| e-texts navigator |
| Wylie |
112a1 གནས་ཁམས་གསུམ་གྱི་གཞི་རྟེན་དང་དབྱེར་མེད་པའི་ཞིང་དེར། དབྱེར་མེད་དང་ལས་སྣང་བའི་འཁོར་དུས་གསུམ་གྱི་སངས་རྒྱས་དང་ཁམས་གསུམ་གྱི་སེམས་ཅན་ཐ་མི་དད་པ་དང་། འཇིག་རྟེན་པ་དང་འཇིག་རྟེན་ལས་འདས
112a2 པའི་འཁོར་དང་ཐབས་གཅིག་པ་དང་། ཉིད་དང་ཉིད་ཀྱི་རང་བཞིན་དབྱེར་མེད་པ་དང་། ཉིད་ཀྱི་ངོ་བོ་དང་རང་བཞིན་ལས་སྤྲུལ་པ་རྒྱུན་མི་འཆད་པར་འགྲོ་བའི་དོན་མཛད་པ་རྣམས་ལ་སེང་གེའི་ང་རོ་དོན་གྱི་གསུང་དབྱངས་ཀྱིས་བརྗོད་པར་བྱས་ཏེ། སེམས་ཉིད
112a3 ཀློང་ཆེན་རབ་འབྱམས་རྒྱལ་པོའི་དོན་འདི་རབ་ཏུ་བཤད་དོ།། ཇི་སྙེད་ཆོས་རྣམས་མིང་གི་རྣམ་གྲངས་ཀུན།། ཡེ་ནས་གང་ག་གཞི་མེད་པའི་ཀློང་དུ་གཅིག། ཀློང་ཆེན་གཅིག་ལ་འཁོར་དང་མྱ་ངན་འདས།། རྐྱེན་གྱིས་ཅིར་ཡང་འཆར་ཕྱིར་གློ་བུར་ཆོས།།
112a4 ནམ་མཁའ་སྤྲིན་དང་འཇའ་ཚེ་ན་མཁའ་སྣང་བཞིན།། རིག་པ་རང་ལ་འཆར་བས་དབྱིངས་ཀྱི་དང་།། རང་རིག་སྒྲིབ་མེད་སྐྱོན་བྲལ་མུ་མཐའ་མེད།། རྟོག་པ་མི་མངའ་ཡེ་ཤེས་རིན་པོ་ཆེ།། རང་བཞིན་མེད་ལས་ཅིར་ཡང་སྡང་།། ཐམས་ཅད་བྱང་ཆུབ་སེམས་ཀྱི
112a5 ཀློང་།། བདེ་གཤེགས་རྒྱལ་བའི་དཀྱིལ་འཁོར་དང་།། མ་རིག་འཁྲུལ་པས་དབང་བསྒྱུར་བའི།། ལོག་རྟོག་ཆེར་བྱས་འཁོར་བའི་ཆོས།། ཇི་སྙེད་སྣང་བའི་ཆོས་རྣམས་ཀུན།། སངས་རྒྱས་ཉིད་དུ་གཅིག་པ་ལ།། ཡོད་མེད་གཉིས་སུ་རྟོག་པ་དང་།
112a6 བཟང་ངན་གཉིས་སུ་བལྟ་བས་ནོར།། མཉམ་ཉིད་གཅིག་ལ་མཐའ་རུ་འཛིན།། བདག་གཞན་རྐྱེན་གྱིས་སོ་སོར་སྣང་།། མེད་ལ་ཡོད་པའི་བློ་ཞུགས་པས།། ཞེན་པ་བརྟས་ཕྱིར་ལུས་སུ་སྣང་།། བདག་ཏུ་འཛིན་པའི་སྡུག་བསྔལ་གྱིས།། རང་ལ
112a7 གནས་པའི་དོན་མ་རིག། ཡང་དག་དོན་ལ་བདེ་དང་སྡུག་བསྔལ་མེད།། སྟོང་པའི་བག་ལ་དངོས་པོར་ཆགས།། བརྟགས་ན་དངོས་པོ་ཉིད་མི་གནས།། མེད་པའི་དོན་ལ་གང་ཡང་སྣང་།། རང་རིག་གློང་ན་སྟོང་དང་དངོས་པོར་མེད།། མེད་པར་ཤེས་ན
iiif viewer powered by OpenSeadragon
