| e-texts navigator |
| Wylie |
283a1 ཉི་མའི་བསྒྲུབ་པས་གསལ།། སྣང་བ་མ་ལུས་རང་བྱུང་སེམས།། རིག་པ་མཆོག་ལྡན་བདེ་གཤེགས་བཀའ།། རང་བྱུང་ཚད་མ་མངོན་སུམ་གསལ།། འཁོར་བའི་རྟོག་པའི་གཅོང་རྙིང་དག།། ཡེ་ཤེས་རང་རིག་ཉིད་དུ་འབར།། ཀྱི་ཐུགས་ཚངས
283a2 པའི་ཐབས་ཀྱིས་གསལ།། གསང་བའི་དོན་མྱོང་འོད་གསལ་ལུང་།། གཟེར་ཆེན་མན་ངག་ཐེག་པའི་སྐས།། རིག་པའི་བརྡ་མངལ་ཚེགས་དང་བྲལ།། མངོན་སུམ་ཡེ་ཤེས་གསལ་བ་ཡི།། རྗེས་སུ་རང་གཞག་ཡེ་ནས་སྤགས།། ཞེས་གསུངས་སོ།། བྱང
283a3 ཆུབ་ཀྱི་སེམས་ཡེ་ཤེས་རྫོགས་པའི་རྒྱུད་ལས། འཁོར་བ་ཡེ་ཤེས་སུ་བསྟན་པའི་ལེའུ་སྟེ་གཉིས་པའོ།། ། དེ་ནས་རིག་པའི་རྒྱལ་པོས་སེམས་དཔའ་རྡོ་རྗེ་ལ་བཀའ་སྩལ་པ།། དང་བྱུང་རྫོགས་པའི་ལྟ་བའི་ཀློང་།། མཉམ་ཉིད་རིག་པའི་ཡེ་ཤེས་སེམས།། སྣང་བ
283a4 ཡེ་ཤེས་རྫོགས་པ་ཉིད།། ནམ་མཁའི་རྡོ་རྗེ་བལྟ་བའི་མཆོག། བལྟ་མེད་རང་བྱང་སེམས་ལ་བལྟ།། བཙལ་མེད་རིག་པའི་རྣལ་འབྱོར་ཡིན།། འཇུག་པ་གཉིས་མེད་རིག་པའི་ཀློང་།། ཡེ་ཤེས་མཁའ་མཉམ་སྒྲ་དོན་མེད།། རང་གསལ་ཡུལ་ལ་མེད་རྟོགས
283a5 པས།། ཡེ་ཤེས་ཐིག་ལེའི་ཉི་མ་ཤར།། སྣང་མེད་མ་འགགས་ཅིར་མི་དགོངས།། སྣང་བ་རིག་པའི་ཐིག་ལེ་བསྡུས།། སྡུག་བསྔལ་བདེ་བའི་ངང་དུ་གནས།། རེ་འདོད་ཀུན་བྲལ་ཐོབ་སྤང་མེད།། རང་བྱུང་བདེ་བའི་སེམས་ཉིད་ལ།། སྣང་བ་ཉིད་དུ་གུབ།
283a6 མ་ཡིན།། བདེ་ཆེན་རིག་པ་མཚོ་ལྟར་ཟབ།། ཡེ་ཤེས་རོལ་པ་མཁའ་དང་མཉམ།། དངོས་གྲུབ་རིན་ཆེན་འོད་ལྟར་འབྱུང་།། ཞེས་གསུངས་སོ།། བྱང་ཆུབ་ཀྱི་སེམས་ཡེ་ཤེས་རྫོགས་པའི་རྒྱུད་ལས། ལྟ་བ་བསྟན་པའི་ལེའུ་སྟེ་གསུམ་པའོ།།
283a7 དེ་ནས་རིག་པའི་རྒྱལ་པོས་རང་བཞག་རིག་པའི་དོན་གསུངས་པ། རིག་པའི་སེམས་ཉིད་ཕྲེང་མེད་ལ།། ཏིང་འཛིན་མི་གཡོ་འཇུག་པ་མེད།། རྩོལ་མེད་རིག་པ་བས་མ་དང་བྲལ།། ཡེ་ཤེས་རྫོགས་པའི་འཁོར་ལོ་ལ།། ཐིག་ལེ་བདེ་ཆེན་བསམ་མི་ཁྱད།
iiif viewer powered by OpenSeadragon
