| e-texts navigator |
| Wylie |
200a1 རྒྱས་པས།། སྟོང་གསལ་རིག་པ་ཆོས་ཀྱི་སྐུ།། ལོགས་ན་ཡོད་པ་མ་ཡིན་པས།། རང་གི་སེམས་ནི་སྟོང་གསལ་ཡིན།། དབང་མེད་གསུམ་གྱིས་འཁོར་བ་སྟོངས།། སྣང་བ་རང་སྣང་ཤེས་ཙམ་ན།། ཤ་ཁག་ལུས་ནི་སྟོངས་པར་འགྱུར།། ཤར
200a2 རང་ཤར་ཤེས་ཙམ་ན།། ཉོན་མོངས་སེམས་ནི་སྟོངས་པར་འགྱུར།། རླུང་ཡང་རང་གི་རྩལ་དུ་ཤེས།། ལུས་སེམས་གཉིས་སུ་ཚོགས་རྒྱུ་མེད།། དེ་ལྟར་གསུམ་ལ་བརྟེན་ནས་ཀྱང་།། སྟོང་གསལ་རིག་པ་སངས་རྒྱས་སོ།། དེ་ལྟ་ད་མ་ཤེས་དྲོ་ཆུང་རྣམས།། དབང་མེད་དྲུག
200a3 གྲིས་འཁོར་བར་འཁྱམས།། སྣང་བ་རང་སྣང་མ་ཤེས་ན།། ལུས་སུ་མི་འགྲོ་རང་དབང་མེད།། ཤར་བ་དང་ཤར་མ་ཤེས་ན།། སེམས་སུ་མི་འགྲོ་རང་དབང་མེད།། རླུང་དང་རྩལ་དུམ་ཤེས་ན།། ལུས་སེམས་མི་འདུ་རང་དབང་མེད།། འདུས་ནས་མི་སྐྱེ་རང་དབང་མེད།། ན
200a4 མི་རྒས་རང་དབང་མེད།། རྒས་ནས་མིན་རང་དབང་མེད།། ན་ནས་མི་འཆི་རང་དབང་མེད།། ཤི་ནས་ཁམས་གསུམ་འཁོར་བར་འཁྱམས།། འཁོར་འདས་མཚན་ཉིད་བཞི་རུ་འདུས།། མི་རྟག་སྡུག་བསྔལ་སྟོང་བདག་མེད།། སྣོད་ཀྱི་འཇིག་རྟེན་རི་དང་གླིང་རྣམས་ཀྱང་།། འཇིག།
200a5 པའི་དུས་ན་བསྐལ་པའི་མེ་བྱུང་བས།། ཐལ་བའི་ལྷག་མ་ཙམ་ཡང་མི་ལུས་སོ།། ཆུ་དང་རླུང་གིས་འཇིག་པ་དེ་བཞིན་ནོ།། བཅུད་ཀྱི་སེམས་ཅན་ཚེ་འདི་མི་རྟག་པས།། ལུས་དང་ལོངས་སྤྱོད་ལ་སོགས་འདོར་བར་ངེས།། རིགས་དྲུག་སྡུག་བསྔལ་མང་པོ་བསམ་མི་ཁྱབ།། སྲིད་པ་ལྷོང་པར
200a6 རྟོགས་པ་ཞི་བའི་མཆོག། བདག་མེད་གཉིས་རྟོགས་ཡང་དག་ཐར་པའི་ལམ།། འཁྲུལ་པ་ཉིད་དང་བྱང་ཆུབ་ལམ།། རྟག་ཏུ་གླེགས་བྱེད་མ་ཡིན་ཏེ།། ཉན་ཐོས་དང་ནི་རང་སངས་རྒྱས།། སངས་རྒྱས་ས་ལ་གེགས་བྱེད་དོ།། རིན་པོ་ཆེ་འཕགས་ལམ་བཀོད་པའི་རྒྱུད་ལས། སངས
200a7 རྒྱས་སེམས་ཅན་ཁྱད་པར་བསྟན་པའི་ལེའུ་སྟེ་བཞི་པའོ།། ། དོང་སེམས་དཔས་ཡང་ཞུས་པ།། ཀུན་རིག་སྐྱོན་པ་ཆོས་རྡོ་ལགས།། ཁྱེད་ནི་འདྲེན་པའི་ལམ་མཁན་ཏེ།། གཞི་ལམ་འབྲས་བུ་བསྟན་དུ་གསོལ།། ཀུན་རིག་སྟོན་པས་བཀའ་སྩལ་པ།། གཞི་ནི་མ
iiif viewer powered by OpenSeadragon
