| e-texts navigator |
| Wylie |
262b1 རྣམ་པར་གནོན་པའི་ཞིང་ཁམས་ན། དེ་བཞིན་གཤེགས་པ་རྡོ་རྗེ་གསང་བ་ཞེས་བྱ་བ། མི་ཕྱེད་པའི་འཁོར་དང་བཅས་པ་ལ་འདི་སྐད་ཅེས་གསོལ་ཏོ།། སེམས་ཉིད་རྡོ་རྗེ་ལྟ་བུ་ལ།། སྐྱེ་འགག། འབྱུང་བ་ཇི་ལྟར་ལགས།། ཞེས་གསོལ་པ་དང་། དེ་ན
262b2 དེབཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེ་གསང་བས་བཀའ་སྩལ་པ། སེམས་ཉིད་མི་འགྱུར་རྡོ་རྗེ་ལ།། སྐྱེ་འགག་ཡོད་པ་མ་ཡིན་ཏེ།། རྣམ་རྟོག་བློ་ལ་སྐྱེ་འགག་བྱུང་།། ཞེས་གསུངས་སོ།། དེ་ནས་ལྷོ་ཕྱོགས་ཀྱི་འཇིག་རྟེན
262b3 གྱི་ཁམས་རིན་པོ་ཆེ་སྣང་བ་ཞེས་བྱ་བ་ན། དེ་བཞིན་གཤེགས་པ་རིན་ཆེན་ཞབས་ཞེས་བྱ་བ། རང་འབར་སྣང་བའི་ཁྲི་ལ་བཞུགས་ཏེ། ཉིད་ཀྱི་འཁོར་ལ་གསང་སྔགས་ཀྱི་དེ་ཁོ་ན་ཉིད་སྟོན་ཅིང་བཞུགས་པ་ལ། སེམས་དཔའ་རྡོ་རྗེས་འདི་སྐད་ཅེས་གསོལ
262b4 ཏོ།། བྱང་ཆུབ་སེམས་ཀྱི་རང་བཞིན་ལ།། རྒྱུ་རྐྱེན་རྩོལ་བས་མ་བསྒྲུབས་པར།། ཡོན་ཏན་འབྲས་བུ་ཇི་ལྟར་འཆར།། ཞེས་གསོལ་པ་དང་། དེ་ནས་དེ་བཞིན་གཤེགས་པ་རིན་ཆེན་ཞབས་ཀྱིས་བཀའ་སྩལ་པ། ཏཀྵ་ཀ་ཡི་རྒྱན་བཞིན་དུ།། རྒྱུ་འབྲས་མཐར
262b5 ཕྱིན་གཞི་ནས་རྫོགས།། ཐམས་ཅད་དང་བྱུང་སྙིང་པོའི་མཆོག། གསང་བའི་ཐབས་གིས་རྟོགས་གྱུར་ན།། ཉི་མའི་འོད་ལྟར་འབྲས་བུ་འཆར།། ཞེས་གསུངས་སོ།། དེ་ནས་ནུབ་ཕྱོགས་ན་པདྨ་བརྩེགས་པའི་ཞིང་ཁམས་ན། བཅོམ་ལྡན་འདས་པདྨའི་འོད་ཅེས་བྱ་བ།
262b6 དྲི་མ་མེད་པའི་པདྨའི་གདན་ལ་བཞུགས་ཏེ། ཉིད་ཀྱི་འཁོར་ལ་གསང་སྔགས་ཀྱི་དེ་ཁོ་ན་ཉིད་སྐྱོན་ཅིང་བཞུགས་པ་ལ། སེམས་དཔའ་རྡོ་རྗེས་འདི་སྐད་ཅེས་གསོལ་ཏོ།། སེམས་ཉིད་པདྨ་ལྟར་དག་པར།། གཟུང་འཛིན་དྲི་མ་ཇི་ལྟར་བྱུང་།། ཞེས་གསོལ་པ་དང་། བཅོམ
262b7 ལྡན་འདས་པདྨའི་འོད་ཀྱིས་བཀའ་སྩལ་པ།། པདྨ་འདམ་ན་གནས་བཞིན་དུ།། འདམ་གྱི་སྐྱོན་གྱིས་གོས་པ་མེད།། བྱང་ཆུབ་སེམས་ཀྱི་ངོ་བོ་ནི།། འཁོར་བའི་རྟོག་པར་མི་འགྱུར་ཏེ།། རྣམ་རྟོག་བློ་ལ་འཁོར་བ་བྱུང་།། ཞེས་གསུངས་སོ།། དེ་ནས་བྱང་ཕྱོགས་རྣམ་དག
iiif viewer powered by OpenSeadragon
