| e-texts navigator |
| Wylie |
200b1 སྙིང་པོའི་དོན།། འཁོར་དང་མྱང་འདས་རོ་གཅིག་པས།། སངས་རྒྱས་སེམས་ཅན་འབྱུང་གནས་ས།། ཀུན་གྱི་སྤྱི་གཞི་ཡིན་པར་བཤད།། གསལ་ལ་འཛིན་མེད་རྟོགས་པས་ལམ།། ཞི་གནས་ལྷག་མཐོང་ཟུང་དུ་འགྲེལ།། ཉམས་མྱོང་སྣ་ཚོགས་འབྱུང་བའི་གན
200b2 འབྲས་བུ་ལམ་དུ་བྱེད་པས་བཤད།། ཡོངས་སུ་རྫོགས་པས་འབྲས་བུ་ཡིན།། ཁམས་གསུམ་ཞུ་གསུམ་ཐ་མི་དད།། བདག་དོན་གཞན་དོན་འབྱུང་བའི་གནས།། འབྲས་བུ་ཡི་ནས་སྨིན་པར་བཤད།། ཅེས་གསུངས་སོ།། རིན་པོ་ཆེ་འཕགས་ལམ་བཀོད་པའི་རྒྱུད་ལས།།
200b3 སངས་རྒྱས་དང་སེམས་ཅན་ཁྱད་པར་བསྟན་པ་དང་། གཞི་ལམ་འབྲས་བུ་བསྟན་པའི་ལེའུ་སྟེ་ལྔ་པའོ།། ། རྡོ་རྗེ་སེམས་དཔས་ཡང་ཞུས་པ།། འདུས་པའི་འཁོར་ལ་ཕན་གདགས་ཕྱིར།། ཀུན་རིག་སྟོན་པ་ཆོས་རྗེ་ལགས།། རྒྱུད་ཀྱི་ལྡང་ཚད་བཤད་དུ
200b4 གསོལ།། ཀུན་རིག་སྟོན་པས་བཀའ་སྩལ་པ།། འདུས་པའི་འཁོར་རྣམས་ངལ་ཏོན།། རྒྱུད་ཀྱི་དོན་རྣམས་ངས་བཤད་པས།། གུས་པས་ཉོན་ལ་ཡིད་ལ་ཟུང་།། རྒྱུ་ཡི་རྒྱུད་དང་ལམ་གྱི་རྒྱུད།། འབྲས་བུའི་རྒྱུད་དང་གསུམ་དུ་བཤད།། གསང་སྔགས་རྒྱུད་ཀྱི་དབྱེ་བ
200b5 ཡིན།། འབྲེལ་དང་མ་ཚད་མེད་པ་དང་།། ཕུན་སུམ་ཚོགས་པས་རྒྱུད་ཅེས་བྱ།། རྒྱུད་ནི་རྒྱུན་ཆགས་ཞེས་བྱ་སྟེ།། འཁོར་བ་ཡང་ནི་རྒྱུད་དུ་འདོད།། གསང་སྔགས་རྒྱུད་ཀྱི་དངོས་པོ་ནི།། ཡོངས་སུ་ཤེས་པ་བརྒྱད་ཀྱིས་བསྟན།། བལྟ་བ་སྤྱོད་པ་དཀྱིལ་འཁོར
200b6 དབང་།། དམ་ཚིག་དང་ནི་ཕྲིན་ལས་དང་།། བསྲུབ་པ་མཆོད་པ་བྱ་བར་བཤད།། ཅེས་གསུངས་སོ།། རྡོ་རྗེ་སེམས་དཔས་ཡང་ཞུས་པ།། ཐམས་ཅད་མཁྱེན་པ་ཁྱེད་ཀྱི་ཐུགས་ཁྲོལ་ལ།། ཕྱི་རབས་རྣམས་ལ་ཕན་གདགས་ཕྱིར།། འདི་དོན་རྒྱས་པར
200b7 བཤད་དུ་གསོལ།། ཀུན་རིག་སྟོན་པས་བཀའ་སྩལ་པ།། ལྟ་བ་ལོག་དང་དམན་པ་དང་།། ཤེས་པར་བྱ་བའི་ལྟ་བ་ནི།། མཐའ་བྲལ་ཡེ་ཤེས་ཕྱོགས་ཆ་བྲལ།། གཟུང་འཛིན་རྟོག་པ་ཀ་ནས་དག། ཡང་དག་ཉིད་ལ་ཡང་དག་བལྟ།། ཡང་དག
iiif viewer powered by OpenSeadragon
