| e-texts navigator |
| Wylie |
174a1 འདི་ཡང་ང་ཡི་དབང་མཆོག་ཡིན།། རྣམ་པར་མི་རྟོག་སྐང་པོ་ན།། སྐབས་མ་བརྗོད་ལས་འདས་པ་སྟེ།། འདི་ཡང་ང་ཡི་དབང་མཆོག་ཡིན།། ཡོད་ཅེས་ཟློས་སུ་གདགས་མེད་ལ།། མད་ཅེས་སྐུར་པ་གདབ་མ་པ།།
174a2 འདི་ཡང་ང་ཡི་དབང་མཆོག་ཡིན།། ཡི་དམ་སེམས་ཀྱིས་དྲན་མེད་ན།། རྣམ་པར་མི་རྟོག་ཏེང་ངེ་འདོན།། འདི་ཡང་ང་ཡི་དབང་མཆོག་ཡིན།། གདོད་ནས་རྣམ་དག་ལྷུན་གྱིས་གྲུབ།། རང་བྱུང་ཡེ་ཤེས་བཙལ་བ་མེད།། འདི་ཡང་ང་ཡི་དང
174a3 མཆོག་ཡིན།། མཚན་མ་མེད་པ་མཚན་མའི་མཆོག། སྐྱེ་བ་མེད་པས་ཐམས་ཅད་སྐྱེས།། འདི་ཡང་ང་ཡི་དབང་མཆོག་ཡིན།། སྣང་བ་རང་བཞིན་མེད་པ་ལ།། གྱོགས་དང་རིས་སུ་འབྱེད་མེད་པ།། འདི་ཡང་ང་ཡི་དབང་མཆོག་ཡིན།། བྱུ
174a4 ཚོར་གང་ཡང་སྤང་མེད་པ།། ཡིད་ཀྱིས་ཅིར་ཡང་མི་བསམ་པ།། འདི་ཡང་ང་ཡི་དབང་མཆོག་ཡིན།། འཛིན་རྟོག་མེད་པའི་ཤེས་རབ་ཀྱིས།། རང་བཞིན་མེད་པར་གང་འཇིག་པ།། འདི་ཡང་ང་ཡི་དབང་མཆོག་ཡིན།། ཆོས་ཉིད་རིག་པའི་ཀློང
174a5 གདལ་དུ།། རང་རིག་ཡེ་ཤེས་མ་བརྗེད་བསྒོམ།། འདི་ཡང་ང་ཡི་དབང་མཆོག་ཡིན།། ཀུན་ཏུ་བཟང་པོ་ནམ་མཁའ་ཆེ་རྩབ་བསྡུས་པའི་རྒྱུད་ལས། དབང་བསྟན་པའི་སྐབས་ཏེ་བརྒྱད་པའོ།། ། རྡོ་རྗེ་སེམས་དཔས་ཡང་གསོལ
174a6 པ།། བཅོམ་ལྡན་འདེ་ཆེན་ཀུན་བཟང་པོ།། ཉིད་ཀྱི་དབང་བསྐུར་བཤད་དུ་གསོལ།། དེ་སྐད་གསོལ་པ་གསན་ནས་ཀྱང་།། ཀུན་ཏུ་བཟང་པོས་བཀའ་སྩལ་བ།། རང་བཞིན་སྤྲོས་བྲལ་བདེ་གཤེགས་ཐུགས།། འདི་ཡང་ང་ཡི་དབང་བསྐུར་ཡིན།།
174a7 དངོས་མེད་མ་སྐྱེས་ཆོས་རྣམས་འབྱུང་།། འདི་ཡང་ང་ཡི་དབང་བསྐུར་ཡིན།། བརྗོད་མེད་ཡེ་སྐྱེས་ཡེ་ནས་སྟོང་།། འདི་ཡང་ང་ཡི་དབང་བསྐུར་ཡིན།། ཚིག་གིས་མཚོན་མེད་མཚན་མ་མེད།། འདི་ཡང་ང་ཡི་དབང་བསྐུར་ཡིན།། དམ་ཆོས་ཡོན་ཏན་བརྗོད་མི
iiif viewer powered by OpenSeadragon
