| e-texts navigator |
| Wylie |
189b1 དཔྱི་སྟོང་དག་ལ་གཏང་།། ཤ་ཆན་ཆུ་སེར་ཕོག་གཅིག་གདན།། པ་དམར་མོ་ཡིའི་མར་བཙས་པ་ལ།། ཤིང་ཀུན་དག་ག་མ་ལ།། ཚ་བ་གསུམ་དང་ཡང་ལོ།། ཆང་དང་སྦྱར་ཏ་ཁ་སྤང་བྱ།། དེ་བཞིན་ཐོས་ན་བྱུང་ས་མས་རྒྱས།། ར་མོ་ཤག་དང་མུ་བྲི་སོགས
189b2 བཟུད་ལོན་དག་ནི་ཐམས་ཅད་ཀྱང་།། བདེ་བ་འཕེལ་བར་བྱེད་པ་སྟེ།། དཀར་གསུམ་ཞོང་ཀྲུགས་ལ་སོགས་པ།། ཤུ་ཀྲ་རྒྱས་པའི་ཐབས་མཆོག་སྟེ།། བཟུང་བ་དབང་ནི་གསུམ་པ་སྟེ།། བླ་མས་ལག་པར་གཏད་པ་ནི།། གཏད་པ་ཤེས་རབ་མ་དེར་ནི།། ཚིག་ཀྱང
189b3 རབ་ཏུ་བརྗོད་པའོ།། བཟུང་བ་དེ་ཡི་ལམ་ཡིན་ནོ།། རིམ་གྱིས་སེམས་བཟུང་མན་ངག་ཀྱང་།། གནས་ནི་དབེན་སར་ཕྱིན་ནས་ཀྱང་།། ཤིན་ཏུ་མཛེས་པའི་གཟུགས་དག་ལ།། ཆགས་ཤིང་ཆགས་པའི་ལྟ་བས་བལྟ།། དེས་ནི་བདེ་བ་སྐྱེ་བར་འགྱུར།། ཚད་དུ
189b4 ཚུལ་ན་བཞིན་\ུ0f7f། སྒྱིད་མེད་པ་བའན་གྱུར་ན།། ནུམ་ཡན་ཆད་ཝཱ་བར་བྱ།། དེས་ཀྱང་ཞན་ན་པ་དྨ་སོགས།། ལུས་རྣམས་ཐམས་ཅད་བསྒྲུ་བར་བྱ།། སེམས་ནི་ཟིན་ནས་མྱེད་མེད་ན།། རྟ་བོང་ལ་སོགས་འཁྲིག་པའི་གཏམ།། སྦྲུལ་བརྟེན
189b5 སེམས་ན་བཟུང་།། དེ་ལ་བདེ་བ་སྐྱེད་མེད་ན།། ལུས་ལ་དྲི་བཟང་དག་གིས་གདབ།། སེམས་ནི་དྲི་མ་དག་ལ་གཟུང་བར་བྱ།། མཆོག་ཏུ་བདེ་བ་སྐྱེས་གྱུར་ཀྱང་།། ཚད་དུ་སྒྲོལ་བར་མ་གྱུར་ན།། བདེ་བ་རེག་བྱ་ཉིད་ལ་བསླབ།། བུད་མེད་ཤེས་རབ་མ
189b6 དེ་ཡི།། སྟོང་སྨད་སྐེད་པར་འཁྱུད་པར་བྱ།། རྐེད་ནས་ལག་པས་དམ་དུ་འཁྱུད།། སེན་མོས་རྐེད་སྐབས་ངག་ཏུ་གདབ།། དེ་ལྟར་བྱས་པས་བདེ་བ་སྐྱེ།། དབང་པོའི་སྒོ་ནི་མི་སྤྲད་པར།། སེམས་ནི་དེ་ལ་གཟུང་བར་བྱ།། དེ་ནས་རོ་སྨད་དག་ལ་བསླབ།།
189b7 རྡོ་རྗེ་པདྨར་རེག་རིག་བྱ།། རིམ་གྱིས་དེ་ལྟར་བྱས་པ་ཡིས།། བདེ་བ་ཇེ་འཕེལ་ཇེ་འཕེལ་འགྱུར།། དེས་ཀྱང་མ་ཟིན་སྐྱེད་མེད་ན།། དེ་ནས་དབང་པོའི་སྒོ་སྤྲད་དེ། ཤེས་རབ་གསང་བ་རྣོ་བ་དང་།། རྡོ་རྗེའི་ཁ་ནི་ཆེ་བ་དང་།། ནང་དུ་སྙོམས་འཇུག་འོང་བ་སྟེ།།
iiif viewer powered by OpenSeadragon
