| e-texts navigator |
| Wylie |
280a1 གསུམ་རྫོགས་པའི་ཡེ་ཤེས་ཆེ།། མཛད་པ་གྱོགས་བཅུ་སུ་མཐའ་མེད།། ཐུགས་རྗེ་རང་སྡང་ཕྱོགས་རིས་མེད།། བཏང་སྙོམས་ཆེན་པོ་ཀུན་ཏུ་བཟང་།། རིག་པ་མཆོག་གི་དཀྱིལ་འཁོར་ནས།། རྫོགས་པའི་ཡེ་ཤེས་ཐབས་ཆེན་གྱིས།
280a2 གསང་བའི་ཡེ་ཤེས་སྒོ་ཕྱེ་ནས།། དཔལ་གྱི་མགུར་ནས་གསུང་བསྒྲགས་པ།། འདུས་པའི་འཁོར་ལ་གསལ་བར་གསུངས།། ཞེས་ཞུས་སོ།། དེ་ནས་རིག་པའི་རྒྱལ་པོས་རྡོ་རྗེ་སེམས་དཔའ་ལ་འདི་སྐད་ཅེས་བཀའ་སྩལ་ཏོ།། ཡེ་ཤེས་རྫོགས་པའི་བདེ་བ་ཆེ།
280a3 མཐའ་ལས་འགྲོ་བ་ཀུན་ལ་ལྡན།། རིག་པ་དབྱེར་མེད་ཀུན་ཏུ་བཟང་།། གང་ཡང་མ་ཡིན་རིག་པར་གསལ།། རྩོལ་བའི་སེམས་ལ་མངོན་སངས་རྒྱས།། རྒྱུ་འབྲས་གཉིས་མེད་འགྱུར་བ་བྲལ།། རྣམ་ཀྱང་ཤེས་པ་རང་གནས་པ།། བྱེད་པ་ཉིད་ཀྱིས་མཐོང་བར་གྱིས།།
280a4 ཤེས་པའི་རྣམ་གྲངས་གང་སྐྱེས་ཀྱང་།། རྣམ་བྱང་ཉིད་ལས་གཞན་མ་ཡིན།། བསམ་གྱིས་མི་ཁྱབ་དུས་ན་ཤེས།། འཁོར་བའི་ཤེས་པ་གློ་བུར་བ།། རང་བཞིན་མ་ཡིན་རྐྱེན་གྱིས་སྣང་།། བརྗོད་པའི་བརྟན་མ་ཉིད་དང་མཚུངས།། རྣམ་པར་རྟོག་པའི་སེམས་ཉིད་ནི།། གང་ལྟར
280a5 བརྟགས་པ་བཞིན་དུ་མཐོང་།། དུ་མའི་རིགས་ཀྱི་རྟོག་པ་དག། སྒོ་རྣམས་ཀུན་ཏུ་རྒྱུ་བ་སྟེ།། མི་གཅིག་སྐར་ཁུང་དུ་མ་བཞིན།། དོན་གྱི་རྣམ་བྱང་དུ་མ་མིན།། རིག་པ་དབྱེར་མེད་དཀྱིལ་འཁོར་འདི།། མཐའ་བྲལ་ལྟ་བའི་དོན་ལྡན་གྱིས།། རང་གཞག་དགོངས་པས
280a6 གནས་པར་བྱ།། རང་བྱུང་ཐུགས་རྗེ་གཡོ་མེད་ཀྱིས།། འགྲོ་དོན་མི་ལུས་རྫོགས་པར་མཛད།། སྐུ་གསུམ་ལྷུན་གྲུབ་འབྲས་བུ་ནི།། གཞན་མ་ཡིན་ཏེ་ཡེ་ཤེས་རྫོགས།། རིས་དྲུག་དབང་པོ་ཚིག་ཆོད་དམ།། སྦྱངས་པའི་འཕྲོ་ཅན་གང་ཡང་རུང་།། ཆོས་ཀྱི་རྣམ་གྲངས
280a7 གང་སྒོ་ནས།། སྤྱི་བླུགས་དབང་ལ་གནས་བྱས་ཏེ།། རྣ་བརྒྱུད་གདམས་ངགནོད་པར་བྱ།། བཟོད་མེད་ལམ་ལ་གནས་བྱས་ལ།། སྦྱང་མེད་ས་ཡི་ཡོན་ཏན་འཕེལ།། རློས་མིན་ཅིག་ཆང་འཇུག་པའི་ས།། རང་བྱུང་ཡེ་ཤེས་བླ་མའི་ས།། རབ་ཏུ་ཆེ་མཆོག་ཆོས
iiif viewer powered by OpenSeadragon
