| e-texts navigator |
| Wylie |
169a1 ཀུན་ཏུ་བཟང་པོ་ཡང་ས་དོག་མེད་པའི་སློང་།། ཀུན་ཏུ་བཟང་མོ་བྱེ་བ་མེད་པའི་དབྱིངས།། སྐྱེ་མེད་འགག་མེད་ཚེ་འཕྲུལ་འབྱུང་བའི་གཏེར།། སྐུ་གསུམ་སངས་རྒྱས་འསོ་དོན་མཛད་པའི་གནས།། ཁམས་གསུམ་སེམས
169a2 ཅན་སྒྲོལ་བར་བྱེད་པའི་ལམ།། རྣམ་དག་ལམ་ཆེན་ཀུན་པོལ་དགོངས་པའི་ཕུགས།། ཉི་ཟླའི་འོད་བཞིན་ཀུན་ཏུ་ཁྱབ་པར་གསལ།། བརྟགས་ན་མི་རྙེད་བཞག་ན་སྣ་ཚོགས་འབྱུང་།། སངས་རྒྱས་སེམས་ཅན་འཁོར་འདས་སྡོད་བཅུད་ཀུན།། ཆོས
169a3 སུ་ཐོགས་པའི་དོན་རྣམས་འདི་ལ་འདུས།། འདི་མེད་ལངས་རྒྱས་འབྱུང་བར་མི་སྲིད་དེ།། དུས་གསུམ་རྒྱལ་བ་རྣམས་ཀྱིས་རྟོགས་དཀའ་བའི།། ཆོས་ཀྱི་སྙིང་པོ་བྱར་མེད་འདི་ཡིན་ཏེ།། མཚན་མའི་ཆོས་ལ་མ་ཡེངས་འདི་དོན་རྟོགས།། ཞེས
169a4 གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། འཁོར་ལ་གདམས་པ་བསྟན་པའི་ལེའུ་སྟེ་བཞི་བཅུ་རྩ་བདུན་པའོ།། ། དེ་ནས་སེམས་དཔའ་རྡོ་རྗེ་ལ་སོགས་པའི་འཁོར་རྣམས་རྗེས་སུ་ཡི་རང་བར་གྱུར་ནས། འདི་སྐད
169a5 ཅེས་གསོལ་ཏོ།། གཙོ་བོ་ཆེན་པོ་བཅོམ་ལྡན་འདས།། ལོག་པར་བལྟ་བ་ལ། སོགས་པའི།། གདུལ་བྱ་རྣམས་ལ་ཕན་འདོགས་པ།། མགོན་སྐྱབས་མཆོག་ལ་རྗེས་ཡི་དང་།། ནམ་མཁའ་ལྟ་བུའི་ཆོས་ཉིད་ཀྱིས།། ཀུན་ལ་ཁྱབ་པར་དོན
169a6 མཛད་ཅིང་།། དགོངས་པ་དབྱིངས་ལས་མི་བསྐྱོད་པ།། གཡོ་འགུལ་མེད་ལ་ཕྱག་འཚལ་བསྟོད།། རང་བྱུང་ཡེ་ཤེས་ཉི་མ་ཡིས།། མ་རིག་མུན་པ་སེལ་མཛད་ཅིང་།། ཡེ་ཤེས་སྐར་ཁུར་འབྱེད་མཛད་པ།། གསལ་བའི་སྐྱོན་ལ་རྗེས་ཡི་རང་།། ཆོས
169a7 དང་ཆོས་མིན་དབྱེར་མེད་པར།། མཉམ་པ་ཉིད་དུ་སྟོན་མཛད་ཅིང་།། ཀུན་ལ་ཉེ་རིང་མེད་པ་ཡི།། འགྲོ་དོན་མཛད་ལ་ཕྱག་འཚལ་བསྟོན།། ལམ་དང་འཇུག་སྒོ་བསམ་ཡས་ཀྱང་།། ངེས་པར་གཅིག་ཏུ་སྟོན་མཛད་པའི།། སྟོན་པ་མཆོག་ལ་རྗེས་ཡི་རང་།
iiif viewer powered by OpenSeadragon
