| e-texts navigator |
| Wylie |
160b1 རྫོགས་པ་ཡིས།། དེ་ཡིས་ཡོན་ཏན་སྟུག་པོ་བཀོད།། མ་བསྒྲུབས་ལྷན་གྲུབ་འབྲས་བུར་གནས།། རྣལ་འབྱོར་ཆེན་པོའི་སྒོར་ཞུགས་ནས།། མི་ཆོ་གསུམ་མམ་གཉིས་བསྒྲུབས་པ།། པདྨ་ཅན་ཡང་དེ་ལ་འགྲུབ།། སྐྱོན་བྲལ་ཡེ་ཤེས་ཕྱོགས
160b2 མེད་གཟིགས།། དེ་ཡི་ཡོན་ཏན་པདྨའི་སྤྱན།། མང་སྦུབས་ལྡན་གྲུབ་འབྲས་བུར་གནས།། ཡོངས་སུ་རྣལ་འབྱོར་སྒོར་ཞུགས་ནས།། མི་ཚེ་གཅིག་ཏུ་བསྒྲུབས་པ་ཡི།། ཡི་གེ་འཁོར་ལོ་ཚོགས་ཆེན་ཡང་།། རང་བྱུང་ཡེ་ཤེས་དེ་ལ་འགྲུབ།། མགྱེས
160b3 ཆོས་ཀྱི་འཁོར་ལོ་དེ།། རྒྱུན་ཆད་མེད་པར་བསྐོར་བ་དང་།། དེ་ལ་ཡོན་ཏན་ཚོགས་གཉིས་ཀྱང་།། ཡི་གེ་འཁོར་ལོ་ཚོགས་ཆེན་ཡིན།། མ་བསྐྱབས་ལྡན་གྲུབ་འབྲས་བུར་གནས།། དེ་དག་ཐམས་ཅད་དབྱེར་མེད་པས།། ཀུན་ཏུ་བཟང་པོར་གཅིག་པའི་ཕྱིར།།
160b4 དབྱེར་མེད་པའི་མ་ཡང་ཡིན།། ཡེ་ནས་རང་ལ་གནས་པ་དང་།། དེ་ལྟ་ཉིད་ལ་ནོན་པའི་ཕྱིར།། བསྲུབ་པ་ཆེན་པོ་ཀུན་ཏུ་བཟང་།། རང་བྱུང་དོན་གྱི་བསྒྲུབ་པ་ཡིན།། དེ་ཡི་ཕྲིན་ལས་བྱ་བཙལ་མེད།། ཉོན་མོངས་རང་སར་ཞི་བའི་ཕྱིར།། བྱང་ཆུབ
160b5 སེམས་ནི་ཞི་བར་གྲགས།། ཡོན་ཏན་མཆོག་ཏུ་རྒྱས་པའི་ཕྱིར།། བྱང་ཆུབ་སེམས་ནི་རྒྱས་པར་གྲགས།། རིག་པ་རང་དབང་ཐོབ་པ་ཡིས།། བྱང་ཆུབ་སེམས་ནི་དབང་དུ་གྲགས།། འཁྲུལ་བརྩད་ནས་བཅད་པའི་ཕྱིར།། བྱང་ཆུབ་སེམས་ནི་དྲག་པོ་ཡིན།།
160b6 ཞེས་གསུངས་སོ།། གྲོང་ཆེན་རབ་འབྱམས་རྒྱལ་པོའི་རྒྱུད་ལས། གྲུབ་པ་མཆོག་གི་ལེའུ་སྟེ་བཞི་བཅུ་རྩ་གཅིག་པའོ།། ། དེ་ནས་ཡང་བཅོམ་ལྡན་འདས་ཀྱིས་འཁོར་རྣམས་ལ་བཀའ་སྩལ་པ། མ་སྡོད་སེམས་ཀྱི་ཀློང་ལ་ལྟོས།། སེམས
160b7 ཉིད་ཀློང་ཆེན་གཞལ་ཡས་ཁང་།། བལྟས་པས་མི་མཐོང་བཞག་པས་གསལ།། གང་ཡང་བཞག་པ་རང་ན་བདེ།། མ་སྡོད་སེམས་ཀྱི་ཀློང་ན་བཞོམ།། བསྒོམས་པས་མི་གསལ་བཞག་པས་གསལ།། གང་ཡང་བཞག་པ་རང་ན་བར།། མ་སྡོད་སེམས་ཀྱི
iiif viewer powered by OpenSeadragon
