| e-texts navigator |
| Wylie |
299b1 ལྡན་འདས་ཀྱིས་བཀའ་སྩལ་པ།། སེམས་དཔའ་ཆེན་པོ་སེམས་ཀྱི་རང་གི་ངོ་བོ་ནི།། ཅི་ཡང་མིན་ལས་ཅིར་ཡང་སྣང་།། དཔག་མེད་བརྗོད་བྲལ་བསམ་མི་ཁྱབ།། འདི་ཞེས་མཚོན་དུ་མེད་པ་ནི།། སེམས་ཀྱི་ངོ་བོར་དེ་གསུངས་སོ།། འགྲོ་བའི་སྡུག
299b2 བསྔལ་སྣང་བ་ཡང་།། རང་ཡིན་གཞན་ལས་དེ་མི་འབྱུང་།། བདེ་དང་ཐར་དང་ལོངས་སྤྱོད་ཀྱང་།། ཆོས་ཉིད་དབྱིངས་ལས་མ་གཏོགས་པ།། རྡུལ་ཆ་ཙམ་ཡང་མེད་པར་གསུངས།། སྐུ་དང་རྒྱན་གྱི་འཁོར་ལོ་ཡང་།། རང་གི་སེམས་ཡིན་གཞན་ན་མེད།།
299b3 སངས་རྒྱས་ཆོས་དང་དགེ་འདུན་ཡང་།། རང་ཡིན་དེ་ལས་གཞན་ན་མེད།། དེ་ཕྱིར་བཀུར་བའི་ཡུལ་ཡང་མེད།། བསྲུང་མེད་བསྒྲུབ་མེད་རྩོལ་བ་མེད།། ཁ་དོག་དབྱིབས་དང་གནས་རིས་མེད།། བདེ་དང་སྡུག་བསྔལ་རྒྱུ་འབྲས་མེད།། མེད་པ་མ་ཡིན་ཀུན
299b4 བདག་ཉིད།། ཡོད་པ་མ་ཡིན་བརྗོད་དུ་མེད།། བདག་མེད་གཞན་མེད་འཆི་འཕོ་མེད།། མེད་པ་མ་ཡིན་ཐམས་ཅད་འབྱུང་།། འབྱུང་བ་མ་ཡིན་དེ་ཉིད་ཡིན།། ཀུན་གཅིག་ཡེ་ཤེས་ཁྱབ་པའི་ངང་།། ནམ་མཁའི་ཆུ་ཡི་རོ་མཐུན་བཞིན།། དབྱེ་བསལ་མེད།
299b5 པའི་དོན་དུ་གཅིག། འདི་ནི་རང་རིག་བྱང་ཆུབ་སེམས།། འདི་ཞེས་བསྟན་དུ་མེད་པའོ།། ཅི་ཡང་མེད་ལས་ཅིར་ཡང་སྣང་།། རང་བྱུང་སྙིང་པོ་མཆོག་གི་དོན།། སྣང་བ་ཉིད་ན་སྣད་མེད་པས།། སྣང་བ་མེད་པའི་ཚུལ་གྱིས་སྣང་།། མེད་ཅེས་བྱ་བ་འཛིན
299b6 པ་ཙམ།། དེ་ཉིད་ལ་ཡང་གནས་མི་བྱ།། གལ་ཏེ་གནས་ན་གོ་ལ་ས་ཡིན།། གང་ཞིག་གོལ་ཏེ་ཅི་ཞིག་གོལ།། གང་དུ་གོལ་ཏེ་ཇི་ལྟར་གོལ།། གོལ་བར་སྣང་བ་དེ་ཉིད་ཡིན།། དེ་ཉིད་དངོས་པོ་མེད་པས་ན།། དེ་ཕྱིར་དེ་ལ་གནས་མི་བྱ།། གལ་ཏེ་གནས་ན
299b7 འཛིན་པ་ཡིན། ཞེས་གསུངས་པས་རྡོ་རྗེ་སེམས་དཔའ་དེ་ཉིད་ལ་གནས་པར་གྱུར་ཏོ།། བྱང་ཆུབ་སེམས་རྗེ་བཙན་དམ་པ་རྡོ་རྗེ་འོད་འཕྲོ་བའི་རྒྱུད་ལས།། སེམས་ཀྱི་ངོ་བོ་བསྟན་པའི་ལེའུ་སྟེ་བཞི་པའོ།། ། ཀྱེ་སེམས་དཔའ་ཆེན་པོ་སེམས་ཀྱི་ཡོན་ཏན
iiif viewer powered by OpenSeadragon
