| e-texts navigator |
| Wylie |
146b1 ཉ་མོ་གབ་ནས་བག་ལ་ཉལ།། ཀུན་རྫོབ་སྒྱུ་མ་རྒྱ་མཚོའི་ཀློང་དཀྱིལ་ན།། དོན་དམ་གསེར་གྱི་ཉ་མོ་གབ་ནས་བག་ལ་ཉལ།། འཁོར་བ་རྒྱ་མཚོ་སེམས་ཀྱི་ཀློང་དཀྱིལ་ན།། སངས་རྒྱས་གསེར་གྱི་ཉ་མོ་གབ་ནས་བག་ལ་ཉལ།། འགྲོ་དྲུག་སྡུག་བསྔལ་རྒྱ་མཚོའི་ཀློང
146b2 དཀྱིལ་ན།། བདེ་ཆེན་གསེར་གྱི་ཉ་མོ་གབ་ནས་བག་ལ་ཉལ།། མ་རིག་འཁྲུལ་པའི་རྒྱ་མཚོའི་ཀློང་དཀྱིལ་ན།། ཡེ་ཤེས་གསེར་གྱི་ཉ་མོ་གབ་ནས་བག་ལ་ཉལ།། རྒྱལ་བའི་མདོ་རྒྱུད་རྒྱ་མཚོའི་ཀློང་དཀྱིལ་ན།། དགོངས་པ་གསེར་གྱི་ཉ་མོ་གབ་ནས་བག་ལ་ཉལ།། རྡོ་རྗེ་སློབ་དཔོན
146b3 ཐུགས་ཀྱི་ཀློང་དཀྱིལ་ན།། གདམས་ངག་གསེར་གྱི་ཉ་མོ་གབ་ནས་བག་ལ་ཉལ།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། གསེར་གྱི་ཉ་མོ་གབ་ནས་བག་ལ་ཉལ་བའི་ལེའུ་སྟེ་བཞི་པའོ།། ། དེ་ནས་སེམས་དཔང་རྡོ་རྗེ་དེས། གསང་བའི་བདབ
146b4 པོ་ལ་འདི་སྐད་ཅེས་གསོལ་ཏོ།། ཀྱེ་རྩེ་གསང་པའི་བདག་པོ་ལགས།། གབ་པ་ངོས་བཟུང་ཅི་ལྟར་བཟུང་།། གསང་བའི་བདགེ་པོས་བསྟན་དུ་གསོལ།། གསང་བའི་བདག་པོས་བསྟན་པ། ཆོས་ཅན་མཚན་མར་སྣང་བ་ལ། ཆོམ་ཉིན་ད་པོགཔ་ནི།། དཔེར་ནའང་འཚོན་རྒྱུ
146b5 འདྲ།། ཀུན་རྫོབ་སྒྱུ་མའི་བདེ་བ་ལ།། དོན་དམ་བདེ་བ་གབ་པ་ནི།། དཔེར་ན་རྨི་ལམ་གཟུགས་དང་འདྲ།། ཁམས་གསུམ་འཁོར་བའི་སེམས་ཅན་ལ།། དུས་གསུམ་སངས་རྒྱས་གབ་པ་ནི།། དཔེར་ན་མར་དང་འོ་མ་འདྲ།། ཁམས་གསུམ་འཁོར་བའི་སྡུག་བསྔལ་ལ།། བདེ་བ
146b6 ཆེན་པོ་གབ་པ་ནི།། དཔེར་ན་དུག་དང་དུག་སྨན་འདྲ།། མ་རིག་པ་ཡི་འཁྲུལ་རྟོག་ལ།། རང་བྱུང་ཡེ་ཤེས་ག་བབ་ནི།། རིན་ཆེན་འདམ་གྱིས་གཡོགས་པ་འདྲ།། རྒྱལ་བས་གསུངས་པའི་མདོ་རྒྱུད་ལ།། དགོངས་པ་ཟབ་མོ་གབ་པ་ནི།། དཔེར་ན་མེ་ཤེལ་ཆུ་ཤེལ་འདྲ།། བླ་མ
146b7 རྡོ་རྗེའི་ཐུགས་མཛོད་ལ།། གདམས་ངག་ཟབ་མོ་གབ་པ་ནི།། བུམ་པའི་ནང་གི་མར་མེ་འདྲ།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། གབ་པ་ངོས་བཟུང་བའི་ལེའུ་སྟེ་ལྔ་པའོ།། ། དེ་ནས་སེམས་དཔའ་རྡོ་རྗེས་ཡང་གསོལ་པ།།
iiif viewer powered by OpenSeadragon
