| e-texts navigator |
| Wylie |
118a1 པ་ཇི་བཞིན་ནོ།། གཉིས་མེད་བསམ་འདས་ཆོས་དབྱིངས་ལ།། འཇུག་པར་བྱ་དང་འབྱུང་བར་བྱེད།། གཉིས་སུ་སྣང་བའི་ཡུལ་མེད་པས།། ཆོས་སྐུ་གཅིག་པུ་རབ་ཏུ་དབེན།། ཕྱོགས་བྲལ་མཁའ་ལྟར་ཡངས་པ་ལ།། དགག་པར
118a2 བྱ་དང་སྒྲུབ་པར་བྱེད།། བླང་དང་དོར་བའི་ཡུལ་མེད་པས།། བྱ་བྲལ་ཀློང་ཆེན་ཡེ་ནས་ཡངས།། སྒྱུ་མའི་འཁྲུལ་འཁོར་ལྟ་བུ་ཡི།། རིགས་དྲུག་རྒྱད་ལྔའི་སེམས་ཅན་ལ།། ཆོས་ཉིད་སྤྱི་ཁྱབ་ཡིན་པས་ན།། ཡུལ་མེད་རིག་པ་ཡེ་ནས་ཆེ།། སེམས
118a3 ཀྱི་རང་བཞིན་ངེས་མེད་ལ།། ཕྱི་ནང་སྒྲ་ཕུག་མེད་པའི་ཕྱིར།། ཁ་གཏིང་མེད་པར་ཡེ་ནས་གསལ།། འཁོར་བ་ཡེ་ནས་མྱ་ངན་འདས།། སྡུག་བསྔལ་བྱང་ཆུབ་སེམས་སུ་ཤར།། གང་ལ་ཐོབ་པར་བྱ་བ་དང་།། འཇུག་པར་བྱ་བ་ཅི་ཡང་མེད།། ཡུལ
118a4 དང་སེམས་སུ་དབྱེ་བ་མེད།། མ་བརྟགས་སེམས་ཀྱི་ཆོ་འཕྲུལ་ཡིན།། བརྟགས་ན་སེམས་ཀྱི་ངོ་བོ་དེ།། དམིགས་སུ་རྡུལ་ཙམ་ཡོད་མི་འགྱུར།། དེ་ཕྱིར་གདགས་གཞི་ཀུན་དང་བྲལ།། དེ་མཐོང་སངས་རྒྱས་མངོན་སུམ་སྟེ།། དེ་བསྒོམས་མཚན་མའི
118a5 གོ་ལ་ས་ཡིན།། བསྒོམ་དུ་མེད་ལ་སྟེགས་ཚོལ་བ།། མཁའ་ལ་གསེར་གྱི་སྒྲས་ཚོལ་འདྲ།། སེམས་ལས་མ་གཏོགས་ཆོས་འཚོལ་བ།། རི་དྭགས་སྨིག་རྒྱུ་བསྙེག་པ་བཞིན།། དོན་དང་ཕྲད་པར་མི་འགྱུར་ཏེ།། སེམས་ཀྱི་རང་བཞིན་དེ་ཤེས་ན།། ཆོས་ཀྱི
118a6 རང་བཞིན་ཤེས་པ་ཡིན།། གཅིག་ཤེས་ཀུན་ཀྱང་ཤེས་པ་ཡིན།། གཅིག་རིག་ཀུན་ཀྱང་རིག་པ་ཡིན།། རང་རིག་གློང་ན་མ་རིག་མེད།། མ་རིག་པ་དང་ཡེ་ཤེས་གཉིས།། གཞི་ན་མེད་ལ་སོ་སོར་བརྟགས།། དེ་ཡང་མ་རིག་འཁྲུལ་པའི་སེམས།། བསམ
118a7 ང་མེད་དང་བསམ་གཏན་གཉིས།། ངེས་པ་གཅིག་ལ་བྱེ་བྲག་འབྱེད།། དེ་ཡང་འོག་མ་འཁྲུལ་པའི་བློ།། བསྒོམ་དུ་མེད་དང་བསྒོམ་པ་གཉིས།། ངེས་པ་གཅིག་ལ་བྱེ་བྲག་འབྱེད།། དེ་ཡང་ཡུལ་ཅན་རྟོག་པའི་བློ།། ཡང་དག་དོན་གྱི་ངོ་བོ་ལ།། གང་ཞིག།
iiif viewer powered by OpenSeadragon
