| e-texts navigator |
| Wylie |
139b1 སྟོད་བཀའ་བཞིན་འབྲང་བར་བྱེད།། སྣོད་ལྡན་བྱང་ཆུབ་སེམས་དཔའ་ལ།། གསང་བའི་རྒྱུད་ཆེན་འདི་བསྟན་ཅིང་།། བྱིན་རླབས་མཐའ་ཡིས་གྲོལ་བ་དག། མི་ཤིགས་རྡོ་རྗེའི་གནས་སུ་སྦྱོར།། དོན་རབ་ཡུལ་འཁོར་སྐྱོང་པ་ཡིས།། ཕྱི་མའི་རྣལ
139b2 འབྱོར་བསྐང་བའི་ཕྱིར།། སྨོན་ལམ་ཐུགས་རྗེ་ཆེན་པོའི་ཤུགས།། གསང་སྔགས་སྙིང་པོའི་རྒྱུད་སྟོན་པ།། དེ་དག་རྣལ་འབྱོར་དོན་ལྡན་པ།། བླ་ན་མེད་པས་བཟུང་བྱེད་ཅིང་།། མ་འདྲེས་པ་ཡི་སྒོ་ཀུན་གྱིས།། མྱ་ངན་འདས་པའི་ཐེག་པ་མཆོག། སླར་ཡང་རྙོག་མེད
139b3 གཞི་ཡི་འོག། ས་མུང་གནས་འཛིན་གྲོང་ཁྱེར་མཆོག། གསང་བ་འཕེལ་བའི་དུས་ལྔ་རུ།། རིམ་པས་མཚུངས་པའི་སྟོན་པ་མཆོག། རྒྱལ་བ་མྱ་ངན་མེད་སྟོབས་དཔལ།། རྡོ་རྗེ་སྙིང་པོ་གསང་བའི་སྡེ།། སྣང་བ་རབ་སྟོནི་དྲི་མ་མེད།། ཡེ་ཤེས་དབང་ཕྱུག་རྒྱལ་བ་ཤེས།།
139b4 མཛད་པའི་དྲ་བ་ཡོན་ཏན་ལེགས།། ལྷ་ཡི་དབང་པོ་རྣོན་པོའི་མདངས།། ས་སྲུང་རྒྱལ་པོ་ཆར་འབེབས་དང་།། བཟེད་དཀའ་ཐུབ་པའི་བླ་མ་ཉིད།། ཕྱག་རྒྱའི་འཁོར་ལོ་ཤུགས་ཆེན་པོ།། གསང་བདག་སྦས་པ་རབ་ཀྱི་རྩལ།། ཀླུ་ལས་རྒྱལ་བགོ་ཆའི་མཆོག། ཞིང་ཁམས་དག་པ
139b5 ཆོས་ཀུན་སྐྱོང་།། གཟི་བརྗིད་གཙོ་བོ་ཞེས་གྲགས་པའི།། སངས་རྒྱས་སྟོན་མཆོག་ཁ་ལོ་འདྲེན།། ཕྱོགས་དབུས་གསལ་བྱེད་སྐྱེས་བུ་མཆོག། ཉི་ཤུ་རྩ་ལྔ་འབྱུང་བར་འགྱུར།། དེ་དག་དེ་བཞིན་གནས་འདི་ན།། རྒྱལ་བྷ་བཟང་པོ་ཉེ་གནས་པའི།། ཁྱིམ་བདག་འཇིག
139b6 རྣམས་དེ།། སྔོན་དུ་ཕྱོགས་གཅིག་ལས་སྦྱངས་ཤིང་།། སངས་རྒྱས་ཚོགས་བཅས་བསྙེན་བསྐུར་བྱས།། རྣམ་གྲོལ་དགེ་སོགས་མཐའ་ཡས་སྒོ།། དེ་ལྟར་སངས་རྒྱས་སྲས་ཚོགས་ཀྱིས།། བྱ་བྲལ་ཚུལ་དག་རབ་ཏུ་བསྔགས།། མི་མཉམ་མཉམ་པའི་སྔགས་ཀུན་ལས།། །
139b7 བརྩེ་བའི་ཐེག་པ་མཆོག། བསོད་ནམས་ཡེ་ཤེས་གཉིས་མེད་པའི།། རྒྱལ་བས་ལུང་བསྟན་མཐའ་ལས་འདས།། དཀྱིལ་འཁོར་ཆེན་པོ་གསང་ཐོབ་ཅིང་།། གདམས་པས་རྗེས་སུ་གྲོལ་བར་འགྱུར།། ལས་ཀྱི་སྟོབས་ཀུན་དག་མཛད་པའི།། འཇིག་རྟེན་སྒྲོན་མ་དེ་དག་གིས།
iiif viewer powered by OpenSeadragon
