| e-texts navigator |
| Wylie |
162b1 སྣང་བར་ཤར།། འཁོར་བར་ཤར་བས་མྱང་འདས་མཐོང་།། འཁོར་བ་ཀྱང་འདས་གཉིས་མེད་ཅིང་།། མི་འགྱུར་ཆོས་ཉིད་སྡང་བར་ཤར།། སྔོན་ཆད་མ་མཐོང་བདག་ཉིད་མཐོང་།། ཆོས་ཅན་ཤར་བས་ཆོས་ཉིད་མཐོང་།། ཉོན་མོངས་ཤར་བས་ཡེ་ཤེས་མཐོང་།
162b2 ཉོན་མོངས་ཡེ་ཤེས་གཉིས་མེད་ཅིང་།། མི་འགྱུར་ཆོས་ཉིད་སྣང་བར་ཤར།། དེ་ལ་སོགས་ཏེ་གཉིས་ཀྱིས་བསྡུས།། ཐམས་ཅད་ཀུན་ཀྱང་མ་བཀག་སྟེ།། ཆོས་ཉིད་སྣང་བར་ཤར་བ་ཡིན།། སེམས་ཅན་ལུས་ཀྱི་གོ་ཕྱེ་བས།། སངས་རྒྱས་སུ་ཡི་མཐོངས
162b3 བརྟོལ་ཏེ།། སངས་རྒྱས་སེམས་ཅན་གཉིས་སུ་མེད།། སྣང་བ་དངོས་པོའི་གོ་ཕྱེ་བས།། སྟོང་པ་དབྱིངས་ཀྱི་མཐོངས་བརྟོལ་ཏེ།། སྣང་དང་སྟོང་པ་གཉིས་སུ་མེད།། སྡུག་བསྔལ་མཚན་མའི་གོ་ཀྱེ་བས།། བདེ་ཆེན་མཆོག་གི་མཐོངས་པ་རྟོལ་ཏེ།། བདེ
162b4 དང་ལྷག་བསྔལ་གཉིས་སུ་མེད།། ཆོས་ཅན་མཚན་མའི་གོ་ཕྱེ་བས།། ཆོས་ཉིད་ཕྱོགས་མེད་མཐོངས་བརྟོལ་ཏེ།། ཆོས་ཅན་ཆོས་ཉིད་གཉིས་སུ་མེད།། ཉོན་མོངས་མཚན་མའི་གོ་ཕྱེ་བས།། རང་བྱུང་ཡེ་ཤེས་མཐོངས་བརྟོལ་ཏེ།། ཉོན་མོངས་ཡེ་ཤེས
162b5 གཉིས་སུ་མེད།། དེ་ལ་སོགས་པའི་ཆོས་རྣམས་ཀླན།། གཉིས་སུ་མེད་ཅིང་མི་འགྱུར་བ།། ཉིད་ཀྱི་སྡང་བར་ཤར་བ་ཡིན།། ཆོས་ཉིད་གཉིས་སུ་མེད་པ་ཡིན།། དེ་ལ་སོགས་པའི་ཆོས་རྣམས་ཀུན།། དབྱེར་མེད་རང་སར་གྲོལ་བ་ཡིན།། རྒྱུ་འབྲས་གཉིས་པོས
162b6 བཀག་ཀྱང་།། ཆུ་འབྲས་གཉིས་ལས་འདས་པ་ཡིན།། འཁོར་འདས་གཉིས་པོ་མ་བཀག་ཀྱང་།། འཁོར་འདས་གཉིས་ལས་གྲོལ་བ་ཡིན།། དེ་ཡང་ཇི་ལྟར་གྲོལ་ཞེ་ན།། སེམས་ཅན་དངོས་སུ་སྣང་བ་ཡིན།། དངོས་མེད་སངས་རྒྱས་གཏན་ལ་འབེབས།།
162b7 སངས་རྒྱས་པས་ཀྱང་སེམས་ཅན་གཙོ།། གཉིས་མེད་ཀློང་དུ་ཐག་ཆོད་པས།། རང་སར་གྲོལ་བས་ཡིད་ཀྱང་ཆེས།། སྟོང་པ་བས་ཀྱང་སྣང་བ་གཙོ།། སྣང་ང་ངེས་མེད་རང་ཤར་གྱིས།། སྟོང་པ་འཛིན་མེད་གཏན་ལ་འབེབས།། གཉིས་མེད་ཀློང་དུ་ཐག་ཆོད་པས།།
iiif viewer powered by OpenSeadragon
