| e-texts navigator |
| Wylie |
19b1 བཤང་ཆུང་རིན་པོ་ཆེའི་བྱུང་བ་ལས། བྱང་ཚུལ་བསྟན་པའི་ལེའུ་སྐྱེ་དང་པོའོ།། ། དེ་ནས་གསང་དབང་ལ་གན་རྡོ་རྗེ་པས།། སྟོན་པ་ལ་ནི་དྲི་བདྷིས།། འདུམ་དཔལ་དུ་བྲི་མརྒ་ནུ་བརྗོད་པའི།། རྒྱུད་ཀྱི་དྷིང་བ་སྤྱན་རྫོགས
19b2 འདི།། བཤད་པའི་ཚུལ་ནི་ཇི་ལྟར་བཤད།། རྒྱུད་ཀྱི་དོན་ནི་ཇི་ལྟ་བུ།། རྒྱུད་ཀྱི་མཚན་ཉིད་ཇི་ལྟར་ལགས།། ལེའུའི་སྐབས་རྣམས་དུ་ཞིག་མཆིས།། ལེའུ་དྲུག་ཡེ་ཤེས་འཆང་བ་ཅི།། རིམ་གྱིས་གོ་རིམ་མ་མཐུན་གང་།། རྒྱས་བསྡུས
19b3 རིམ་པ་དུ་ཞིག་གསུངས།། སྲུབ་ཐབས་ལྷ་ནི་དུ་ཞིག་མཆིས།། ཟབ་མོ་རྫོགས་པའི་རིམ་པ་ཡི།། གདམས་ངག་གནད་ནི་ཇི་ལྟར་ལགས།། ཚིག་གི་བཀའ་ཚོམས་ཇི་ལྟར་བཤད།། དྲི་བ་རྣམ་པ་བཅུ་ཡི་དོན།། བཅོམ་ལྡན་འདས་ཀྱིས་བཤད་དུ་གསོལ།།
19b4 དེ་སྐད་ཞུས་པའི་ཚིག་དོན་རྣམས།། འཁོར་གྱི་རྟོག་པ་བསལ་བའི་ཕྱིར།། བཅོམ་ལྡན་འདས་ཀྱིས་བཀའ་སྩལ་མཛོད།། འཕགས་པ་འཇམ་དཔལ་གྱི་བཤད་རྒྱུད་རིན་པོ་ཆེའི་ཕྲེང་བ་ལས། འཁོར་གྱིས་ཞུས་པའི་ལེའུ་སྟེ་གཉིས་པའོ།། །
19b5 དེ་ནས་བཅོམ་ལྡན་ཤཱཀྱ་ཐུབ།། རྫོགས་པའི་སངས་རྒྱས་རྐང་གཉིས་མཆོག། འཁོར་ལ་ཞལ་གཟིགས་འཛུམ་པ་མཛད།། ལྗགས་བརྐྱངས་ནས་ནི་ཚིག་གསུངས་པ།། འཇམ་དཔལ་དོན་མཚན་བརྗོད་པ་ཡི།། རྒྱུད་ཀྱི་སྙིང་པོ་ལྷུན་རྫོགས་འདི།།
19b6 བཤད་ཚུལ་རྣམ་པ་བཞི་ཡིན་ཏེ།། ཆོས་རྣམས་ཟབ་ཅིང་རྒྱ་ཆེ་བའི།། བདག་ཉིད་དུ་ནི་སངས་རྒྱས་དང་།། འགྲོ་བས་དེ་མ་རྟོགས་ཚུལ་དང་།། ཐུགས་རྗེ་བསྐྱེད་ཚུལ་ཉིད་དང་ནི།། དེ་ལས་དམ་ཆོས་གསུང་ཚུལ་ལོ།། དམ་ཆོས་གསུང་ཚུལ་རྣམ་བཞི་སྟེ།
19b7 རྒྱས་པར་གསུང་དང་འབྲིང་བསྡུས་འཇུག། དེ་ལས་རྒྱས་པར་གསུངས་པ་ནི།། དུག་གསུམ་ཉོན་མོངས་ཆ་མཉམ་པའི།། གཉེན་པོ་བརྒྱད་ཁྲི་བཞི་སྟོང་ངོ་།། ཐེག་པ་སྣ་ཚོགས་ཐབས་ཚུལ་གྱིས།། འགྲོ་བའི་དོན་ལ་སྟོན་པའོ།། འབྲིང་ནི་རྣམ་པ
iiif viewer powered by OpenSeadragon
