| e-texts navigator |
| Wylie |
174b1 ལྟདྲུག། ཏིང་དངོན་བརྟན་པར་གྱུར་བན།། རུས་སྦལ་འཁར་གཞོང་བཅུག་པ་འདྲ།། རྣལ་འབྱོར་ཉམས་ཀྱི་དྲོད་བསྟན་པ།། ཕྱི་དང་ནང་དང་གསང་བའོ།། ལུས་ཀྱང་རས་པ་ལ་འདབ་མངམ།། ཤིང་བ་ལ་འདབ་མ་བཞིན་འབྱུར་ཏེ།། ཤིན་ཏུ་པང་ཞིང་འད་མིཆོད།
174b2 འགྲོ་ན་གཡང་སར་ལྟུང་སྙམ་བྱེད།། དེ་ནི་ཕྱི་ཡི་དྲོད་དུ་བསྟན།། ཕྱི་ནང་རྒྱུ་བའི་དབུགས་དག་ཀྱང་།། རྒྱུ་བར་རང་གིས་མ་ཚོར་ན།། དེ་ནི་ནང་གི་དྲོད་དུ་བསྟན།། དཔེར་ན་རིག་མའི་འདོད་ཆགས་བཞིན།། བརྗོད་དུ་མེད་པའི་བདེ་བ་གཅིག། པགས་ཀྱི་ཉམས་སུ་མྱོང་བར
174b3 འགྱུར།། དེ་ནི་གསང་བའི་དྲོད་དུ་བསྟན།། ཞེས་གསུངས་སོ།། ཡང་འབྱེད་འཕྲུལ་གྱི་ལྡེ་མིག་ལས། དྲོད་རྟགས་ཡན་ལག་གི་ལེའུ་སྟེ་དགུ་པའོ།། །། ཡང་གསོལ་བ། ཀྱེ་ཀྱེ་གསང་བའི་བདག་པོ་ལགས།། ཆོས་ཉིད་དོན་གྱི་ངོ་བོ་དེ།
174b4 གང་གི་ངོ་བོར་ངེས་པ་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། ཆོས་ཉིད་དོན་གྱི་ངོ་བོ་དེ།། ཡེ་ནས་རང་ལ་ཡོད་པར་ངེས།། རང་བཞིན་ལྷུན་གྱིས་གྲུབ་པར་ངེས།། དུས
174b5 གསུམ་འདུས་མ་བྱས་པར་ངེས།། འཕོ་ཞིང་འགྱུར་བ་མེད་པར་ངེས།། སྐྱེ་ཞིང་འགག་པ་མེད་པར་ངེས།། གཉེན་པོས་གཞིག་ཏུ་མེད་པར་དེས།། ཤེས་ཤིང་རིག་པའི་ངོ་བོར་ངེས།། སྣང་ཚུལ་ཅིང་ཡང་སྣང་བར་ངེས།། ཡིན་ཚུལ་ངེས་པ་མེད་པར་ངེས།། རྒྱ་ཆད
174b6 ཕྱོགས་ལྷུང་མེད་པར་ངེས།། ཀུན་བྲལ་ཅི་མ་སྤངས་པར་ངེས།། ཀུན་གྱི་འབྱུང་གནས་ཡིན་པར་ངེས།། དོན་ལ་གོལ་བ་མེད་པར་ངེས།། ལྟ་བ་ངོས་གཟུང་མེད་པར་ངེས།། སྒོམ་པ་དམིགས་གཏད་མེད་པར་ངེས།། སྤྱོད་པ་བླང་དོར་མེད་པར་ངེས།། འབྲས
174b7 བུ་སྦེང་ཐོབ་མེད་པར་ངེས།། ཉམས་སུ་ལེན་དུ་མེད་པར་ངེས།། དམ་ཚིག་བསྲུང་དུ་མེད་པར་ངེས།། ཕྲིན་ལས་བཙལ་དུ་མེད་པར་ངེས།། ས་ལ་སྦྱང་དུ་མེད་པར་ངེས། ཀྱེ་སེམས་དཔའ་ཆེན་པོ་ཉོན་ཅིག། ཅིར་སྣང་ཅིར་སྲིད་ཐམས་ཅད་ཀུན།། བྱང་ཆུབ
iiif viewer powered by OpenSeadragon
