| e-texts navigator |
| Wylie |
274a1 འཛིན་སེམས་ཀྱི་རིམ་མེད་པར།། ཐམས་ཅད་སྒྲོལ་བས་རྫོགས་པའི་ལན།། རིག་པའི་གནས་སུ་རྟོགས་པས་ཕྱེད།། དེས་ན་མཐར་བྱིན་འབྲས་བྷའི་ལམ།། ཡ་ནས་ཡོད་མེད་རྣམ་དག་ལམ།། གྱོན་ཡོན་རྣམ་དག་ཀུན་ཏུ་བཟང་།
274a2 དབྱེར་མེད་ཐམས་ཅད་མཚུངས་པའི་ལམ།། བྱང་ཆུབ་སེམས་ལ་རྒྱུ་མེད་པས།། རྒྱ་ཡིས་བསྒྲུབ་པའི་འབྲས་བུ་མིན།། དང་པོའི་ཡེ་ཤེས་རྒྱུ་མེད་པས།། རང་གསལ་ཉག་གཅིག་དྲི་མ་མེད།། རྩོལ་མེད་ནམ་མཁའ་བཞིན་དུ་གནས།། སངས་རྒྱས་སེམས
274a3 ཅན་ཀུན་ལ་ཁྱབ།། དེ་ཉིད་རྟོགས་པས་འབྲས་བུའི་ས།། འདས་པ་མ་འོངས་ད་ལྟར་ཡང་།། རྟོགས་པ་སྟེ་ཕྱིའི་ཁྱད་པར་ལས།། དུས་གསུམ་གཅིག་སྟེ་ཁྱད་པར་མེད།། མ་བཅོས་ཐུགས་ཀྱི་རིག་པ་ལས།། སྔོན་མེད་ཕྱིས་མེད་ཉག་གཅིག་གསལ།། རང་བྱུང
274a4 འོད་གསལ་གདོད་ནས་ཡོད།། རྒྱུ་མེད་འབྲས་བུ་བྱང་ཆུབ་སེམས།། འབྲས་བུ་ཀུན་གྱི་བདག་ཉིད་ཡིན།། ཆོས་སྐུ་འབྲས་བུ་རང་གསལ་ལ།། རིན་ཆེན་འབར་བ་ལྷུན་གྲུབ་ལྟར།། ཐུགས་རྗེའི་བྱིན་རླབས་འདོད་དགུ་འཆར།། སྐལ་ལྡན་རབ་རྐྱེན་ཉི་མ་བཞིན།། སེམས
274a5 ཅན་དུས་ན་སྐབས་ཀྱིས་མཐུན།། ལྷུ་ན་གུ་བ་དུས་ན་ཕྱོགས་རིས་མེད།། འོད་གསལ་རིག་པའི་དཀྱིལ་འཁོར་ན།། རང་སྣང་འབྲས་སྭ་རྒྱ་མཚོར་འཁྱིལ།། གསལ་བར་འབྲས་བུ་བདག་གཞན་མེད།། བདག་གཞན་འབྲས་བུར་སྣང་བ་ལ།། དངོས་དང་བསམ་པ་སྐབས
274a6 ཀྱིས་ཤེས།། གསལ་བར་རིག་པའི་བྱིན་རླབས་ནི།། ཆོས་ཉིད་རིག་པའི་གཞི་ལ་རྫོགས།། སྙིང་པོ་དོན་གྱི་གཞི་རྟོགས་ནས།། རང་བཞིན་ཚོགས་རྫོགས་སྒྲིབ་པ་མེད།། གཉིས་ཀྱིས་མི་བསྒྲུབ་སྤང་བ་མེད།། སྤང་མེད་ཐིག་ལེ་ཉིད་ཀྱི་དབྱིངས།། མཚོན་མེད་སེམས
274a7 ཀྱི་འབྲས་བུ་ནི།། རིག་མའི་བདེ་བས་མཚོན་དུ་མེད།། འོད་གསལ་རྒྱུ་འབྲས་གཉིས་མེད་ལ།། རྒྱུ་འབྲས་གཉིས་སུ་རྟོག་པ་མིན།། གསལ་བར་རྫོགས་པའི་འབྲས་བུ་ནི།། འབྱུང་བ་ལྔ་ལ་རག་མ་ལས།། སྒྲ་གསུང་ཐུགས་ལ་ཏེན་མི་འཆའ།། ཞེས་གསུངས
iiif viewer powered by OpenSeadragon
