| e-texts navigator |
| Wylie |
249a1 །། བྱས་ལྷུར།། རིག་པ་རང་གསལ་དབང་ཐོབ་ནས།། བརྡ་དོན་སྤྲད་ནས་རྒྱལ་སར་བཞག།། མཁྱེན་པའི་ཡེ་ཤེས་གཅིག་ཏུ་ལ་སྦྲེལ།། རོལ་པའི་ཕྱག་རྒྱ་མ་འདྲེས་གསལ།། བཙལ་མེད་རིག་པར
249a2 ཁྱད་པར་ལས།། ལྷན་གྲུབ་རིན་ཆེན་འོད་ལྟར་འབྱུང་།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། བཙལ་མེད་བསྒྲུབ་པའི་ལེའུ་སྟེ་བཅུ་དྲུག་པའོ།། ། དེ་ནས་སེམས་དཔའ་རྗེ
249a3 རྗེ་དམ་པ་དེས་དེ་བཞིན་གཤེགས་པ་རྡོ་རྗེ་སེམས་དཔའ་ལ་འདི་སྐད་ཅེས་གསོལ་ཏོ།། དུས་གསུམ་སངས་རྒྱས་ཐམས་ཅད་ཀྱི།། སྐུ་གསུམ་རྨད་བྱུང་རོལ་པར་ཤར།། རྩོལ་བྲལ་ལྷན་གྲུབ་ཕྲིན་ལས་བདག། ཕྱོགས་མེད་རང་གསལ་ཀུན་གྱི
249a4 དངོས།། མགོན་པོ་ཁྱོད་ལ་གསོལ་བ་ནི།། རྩོལ་བྲལ་རིག་པའི་ཕྲིན་ལས་ལ།། འཇུག་པའི་མཚན་ཉིད་མཉམ་སྦྱོར་བས།། དེ་བཞིན་ཉིད་དུ་མཛད་དུ་གསོལ།། ཞེས་གསོལ་ཏོ།། དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད
249a5 ཅེས་གསུངས་སོ།། ཀྱེ་སེམས་དཔའ་ཆེན་པོ། རྒོལ་བྲལ་རིག་པ་ལྷུན་གྲུབ་པདག། ཕྱོགས་མེད་རང་བྱུང་གཉིས་མེད་ལ།། གཉིས་ཀྱི་འདུ་ཤེས་འབྱུང་འཇུག་མེད།། ལྷུན་གྱིས་གྲུབ་པའི་ཕྲིན་ལས་སོ།། རིག་པའི་བྱིན་རླབས་མཁལ་དྷ
249a6 བརྡལ།། མཛད་པའི་བྱེ་བྲག་བསམ་མི་ཁྱབ།། གསལ་བའི་མེ་ལོང་ཡིད་ཀྱིས་འཇུག། བྱ་བྲལ་ལྷན་རྫོགས་ཕྲིན་ལས་ནི།། བདེ་བའི་ཐིག་ལེ་ཡེ་ཤེལ་འོད།། ཇི་ལྟར་གསལ་བ་དེ་ལྟར་གསལ།། གང་རུང་རིག་པ་གཅིག་ལ་རྫོགས།། རིན་ཆེན་ཕུང
249a7 མའི་འོད་ཟེར་ལྟར།། དབྱིངས་སུ་འཁྱིལ་ཞིང་སླར་ཡང་འགྲོ།། གང་ཡང་མི་མཛད་ཐམས་ཅད་ཀུན།། ཀུན་མཛད་རིག་པའི་ཕྲིན་ལས་ཅན།། བཙལ་བྲལ་ཡེ་ཤེས་གསལ་བའི་འོད།། ཀུན་ལ་སྙོམས་ཤིང་ཡོངས་ལ་བརྡལ།། བྱ་བྲལ་རིག་པའི
iiif viewer powered by OpenSeadragon
