| e-texts navigator |
| Wylie |
173a1 པའི་བདག་པོ་ལགས།། རྟོགས་དང་མ་རྟོགས་ཁྱད་པར་ཅི།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། རྟོགས་དང་མ་རྟོགས་ཁྱད
173a2 པར་ནི།། དམུས་ལོང་དང་ནི་གླང་ཆེན་བཞིན།། ཕྱོགས་རྟོགས་ཅི་བཞིན་ཉིད་མ་རྟོགས།། མིག་ཅན་རྣམས་ཀྱིས་ཅི་བཞིན་རྟོགས།། མ་རྟོགས་པ་དང་ལོག་པར་རྟོགས།། ཕྱོགས་ཙམ་རྟོགས་དང་ཅི་བཞིན་པ།། ལོག་པར་རྟོག་པ་མུ་སྟེགས་ཏེ།། ཉན་ཐོས
173a3 རང་རྒྱལ་མ་རྟོགས་པ།། ཐེག་པ་དྲུག་གིས་ཕྱོགས་ཙམ་རྟོགས།། རྫོགས་ཆེན་རྟོགས་པ་ཇི་བཞིན་རྟོགས།། ཞེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། འཁྲུལ་དང་ཡེ་ཤེས་བདེ་སྡུག་བསྔལ།། རྒྱུན་དང་དུམ་བུ་ཅི་ལྟར
173a4 ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། དུས་གསུམ་སངས་རྒྱས་ཐམས་ཅད་ལ།། ཡེ་ཤེས་རྒྱུན་དུ་གནས་པ་ཡིན།། འགྲོ་དྲུག་སེམས་ཅན་ཐམས་ཅད་ལ།།
173a5 འཁྲུལ་པ་རྒྱུན་དུ་གནས་པ་ཡིན།། ལམ་ལ་གནས་པའི་རྣལ་འབྱོར་ལ།། འཁྲུལ་དང་ཡེ་ཤེས་དུམ་བུར་གནས།། དུས་གསུམ་སངས་རྒྱས་ཐམས་ཅད་ལ།། བདེ་བ་རྒྱན་དུ་གནས་པ་ཡིན།། ངན་སོང་རྣམ་པ་གསུམ་པོ་ལ།། སྡུག་བསྔལ་རྒྱུན་དུ་གནས
173a6 པ་ཡིན།། མཐོ་རིས་མི་དང་ལྷར་བཅས་པ།། བདེ་དང་སྡུག་བསྔལ་དུམ་བུར་གནས།། ཆོས་ཉིད་རང་གི་ངོ་བོ་ལ།། བདེ་དང་སྡུག་བསྔལ་དབྱེད་མེད་མཉམ།། ཞེས་གསུངས་སོ།། ཡང་གསོལ་པ།། ཀྱེ་ཀྱེ་གསང་བའི་བདག་པོ་ལགས།། ལྷ་ཞེས
173a7 བྱ་བ་གང་ལ་བགྱི།། འདྲེ་ཞེས་བྱ་བ་གང་ལ་བགྱི།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། ཡ་མ་དམ་སྲི་ལ་སོགས་པ།། མ་རྟོགས་ལོག་པའི་འདྲེའི་ནཀྱང་།
iiif viewer powered by OpenSeadragon
