| e-texts navigator |
| Wylie |
194a1 བརྟན་ཐོབ་འཕྲོ་རུ་གཏོང་བ་དང་།། རྣམ་ཤེས་ཡུལ་ལ་ལྡོག་པ་དང་།། ཟག་པ་མེད་པའིར་མྱོང་དང་།། ཐོགས་རྡུགས་མེད་པར་གནས་པའི་ཕྱིར།། རྩོལ་བ་མེད་པར་ཀློང་དུ་དབབ།། བདག་འདོན་མེད་པས་ཉམས་སུ་བླངས།། འགྱུང་བ་མེད
194a2 པར་གཡོན་པར་བྱ།། ཞེན་ཆགས་མེད་པར་ཁོང་མི་འཁྲུགས།། ཉམས་བླང་མེད་པར་ཡལ་བར་མི་འདོར་ངོ་རོ།། རང་གྲོལ་ཆེན་པོའི་མདུད་པ་བཀྲོལ།། ཡེ་ཤེས་ཆེན་པོས་ངོ་ཏི་སྲིད།། ཅེས་གསུངས་སོ།། གདམས་ངག་སྣ་ཚོགས་འཁོར་ལོའི་ཆུད་ཕྱི་མ་ལས
194a3 སེམས་ཟིན་པའི་གང་ཟག་རང་བྱུང་ཡེ་ཤེས་ལ་བསླབ་པའི་ལེའུ་སྟེ་བཅུ་བཞི་པའོ།། །། དེ་ནས་སྟོན་པ་དགའ་རབ་རྡོ་རྗེ་དེས། འཇམ་དཔལ་བཤེས་གཉེན་ལ་སོགས་པའི་འཁོར་རྣམས་ཀྱི་དགོངས་པ་ཐུགས་སུ་ཆུད་ནས་ལྟ་བས་ཐག་བཅད་ཅིང
194a4 འཛིན་པའི་མདུད་པ་གྲོལ་བ་འདི་བཀའ་སྩལ་ཏོ།། རིག་བརྩལ་གྱི་རང་བཞིན་གྱིས།། སྣང་སྲིད་རིག་པའི་རྩལ་དུ་ཤར།། གབ་པ་མངོན་ཕྱུང་རང་བཞིན་གྱིས།། དྲན་རྟོག་དང་ཤར་ཆོས་སྐུར་ཤེས།། ཡེ་ཤེས་ཟང་ཐལ་ཆེན་པོ་ཡི།། རྣམ་འཛུལ་ཅིང་ཡང
194a5 ཤར་བ་ལ།། སྟོང་པས་རྒྱས་གདབ་ཞེན་ཆགས་མེད།། ཆོས་སུ་རང་གསལ་ཐུག་ཕྲད་ཀྱིས།། ཡེ་ནས་གྲུབ་པར་ཐེ་ཚོམ་མེད།། དབྱེར་མེད་དང་བྱུང་རང་གསལ་ཡིན།། ལྷུན་གྲུབ་ཅོག་བཞག་ཆེན་པོ་ཡིས།། རང་སྣང་དབྱེར་མེད་རྣམ་རྟོག་བྲལ།། འདི་ལ་བཟུང་ཞིང།
194a6 རྟོག་དཔྱོད་བྲལ།། བླང་དོར་དབྱེ་བསལ་དང་གིས་བྲལ།། རྗེས་མེད་དོན་གྱི་རྗེས་བཙལ་བས།། འདི་ལ་འདི་ཞེས་བཙལ་དུ་མེད།། རང་བྱུང་ཡིན་པས་བཙལ་དུ་མེད།། ཡེ་ནས་འགྱུར་མེད་ཆུ་རྐྱེན་བྲལ།། དམིགས་གཏད་མེད་པའི་སེམས་ཉིད་ཀྱིས།། གང་ལ་བཟའ་ཞིང་གཏད
194a7 མེད།། གཟའ་གཏད་མེད་པས་ཕྱོག་མེད་ཡིན།། རྟོད་པུར་དག་གིས་མཚོན་བྱས་ཏེ།། འཆིང་གྲོལ་མེད་པའི་དོན་ལ་སྦྱོར།། སྡོང་ཆེན་བརྒྱད་ཀྱི་འཁོར་ལོ་ཡིས།། སྣང་ཞིང་སྲིད་པའི་ཆོས་རྣམས།། ། ཡེ་ནས་ལྷུན་གྲུངབ་ཀུན་ཏུ་བཟང་།། རང་བྱུང་ཡེ་ཤེས་དང་ཤར་ལ།། འཁོར་འདས་རང་བཞིན་དབྱེར་མེད་ཡིན།།
iiif viewer powered by OpenSeadragon
