་ཡིན།། མཐོང་ཐོས་བྱས་བྱིན་བག་ཆགས་རྣམས།། སྔར་ཞེན་སེམས་ལ་ཡོད་པའི་ཕྱིརརྭ།། རྨི་ལམ་དག་ཏུ་སྣང་བ་ཡིན།། སྔར་ཞེན་མེད་ན་སྣང་མི་སྲེད།།
181a2 ཅེས་གསུངས་སོ།། ཡང་གསུངས་པ།། ཏིང་འཛིན་རྟོགས་པསྔོན་ལ་བཅུག། ཕྱི་མས་ལོང་བཏགས་གསལ་བཏབ་པས།། ཏིང་འཛིན་ཕྱག་རྒྱར་གསལ་བ་ཡང་།། དེ་ཡང་རྟོགས་པའི་འབྲས་བུ་ཡིན།། ཞེས་གསུངས་སོ།། ཡང་གསུངས་པ།། ཐོ་མི་ཟག
181a3 སྦྲུལ་སྨྲིག་རྒྱ་ཆུ།། འདྲ་གཞི་ཙམ་ལ་བརྟེན་ནས་ནི།། སྔར་ཞེ་ན་ཡིད་ཀྱི་འཁྲུལ་སྣང་ཡིན།། སྔར་ཞེན་མེད་ན་འཁྲུལ་མི་སྲིད།། གལ་ཏེ་མེད་ཀྱང་འཁྲུལ་ན་ནི།། རི་བོང་རཱ་དང་མོ་གཤམ་བུ།། རུས་སྒལ་སྤུས་ཀྱང་འཁྲུལ་བར་རིགས།། ཞེས་གསུངས་སོ།།
181a4 བང་མཛོད་འཕྲུལ་གྱི་མེ་ལོང་ལས། འཇིག་རྟེན་གྱི་སྣང་ཚུལ་དང་རྟག་ཆད་ཀྱི་མཐའ་བསལ་བར་བསྟན་པའི་ལེའུ་སྟེ་གཉིས་པའོ།། ། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། མི་རིགས་རིགས་པར་བཤད་པ་གང་།། རྒྱུ་ལས
181a5 མ་བྱུང་འབྲས་བུ་དང་།། སེམས་ལས་མ་བྱུང་སངས་རྒྱས་དང་།། ལུང་ལས་མ་བྱུང་མན་ངག་དང་།། ཆོས་སྐུ་དྲི་མ་ཡོད་པ་དང་།། སྐྲ་དང་ཡེ་ཤེས་འཁྲུལ་སྣང་དང་།། སངས་རྒྱས་རྟོག་པ་ཡོད་པ་དང་།། འབྱུང་བཞིས་མ་བསྐྱེད་སེམས་ཅན་དང་།། འགྲོ་བ
181a6 དྲུག་ལ་མ་གཏོགས་པའི།། སེམས་ཅན་ཡོད་ནི་མི་སྲིད་ན།། གལ་ཏེ་ཡོད་ན་དེ་ཉིད་གང་།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། བྱང་ཆུབ་སེམས་ཀྱི་ཆོས་ཉིད་དེ།། ཡེ་ནས
181a7 སངས་རྒྱས་ཡིན་པས་ན།། བསོད་ནམས་རྒྱུ་ལས་མ་བྱུང་བས།། རྒྱུ་ལས་མ་བྱུང་འབྲས་བུ་ཡང་།། མི་རིགས་རིགས་པར་བཤད་པ་ཡིན།། སེམས་ཀྱི་རང་བྱུང་ཡེ་ཤེས་དེ།། ཤེས་དང་དྲན་ལས་བྱུང་བ་མེད།། སེམས་ལས་མ་བྱུང་སངས་རྒྱས
iiif viewer powered by OpenSeadragon
