| e-texts navigator |
| Wylie |
278b1 ཤེས་ཡིན།། ཆོས་ཉིད་ཀ་དག་འོད་གསལ་སེམས།། དོན་ཏེ་ཤེས་པས་ཡེ་ཤེས་ཡིན།། མ་བཀག་རང་རིག་ཏུ་མེད་གསལ།། རང་བྱུང་ཡེ་ཤེས་འགྱུར་མེད་སེམས།། འོད་གསལ་བསམ་གྱིས་མི་ཁྱབ་པ།། ཀུན་བཟང་རོལ་པ་མཐའ་དབུས་མེད།། མེ་རྩོལ
278b2 མཐའ་བྲལ་དབུ་མའི་སེམས།། མཚོན་འདས་རང་བཞིན་ཞེན་རྟོག་མེད།། གཉིས་མེད་རང་རིག་ཡུལ་དང་བྲལ།། དང་རིག་ཡེ་ཤེས་ཐིག་ལེ་དྲུག། བལྟ་སྤྱོད་དགོངས་པའི་རང་བཞིན་ནོ།། མ་འབྲོས་ཟླ་བའི་དཀྱིལ་འཁོར་ལྟར།། མི་གཡོ་སེམས་ཉིད་མི་འགྲོས
278b3 པ།། ཐིག་ལེ་སྤྲོས་བྲལ་ཡེ་སངས་རྒྱས།། བྱང་ཆུབ་སེམས་ཀྱི་ཁྱད་པར་ཆེ།། མངོན་པར་སངས་རྒྱས་ཆེ་བ་ལྔ།། ཡེ་ཤེས་ཐིག་ལེ་ཀུན་ཏུ་བཟུང་།། རྣམ་གསུམ་ཐིག་ལེ་ཀུན་བཟང་ཉིད།། ཆོས་ཉིད་དབྱིངས་སུ་སངས་རྒྱས་ཆེ།། ཀུན་བཟང་ཅིག་ལེ་བྱང་དྲུབ
278b4 སེམས།། ཐམས་ཅད་ཡིན་པའི་ཆེ་བ་ཉིད།། རྫོལ་བྲལ་ལྷུན་གྲུབ་ཐིག་ལེ་ཉིད།། བདག་ཉིད་ཆེན་པོའི་སངས་རྒྱས་ཡིན།། མཐའ་བྲལ་འོད་གསལ་ཆེན་པོ་ནི།། སངས་རྒྱས་མེད་པའི་ཆེ་བར་བཤད།། མི་འགྱུར་བརྡལ་ཁྱབ་སྤྲོས་པ་བྲལ།། ཅིས་ཀྱང་མི་བསྐྱོད་སེམས
278b5 ཉིད་ཆེ།། འདུ་འབྲལ་གཉིས་མེད་རྡོ་རྗེ་ཉིད།། ཕྱི་ནང་མེད་པའི་གསལ་ཁྱབ་ལ།། ཕྱི་ནང་གསང་བའི་སྒོ་ཕུགས་མེད།། ཡུལ་དང་དབང་པོ་གདོད་ནས་དག། མཚན་མ་གཞིལ་བའི་སྐུ་མེད་པའི།། རྡོ་རྗེ་སེམས་དཔའ་མི་འགྱུར་ཆེ།། ཡེ་ཤེས་མཁའ་གསལ་ཀུན་ཏུ་བཟང་།། བསམ་མེད
278b6 མཁའ་གསང་ཡེ་སངས་རྒྱས།། ཅིར་ཡང་མི་དགོངས་ཆོས་ཉིད་དང་།། མི་འདའ་ཕྱག་རྒྱར་འགྱུར་མེད་སེམས།། མི་རྩོལ་མཐའ་བྲལ་དབུ་མའི་ལམ།། མཁའ་ལྟར་ཁྱབ་པའི་བདེ་ཆེན་པོ།། རྒྱུ་འབྲས་གཉིས་མེད་ཡེ་ནས་རྫོགས།། ཞེས་གསུངས་སོ།། ཡེ་ཤེས
278b7 གསང་བའི་རྒྱུད་ལས། ཡེ་ཤེས་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་སེམས་དཔའ་རྡོ་རྗེས། དེ་བཞིན་གཤེགས་པ་རྣམ་པར་སྣང་མཛོད་ལ་འདི་སྐད་ཅེས་གསོལ་ཏོ།། ཀུན་ཏུ་བཟང་པོ་ཡེ་ཤེས་ཐུགས།། བདེ་ཆེན
iiif viewer powered by OpenSeadragon
