| e-texts navigator |
| Wylie |
286a1 ཞེས་ཞུས་པ་དང་། རག་པའི་རྒྱལ་པོས་སྐུར་གསུངས་པ།། ཡེ་ཤེས་རྫོགས་པའི་སེམས་བསྐྱེད་ཟུང་།། སྤྲོ་བའི་སེམས་ལྡན་དོན་ལ་སྤོངས།། རང་བཞག་རིག་པ་མ་ཡིན་པར།། བརྡའ་རྣོ་རྟོག་པའི་རྗེས་མ་འབྲངས།། བདེ་ཆེན་གསང་བའི་འཁོར
286a2 ལོ་ལ།། གཉིས་སུ་མེད་པའི་རང་བཞིན་པས།། ཆོས་ཅན་ཆོས་ཉིད་གང་ཡང་མིན།། འདོད་པའི་བློ་ཡིས་གང་སྦྱོར་བ།། དམན་པའི་སེམས་ལ་བསྟན་པར་ཟད།། བས་མ་བྲལ་ཡེ་ཤེས་འཁོར་ལོ་ལ།། ཆོས་ཅན་ཆོས་ཉིད་གང་རྟོག་པ།། རང་བྱང་གསང་བའི
286a3 སེམས་མ་ཤེས།། བདེ་མཆོག་འཁོར་ལོའི་དོན་མ་རྙེད།། མི་འགྱུར་གསལ་བའི་སེམས་དང་བྲལ།། ཡེ་ཤེས་རིན་ཆེན་འོད་ཀྱང་ནུབ།། འཁོར་བའི་ལྕགས་ལས་ཐར་པ་མེད།། སྣ་ཚོགས་འཁོར་བའི་རང་བཞིན་ལ།། རྨོངས་པའི་བློ་ཡིས་བླང་དེར་བྱེད།། གཉིས།།
286a4 མེད་རང་བྱུང་འོད་གསལ་ལ།། སྒྲོ་དང་སྦར་བས་རང་སེམས་སྤང་།། ཞེས་གསུངས་སོ།། བྱང་ཆུབ་ཀྱི་སེམས་ཡེ་ཤེས་རྫོགས་པའི་རྒྱུད་ལས། བྱ་བ་དང་བྲལ་བ་ལས་ཆོས་དང་ཆོས་ཅན་མ་གྲུབ་པར་བསྟན་པའི་ལེའུ་སྡེ་བདུན་པའོ།། །། དེ་ནས་ཡང་རིག
286a5 པའི་རྒྱལ་པོས་ཡེ་ཤེས་རིག་པའི་སྤྱོད་པ་འདི་གསུངས་སོ།། ཡེ་ཤེས་བདེ་མཆོག་ཀུན་ཏུ་བཟང་།། རང་བྱུང་ནམ་མཁའི་རྡོ་རྗེ་ཉིད།། ཅི་ལ་སྤྱོད་ཀྱང་ཆགས་པ་མེད།། སྒོ་གསུམ་བག་ཡངས་ལྷག་པ་ཉིད།། སྣང་མེད་རང་བྱུང་ཡེ་ཤེས་གསལ།། རང་བཞག་ཡེ
286a6 ཤེས་སྤྱོད་པ་ལ།། བླང་དོར་གཉིས་མེད་བདེ་ཆེན་དང་།། མཁའ་མཉམ་ཡེ་ཤེས་རང་བྱུང་ལ།། དུས་གསུམ་འདའ་བ་མེད་པར་གནས།། རང་འབར་ཡེ་ཤེས་དཀྱིལ་འཁོར་ནས།། དངོས་གྲུབ་རིན་ཆེན་པོ་དེ་ལྟར་འབྱུང་།། ཡེ་ཤེས་རྒྱ་མཚོ་མུ་མཐའ་མེད།།
286a7 འོད་གསལ་རིག་པའི་གདེང་ལྡན་ལ།། མཚོན་པ་ལམ་གྱི་རྒྱུད་དང་ཐལ།། རང་བྱུང་ལུང་གི་དོན་མཐོང་བས།། ལུང་ཆེན་ཚད་མ་ཀུན་གྱི་བདག། རིག་པའི་ཡེ་ཤེས་བརྗོད་བྲལ་བས།། བརྗོད་པའི་ལུང་ལ་སེམས་མི་འཇུག། སེམས་ཉིད་རིག
iiif viewer powered by OpenSeadragon
