| e-texts navigator |
| Wylie |
164a1 སྲེད་མེད་པའི་ཆོས་རྣམས་ཀུན།། རང་བྱུང་ཡེ་ཤེས་ཀློང་དཀྱིལ་དུ།། མ་རྫོགས་པ་ནི་མེད་པའི་ཕྱིར།། རྫོགས་ཆེན་ལྷུན་གྲུབ་བླ་ན་མེད།། མཉམ་པ་ཉིད་དུ་འག་ཆད་པས།། ཀུན་ཀྱང་རང་བྱུང་ཡེ་ཤེས་ཉིད
164a2 དུས་ལ་སྭ་ཕྱི་མ་མཆིས་པས།། ཨ་ཏི་དུས་གསུམ་ཚིག་ཆོད་ལ།། ཨ་ནུ་མན་ཆད་འོག་མ་ཡི།། བསྐལ་པའི་གྲངས་དང་མི་ཚེའི་གྲངས།། བརྒྱུད་ནས་འབྲས་བུ་འདོད་པ་དེ།། མ་སྤངས་གཅིག་ཏུ་འདུས་པའི་ཕྱིར།། དུས་གསུམ་ཐ་དད་།
164a3 མེད་པ་རུ།། རང་བཞིན་གཅིག་པས་སློང་དུ་གྲོལ།། དེ་ཡི་དང་ལ་རྒྱན་ཆད་མེད།། རྒྱུན་ཆད་མེད་པའི་རང་བཞིན་ལ།། འཁོར་འདས་མཉམ་པ་རིས་མེད་ལས།། གཞན་དུ་ལྟ་བ་མེད་པའི་ཕྱིར།། ཡེ་སངས་རྒྱས་པའི་ཆོས་ཉིད་ཡིན།། དེ་ལ་རང
164a4 རང་ཕོངས་སྤྱོད་པས།། ཕྱོགས་མེད་གཏེར་ཆེན་འབྲས་བུ་ཡིན།། འཁོར་བའི་སྡུག་བསྔལ་སྣ་ཚོགས་ཀྱང་།། ཆོས་ཉིད་ཡོ་ལང་ཡིན་པའི་ཕྱིར།། བདེ་བ་ཆེན་པོའི་འབྲས་བུར་ཤར།། དེ་ལས་མ་གཏོགས་འབྲས་བུ་མེད།། ཡང་དག་ཅེས་སུ་བཏགས་པའི
164a5 དོན།། རྒྱལ་བའི་དཀྱིལ་འཁོར་ཞེས་བྱ་བ།། མཉམ་ཉིད་ཀློང་ལས་གཞན་མེད་དེ།། སྤྱོད་ཡུལ་དབྱེར་མེད་དེ་ཉིད་རང་།། རྒྱལ་བའི་ཞིང་དུ་ཤར་བའི་ཕྱིར།། འབྲས་བུ་གཞན་ནས་མི་འཆོལ་ཏེ།། རེ་མེད་དོགས་མེད་རྣམ་པར་གྲོལ།། སེམས་ཉིད
164a6 རང་བྱུང་ཡེ་ཤེས་འདི།། རང་སྣང་ཕྱོགས་མེད་ཤར་བ་ལ།། རང་བཞིན་གཅིག་ཏུ་མ་རྟོགས་ན།། ལྔ་ལ་ཡིན་ལ་ལ་ལ་མིན།། བཟང་ངན་བྱེད་པ་མཉམ་པའི་གཏུགས།། སངས་རྒྱས་སེམས་ཀྱི་བཟང་ཏོག་ལ།། སེམས་ཅན་ངན་རྟོག་ཡིན་པའི་ཕྱིར།།
164a7 དོན་ལ་བཟང་ངན་མེད་མོད་ཀྱང་།། གང་ཟག་བློ་ལ་བཟང་ངན་བྱུང་།། བཟང་ངན་སེམས་ཀྱི་རྟོག་པ་ཡིན།། རྟོག་པ་ཉོན་མོངས་འཁོར་བའི་ཆོས།། རྟོགས་ན་སྤང་དུ་མེད་པའི་ཕྱིར།། ནམ་མཁའ་དང་ནི་ཆོ་འཕྲུལ་བཞིན།། མཉམ་ཉིད་ཀློང་དུ་དབྱེ་བ་མེད།།
164a8 ལྕག
iiif viewer powered by OpenSeadragon
