| e-texts navigator |
| Wylie |
191b1 རུང་།། མི་དག་བཅུ་དང་མཚམས་མྱེད་ལ།། དུག་ལྔ་དྲུག་གསུམ་རྟོག་པའི་ཆགས།། དག་དང་མ་དག་ནི་སྤྱོད་ཡུལ་ལ།། བརྟན་ནས་ཡ་ཤས་འཆར་དུ་རུང་།། འདོད་ཡན་ལྔ་དང་རྒྱན་ལྔ་དང་།། དག་བཅུ་པ་རལ་ཕྱིན་བཅུ་དང་།། ཚད་མེད་བཞི་དང་སྲིན
191b2 ལས་བཞི།། ཆོས་དང་མཐུན་པའི་སྤྱོད་ཡུལ་ལ།། བརྟེན་ནས་ཡེ་ཤེས་འཆར་དུ་རུང་།། སྐྱེ་བོ་ཕལ་པའི་སྤྱོད་པ་དང་།། མདོར་ན་མུ་སྟེགས་རྟག་ཆད་དང་།། བྱིས་པའི་སྤྱོད་ཡུལ་ངེས་མེད་དང་།། ལུས་ངག་ཡིད་ག་མུ་མསྒོ་གསུམ་གྱི།། གང་ཡང་རུང་བའི
191b3 སྤྱོད་ཡུལ་ལ།། གར་འཕྲོད་གང་མོས་བློ་གཏད་ནས།། མ་བཏང་ཡུན་བསྲིངས་གསལ་བསྒོམས་པས།། བརྟན་པ་ཐོབ་ནས་ཡེ་ཤེས་འཆར།། ཏིང་འཛིན་མ་གསལ་སྐྱེད་མེད་ན།། ཐུན་མོང་ཐབས་ཀྱི་མནང་གཟུག། ཅི་ལྟར་འབྱུང་བཞིན་བསྟན་པར་བྱ།། དེས་ནི་རང
191b4 བྱུང་ཡེ་ཤེས་འཆར།། ཞེས་གསུངས་སོ།། གདམས་ངག་སྣ་ཚོགས་འཁོར་ལོའི་ཆུད་ཕྱི་མ་ལས། ཚོགས་དྲུག་ཡུལ་དུ་གཏོད་པའི་ལེའུ་སྟེ་དྲུག་པའོ།། ། དེ་ནས་ཡང་སྟོན་པ་དགའ་རབ་རྡོ་རྗེ་ཡིས།། འཇམ་དཔལ་བཤེས་གཉེན་ལ་སོགས་པའི་འཁོར་རྣམས་ལ
191b5 འདི་སྐད་ཅེས་བཀའ་སྩལ་ཏོ།། མཚན་མ་བསྒོམ་པའི་རྣལ་འབྱོར་ལ།། སྤྱི་སྐྱོན་ཁྱད་པར་སྐྱོན་དག་དང་།། བྱིང་རྒོད་རྩོལ་དང་མི་རྩོལ་དང་།། བྱེད་རྨུགས་འཛིན་ཆགས་ཐེར་ཟུག་དང་།། ཕྱལ་པ་དག་གི་སྐྱོན་རྣམས་དང་།། གཡེང་བ་རྣམ་པ་དྲུག་རྣམས་ནི།། རང་བཞིན
191b6 ནང་དང་མཚན་མ་དང་།། ཕྱི་རོལ་ཡུལ་ལ་བྱེད་པ་དང་།། གནས་ངན་ལེན་གྱི་གཡེང་བའོ།། བར་དུ་གཅོད་པའི་རྐྱེན་རྣམས་ཀྱང་།། ལེ་ལོ་བྱ་བ་མང་བ་དང་།། རྒོད་དང་གཡེངས་དང་རྨུགས་པ་དང་།། འདོད་ཆེ་གཉིད་དང་རེ་བ་མང་།། དོགས་ཆེ་ཐེ་ཚོམ་ཟ་བ་དང་།། ནང
191b7 དུ་སྲུད་དང་ཕྱིར་འཕྲོ་དང་།། སྤྱོད་པར་དགའ་དང་སེམས་བྱུང་རྐྱེན།། ཅ་ཅོར་དགའ་ཞིང་ཡིད་འཁྲུག་པའོ།། ཆེད་དུ་བྱ་བའི་སྒྲིབ་པ་ནི།། སེམས་མི་གཡོ་དང་གསལ་སྙམ་བྱེད།། བདེ་བ་སྙམ་བྱེད་སྡུག་བསྔལ་སྙམ།། སྐྱེ་དང་གསལ་དང་འབྱིན་པ་དང་།། ངར་འདོན་གཞན
iiif viewer powered by OpenSeadragon
