| e-texts navigator |
| Wylie |
172b1 བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། ཀུན་ཏུ་བདེ་གཤེགས་སྐལ་བཟང་གིས།། འགྲོ་བ་སྣ་ཚོགས་འདུལ་བ་ཡང་།། སྣ་ཚོགས་འགྲོ་རྣམས་རང་རང་གི།། ལས་འགྲོའི་དབང་གིས་སྣང་བར་ཟད།། བདེ་གཤེགས
172b2 རྒྱལ་བ་ཐམས་ཅད་ཀྱིས།། དངོས་པོ་རྡུལ་ཡང་མི་གཟིགས་པས།། ཆེད་དུ་རྣམ་པར་མི་སྤྲུལ་ཡང་།། སེམས་ཅན་ལྟ་སྤྱོད་ཐ་དད་པས།། བདེ་གཤེགས་སྐུ་ཡང་སྣང་མཐའ་ཡས།། དེས་ན་གདུལ་བྱ་སྣ་ཚོགས་དང་།། བདེ་གཤེགས་སྒྱུ་འཕྲུལ་སྣ
172b3 ཚོགས་ཀྱང་།། འཁྲུལ་པའི་དབང་གིས་སྣང་བར་མཛད།། ཅེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཐེག་པ་ཐུན་མོང་འབྲས་བུ་དང་།། རྫོགས་པ་ཆེན་པོའི་འབྲས་བུ་ལ།། དོན་ལ་ཁྱད་པར་ཡོད་དམ་མེད།། གསང
172b4 བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། ཐེག་པ་ཐུན་མོང་སངས་རྒྱས་དང་།། རྫོགས་ཆེན་འབྲས་བུའི་སངས་རྒྱས་གཉིས།། ཐུན་མོ་ངོ་མཆོག་གི་དངོས་གྲུབ་སྟེ།། མི
172b5 མཐུན་ཁྱད་པར་ཤིན་ཏུ་ཆེ།། ཐུན་མོང་བསྟི་གནས་ས་ལ་གནས།། རྫོགས་ཆེན་ལྷུན་གྲུབ་ས་ལ་གནས།། ཞེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། དུས་གསུམ་སངས་རྒྱས་གཅིག་མི་གཅིག། གསང་བའི
172b6 བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། དཔེར་ན་གཟུགས་རྣམས་སྣ་ཚོགས་ཀྱང་།། རི་རབ་ངོས་ལ་ཕྱིན་ཙམ་ན།། ཀུན་ཀྱང་གསེར་གྱི་མདོག་ཏུ་གཅིག། དཔེར་ན་ཆུ་རྣམས་ཐམས
172b7 ཅད་ཀྱང་།། རྒྱ་མཚོ་ཆེན་པོར་ཕྱིན་ཙམ་ན།། ཀུན་ཀྱང་ལན་ཚྭའི་རོ་རུ་གཅིག། དེ་བཞིན་དུས་གསུམ་སངས་རྒྱས་ཀྱང་།། མ་བཅོས་སེམས་ཀྱི་ལམ་ཞུགས་ནས།། ཆོས་སྐུ་ནམ་མཁའ་ལྟ་བུར་གཅིག། ཅེས་གསུངས་སོ།། ཡང་གསོལ་པ།། ཀྱེ་ཀྱེ་གསང
iiif viewer powered by OpenSeadragon
