| e-texts navigator |
| Wylie |
287b1 གང་ལྡན་རིག་པའི་ལྡེ་མིག་གིས།། རིན་ཆེན་སེམས་ཉིད་ཁོང་དུ་ཆུད།། སྣང་བའི་རྣམ་པ་ཅིར་འགྱུར་ཡང་།། ཡིད་ལ་མི་བྱེད་རང་བཞག་ན།། འཛིན་པའི་དྲི་མ་རྣམ་པར་དག། ཅེས་གསུངས་སོ།། བྱང་ཆུབ་ཀྱི་སེམས་ཡེ་ཤེས་རྫོགས་པའི་དྲུད་ལས། དཀྱི་།
287b2 འཁོར་གསང་བའི་ལེའུ་སྟེ་དགུ་པའོ།། ། དེ་ནས་རིག་པའི་རྒྱལ་པོས་སེམས་དཔའ་རྡོ་རྗེ་ལ་འདི་སྐད་ཅེས་གསུངས་སོ།། སེམས་ཉིད་གསང་བ་སྔགས་ཀྱི་ལྷ།། རང་བཞིན་དག་པས་སྦྱང་མི་དགོས།། རང་གནས་ཡེ་ཤེས་འོད་གསལ་བས།།
287b3 དྲངས་མ་ཡིན་ཡེ་ནས་གནས།། ཡེ་ཤེས་ཀུན་བཟང་འཕོ་འགྱུར་མེད།། ལྷུན་གྲུབ་རིག་པ་བཙལ་མེད་པས།། སྤྲོད་དུ་བསྡུ་བ་དང་གིས་ཞི།། རང་བྱུང་ཁྱད་པར་ལམ་ཆེན་ནི།། བླང་དོར་གཉིས་མེད་རིག་པའི་དང་།། ཡེ་ཤེས་དབུ་མ་མཐའ་བྲལ་ལ།། བགྲོད་པའི་ལས།།
287b4 མེད་ཡེ་སངས་རྒྱས།། རིག་པ་ཀུན་བྲལ་ཆོས་ཉིད་ལ།། རང་གསལ་འོད་ལ་གང་གནས་པས།། རིམ་པ་མ་ཡིན་ཅིར་མི་དགོངས།། ཡེ་ཤེས་ཀུན་བཟང་ལམ་ཆེན་ལ།། བློ་ཡི་སྟོབས་ཀྱིས་གང་འཇུག་པའི།། སྤྱོད་ལྡན་ཀུན་གྱི་ལམ་དང་བྲལ།། བཙལ་མེད་རང
287b5 བྱང་བདེ་ཆེན་ནི།། འདོད་པའི་རྩོལ་བས་གང་འཕངས་པའི།། རིམ་འཇུག་རྒྱུ་འབྲས་མ་ལུས་སྟོང་།། ཀུན་བཟང་རང་རེག་འོད་གསལ་ལ།། འདོད་པའི་སྦྱོར་བས་གང་འཇུག་ན།། ཕྱོགས་བྲལ་རང་བྱུང་དོན་དང་བྲལ།། རྩ་བ་རྣམ་དག་མཁའ་ལྟར་ཁྱབ།། རྣམ
287b6 དག་འཛིན་པའི་སྤྱོད་ཡུལ་མིན།། སྒྲོ་མེད་སྟོང་པའི་ཐིག་ལེ་ནི།། རྣམ་པ་མེད་དང་གསང་བའི་སེམས།། བརྟགས་པ་སྣ་ཚོགས་ངོ་བོ་ལ།། མི་གཡོ་རང་བཞིན་དཀྱིལ་འཁོར་ནས།། ཡེ་ཤེས་ཉི་མས་ཀུན་མཐོང་ཡང་།། ཤིན་ཏུ་སྦྱོར་ལྡན་རྣལ་འབྱོར་ལ།།
287b7 བཏགས་པའི་རྣམ་པ་མཐོང་བ་མེད།། བསམ་གྱིས་མི་ཁྱབ་གང་དུས་ན།། འོད་གསལ་ཡེ་ཤེས་དོན་སྣང་ཡང་།། གང་མཐོང་སྣ་ཚོགས་སེམས་དང་བྲལ།། རང་བྱུང་དག་པའི་འཁོར་ལོ་ལ།། རང་བཞག་རིག་པ་ཀུན་རྫོགས་དང་།། སྦྱོར་འདོད་སྣ་ཚོགས་མཐོང
iiif viewer powered by OpenSeadragon
