| e-texts navigator |
| Wylie |
27b1 ཉོན་ཅིག། སླད་དུ་རྒྱུད་ཀྱི་མཚན་སྨོས་པ།། དབང་པོ་རབ་ཀྱི་དོན་འགྱུར་གྱིར།། འཕགས་པའི་དོན་དང་འཇམ་དཔལ་དོན།། མཚན་གྱི་དོན་དང་བརྗོད་ཐབས་དོན།། རྣམ་པ་བཞི་ཡིས་བཤད་པ་ཡིན།། འཕགས་པའི་དོན་ལ་རྣམ་གསུམ་སྟེ།། བྱེད་པའི་ཚིག
27b2 བཞི་དབྱེ་སྒོ་བཞི།། ཐབས་ཀྱི་ཁྱད་པར་རྣམ་བཞི་འཕགས།། དེ་ལ་བྱེད་པའི་ཚིག་བཞི་ནི།། གང་འཕགས་གང་ལས་གང་གིས་འཕགས།། གང་དང་འདྲ་བར་འཕགས་པའོ།། དབྱེ་སྒོ་རྣམ་པ་བཞི་དག་ནི།། བརྗོད་བྱ་རྗོད་བྱེད་སྒྲུབ་པ་ལམ།། མཐར་སུག
27b3 འབྲས་བུས་འཕགས་པའོ།། ཐབས་ཀྱི་ཁྱད་པར་བཞི་དག་ནི།། འཇམ་དཔལ་དོན་གྱི་མཚན་བརྗོད་པའི།། རྒྱུད་ཀྱི་རྒྱལ་པོ་ལྷུན་རྫོགས་ནི།། ཐབས་མེང་པ་དང་མཁས་པ་དང་།། དེ་བཞིན་སླ་དང་མྱུར་བ་ཡིས།། སྔགས་ཀྱི་བསྟན་པ་ཁྱད་པར་འཕགས།།
27b4 དེ་ཡང་རྒྱུང་རྒྱལ་ལྷུན་རྫོགས་འདི།། ཐབས་མང་བ་ཡི་རྒྱུད་ཡིན་པས།། ཇི་ལྟར་བསྒྲུབས་ཀྱང་འབྲས་བུ་འབྱུང་།། ཐེག་པ་སྒྲ་ཚིགས་ཐབས་ཚུལ་གྱིས།། འགྲོ་བའི་དོན་ལ་རྟོགས་པ་པོ།། ཐབས་མཁས་པ་ཡི་རྒྱུད་ཡིན་པས།། མ་ཡེང་ཡེ་ཤེས་རྒྱུན་དུ་འཆར།།
27b5 མཁས་པ་ཆེན་པོ་འདོད་ཆགས་ཆེ།། སེམས་ཅན་ཐམས་ཅད་དགའ་བར་བྱེད།། ཐབས་སླ་བ་ཡི་རྒྱད་ཡིན་པས།། དཀའ་ཐུབ་སྡོམ་པས་གཟིར་མི་དགོས།། ཤེས་རབ་ཆེན་པོས་སྐད་ཅིག་ལ།། ཆོས་ཀུན་ཁོང་དུ་ཆུད་པའོ།། ཐབས་མྱུར་བ་ཡི་རྒྱད་ཡིན་པས།།
27b6 བསྐལ་པ་དུ་མར་བགྲོད་མི་དགོས།། སྐད་ཅིག་གཅིག་གིས་རྫོགས་སངས་རྒྱས།། འཇམ་དཔལ་དོན་ལ་རྣམ་དྲུག་སྟེ།། རང་བཞིན་ཆུ་དང་བསྒོམ་པ་ལམ།། མཐར་ཐུག་འབྲས་བུ་རྣམ་པ་དང་།། གདུལ་བྱ་ལས་དག་སྣང་བ་ཡང་།། གྲུབ་མཐའ་སོ་སོ་ལ་གྲགས
27b7 དཔལ།། དེ་ལ་མཚན་གྱི་དོན་བཤད་པ།། ཟག་བཅས་ཟག་མེད་ལ་སོགས་པ།། འཁོར་འདས་ཐམས་ཅད་འཇམ་དཔལ་མཚན།། ཅིའི་ཕྱིར་འཐད་པ་དྲུག་ཡིན་ཏེ།། ཁྱབ་པའི་ཕྱིར་དང་སྤྲུལ་པའི་ཕྱིར།། རང་བཞིན་ཕྱིར་དང་མཁྱེན་པའི་ཕྱིར།། གསང་བའི་ཕྱིར་དང
iiif viewer powered by OpenSeadragon
