| e-texts navigator |
| Wylie |
165b1 སངས་རྒྱས་སེམས་ཅན་རྟག་ལས་འདས།། རྒྱུ་འབྲས་གཉིས་སུ་མཞེན་པས།། ལྔ་གྱི་གཉིས་སུ་རྟོག་ལས་འདས།། གྱོན་ཡོན་གཉིས་སུམ་ཞེན་པས།། ཕན་གནོད་གཉིས་སུ་རྟག་ལས་འདས།། དགེ་སྡིག་གཉིས་སུ་མཞེན་པས།། ཟླ
165b2 དོར་གཉིས་སུ་རྟོག་ལས་འདས།། རྟོག་མེད་ཕྱོགས་བྲལ་ཀུན་གྱི་གཞི།། གཞི་ལ་གཞི་ཡི་མཐར་མི་གནས།། མི་གནས་རང་ཤར་ཀུན་གྱི་དངོས།། རང་གི་ངོ་བོ་མཐར་མི་གནས།། གཉིས་མེད་སྐྱེ་འགག་བྲལ་བའི་ཕྱིར།། དོན་ལ་དོན
165b3 མཐར་མི་གནས།། སྐྱེ་མེད་རིག་པ་ཡུལ་མེད་ལ།། སྣ་ཕྱི་ཐོག་མཐའ་མེད་པའི་ཕྱིར།། བདག་ཉིད་མི་གནས་ཐོག་མཐའ་བྲལ།། བྲལ་བའི་མཐའ་ལའང་མི་གནས་པས།། རྒྱུ་རྐྱེན་འབྲས་བུའི་ཆོས་ལས་འདས།། ཆོས་ལས་འདས་པའི
165b4 ཆོས་ཉིད་དེ།། རྒྱུ་རྐྱེན་མེད་པའི་ཀློང་དུ་ཤར།། མ་བཅོས་བདེ་ཆེན་ཆོས་ཀྱི་སྐུ།། ཞེས་གསུངས་སོ།། གྲོང་ཆེན་རབ་འབྱམས་རྒྱལ་པོའི་རྒྱུད་ལས། ཀུན་རྫོགས་མཐའ་མེད་ཀྱི་ལེའུ་སྟེ་བཞི་བཅུ་རྩ་བཞི་པའོ།། །། དེ་ནས་ཡང
165b5 བཅོམ་ལྡན་འདས་ཀྱིས་འཁོར་རྣམས་ལ་བཀའ་སྩལ་པ། དོན་གྱི་དབྱིངས་ལས་མ་གཡོས་པར།། རང་བཞིན་རྣམ་དག་རྫོགས་སངས་རྒྱས།། ལྷུན་གྱིས་གྲུབ་པས་གོ་འཕང་གཅོད།། ངེས་པ་མེད་པར་གཏན་ལ་འབེབས།། རང་བཞིན་རྣམ་པར་དག
165b6 པ་ལ།། གང་ཡང་མ་སྤངས་ལྡན་གྱིས་གྲུབ།། ཅིར་ཡང་མ་འགགས་ངེས་པ་མེད།། གང་ལ་མི་གནས་རྣམ་པར་དག། རྣམ་དག་གཅིག་གིས་ཀུན་བྱས་པས།། ཆོས་ཀུན་རྣམ་པར་དག་པའི་དབྱིངས།། རང་བཞིན་ལྷུན་གྱིས་གྲུབ་པ་ལ།།
165b7 ཡང་མ་འགགས་ངེས་པ་མེད།། གང་དུ་མི་གནས་རྣམ་པར་དག། གང་ཡང་མ་སངས་ལྷུན་གྱིས་གྲུབ།། ལྷུན་གྲུབ་གཅིག་གིས་ཀུན་བྱས་པས།། ཆོས་རྣམས་ལྷུན་གྱིས་གྲུབ་པའི་དབྱིངས།། རང་བཞིན་ངེས་པ་མེད་པ་ལ།། གང་ཡང་མ་སྤངས
iiif viewer powered by OpenSeadragon
