| e-texts navigator |
| Wylie |
298b1 འགྱུར།། མ་བཅོས་རང་བཞག་རིག་པས་མཚོན།། ཇི་ལྟར་ནམ་མཁའ་ཞིག་གྱུར་ན།། དེ་ཚེ་ཆད་པ་འབྱུང་བར་འགྱུར།། ཆོས་ཉིད་མཐོང་བར་གྱུར་པ་ཡང་།། ཇི་ལྟར་རང་གི་མཛུབ་རྩེ་ལ།། རང་གིས་རིག་པའི་དུས་བྱུང་ན།། དེ་ཚེ་ཆོས་ཉིད་མཐོང་བར་འགྱུར།།
298b2 ཞེས་གསུངས་སོ།། བྱང་ཆུབ་སེམས་རྡེ་བཙན་དམ་པ་རྡོ་རྗེ་འོད་འཕྲོ་བའི་རྒྱུད་ལས། ཉམས་པ་ཆད་པ་མི་འབྱུང་བའི་ལེའུ་སྟེ་དང་པོའོ།། །། ཀྱེ་སེམས་དཔའ་ཆེན་པོ།། ཉམས་པ་ཞེས་ནི་གང་ལ་བྱ།། ཆད་པ་ཞེས་ནི་ཅི་ལ་བྱ།། ཉམས
298b3 དང་ཆད་པར་འཛིན་པ་ཡང་།། དེ་ཉིད་ཡིན་ཏེ་དེ་མི་འབྱུང་།། འབྲས་བུ་བསྒྲུབ་དང་གྲུབ་པ་རུ།། འདོད་པ་དེས་ཀྱང་མི་རྙེད་དེ།། མདོངས་པས་ནམ་མཁར་བསྙེག་པ་བཞིན།། བྱང་ཆུབ་སེམས་ཀྱི་རང་བཞིན་འདི།། བརྟག་དཀའ་བརྗོད་དུ་རྡུལ་ཙམ
298b4 མེད།། དྲུག་གི་ཡུལ་བཞིན་མེད་པས་ན།། སོ་སོ་སྐྱེ་བོའི་བློས་མ་རེག། བྱང་ཆུབ་གང་ཡིན་སེམས་ནི་གང་།། ཀུན་གཞི་རང་བྱུང་ཡེ་ཤེས་ལ།། ངང་གིས་སྤྲོས་མེད་ཆེན་པོ་ལ།། ཆེ་བའི་ཡོན་ཏན་བཙལ་དུ་མེད།། དེ་ཉིད་སེམས་ཡིན་བྱང་ཆུབ་སེམས།།
298b5 ཇི་ལྟར་མེ་ཡི་རྩེ་མོ་ཡིས།། རྫས་ཀྱི་དངོས་པོ་ཀུན་བསྲེགས་ཀྱང་།། རང་གི་དངོས་པོ་བསྲེག་མི་ནུས།། དེ་བཞིན་བྱང་ཆུབ་སེམས་ཀྱིས་ཀྱང་།། ཀུན་ཤེས་རང་རིག་མ་ཤེས་ཏེ།། གལ་ཏེ་ཤེས་ན་ཤེས་པའོ།། འདི་ལ་རྩོལ་བསྒྲུབ་བྱར་ཡང་མེད།། དག་དང་མདག
298b6 གཉིས་མེད་དེ།། རང་བྱུང་དག་པ་ཆེན་པོ་ལ།། མེད་ཅེས་བྱ་བ་བཏགས་པ་ཉིད།། བཏགས་པ་ཉིད་ལ་མི་གནས་ན།། བྱང་ཆུབ་སེམས་ལམ་གནས་པ་ཡིན།། གནས་པ་ཉིད་ན་གནས་མེད་པས།། གནས་ཞེས་ཐ་སྙད་མི་གདགས་སོ།། དུས་གསུམ
298b7 སངས་རྒྱས་སེམས་ལས་བྱུང་།། སེམས་པ་ཐ་སྙད་ཡོད་ཅེའམ།། སེམས་ལས་ཀུན་འབྱུང་ཐམས་ཅད་སེམས།། སེམས་ནི་སྐྱེ་མེད་དེ་བཞིན་ཉིད།། རང་གིསལ་ཐམས་ཅད་ས་ལེ་མཁྱེན།། མཁྱེན་པ་ཉིད་ཀྱང་སེམས་ཡིན་པར།། སེམས་དཔའ་ཆེན་པོ
iiif viewer powered by OpenSeadragon
