| e-texts navigator |
| Wylie |
264a1 རིགས་བཞི་འདོད་པའི་རྩོལ་བ་བྲལ།། མཚོན་མེད་སེམས་ཀྱིང་བོ་ལ།། ཤེས་རབ་ཐབས་ཀྱིས་མཚོན་དུ་མེད།། རྒྱུ་འབྲས་བྲལ་བའི་རིག་པ་ལ།། དབྱིངས་དང་ཡེ་ཤེས་རྒྱུ་འབྲས་མེད།། འབྱུང་བ་ལྔ་ལ་རག་མ་ལུས།། སྐུ་གསུང
264a2 ཐུགས་ལ་རྟེན་མི་བཅའ།། རིག་པའི་བློ་ཡིས་མ་དཔྱད་ན།། རང་བཞིན་ཐོག་ཏུ་ཕེབས་པར་འགྱུར།། གདོད་ནས་མ་ཅོས་ཤིན་ཏུ་དགེ།། བསམ་དང་བྲལ་བས་དེ་བཞིན་ཞོག། སེམས་ཀྱིས་རིག་པ་རྟོགས་གྱུར་ན།། སེམས་ཀྱི་རྟོགས་པ་བསམ་མི་ཁྱབ།
264a3 རྒུད་འགྲེས་ཚིག་གིས་མ་བཀྲོལ་བར།། གཏན་ཚིགས་རིགས་པས་འབྱིན་པར་ནུས།། ཐོས་པ་བསམ་པ་བསྒོམ་པ་གསུམ།། རྟོགས་བཟླ་སྐར་ཉི་མ་བཞིན།། བྱང་ཆུབ་སེམས་ཀྱི་ངོ་བོ་ནི། དམན་པའི་སེམས་ཀྱི་མི་རྟོག་ཏེ།། གཏན་ཚིགས་གསུམ་གྱིས
264a4 ཤེས་པར་བྱ།། རང་གིས་རིག་པ་གསལ་བ་སྟེ།། རང་བཞིན་རིག་པ་ཅིར་ཡང་སྣང་།། བདག་ཉིད་སྣང་སྟོང་ཐ་དད་མེད།། བསྒྲུབ་བྱ་དག་གི་རང་བཞིན་ནི།། འཁྲུལ་པ་བྱང་ཆུབ་སེམས་སུ་ཤེས།། བདག་ཉིད་ཆེན་པོའི་གཏན་ཚིགས་ཀྱིས།། ཐམས་ཅད
264a5 བྱང་ཆུབ་སེམས་སུ་ཤེས།། གང་ལྟར་གནས་ཀྱང་ཆོས་ཉིད་དོ།། དབྱིངས་དང་ཡེ་ཤེས་གཏན་ཚིགས་ནི།། དབྱིངས་ནི་དག་པའི་རྒྱུ་ཡིན་ཏེ།། ཡེ་ཤེས་འབྲས་བུ་ཉིད་དུ་གསལ།། གཅིག་ཏུ་འདུས་པས་གཟུང་འཛིན་མེད།། རང་བཞིན་དཔེ་དང་དོན
264a6 དང་ནི།། གཏན་རྫོགས་བཞི་རུ་ཤེས་པར་བྱ།། ཞེས་གསུངས་སོ།། ཡེ་ཤེས་གསང་བའི་རྒྱུད་ལས། བྱང་ཆུབ་སེམས་ཀྱི་ལེའུ་སྟེ་གཉིས་པའོ།། ། དེ་ནས་སེམས་དཔའ་རྡོ་རྗེས། དེ་བཞིན་གཤེགས་པ་རྣམ་པར་སྣང་མཛད་ལ་འདི་སྐད་ཅེས
264a7 ཞུས་སོ།། ཁྱོད་ནི་སྨྲ་བའི་སེང་གེ་སྟེ།། ཚལ་བྲལ་བསྟན་པ་ཐུགས་ལ་རྫོགས།། བྱམས་མགོན་ཐུགས་རྗེ་ཆེན་པོ་ཡིས།། སྐལ་ལྡན་འདུས་པའི་ཚོགས་ཆེན་ལ།། བྱང་ཆུབ་སེམས་ཀྱི་རང་བཞིན་ནི།། གང་ལགས་རབ་བསྟན་དུ་གསོལ།། ཞེས
iiif viewer powered by OpenSeadragon
