| e-texts navigator |
| Wylie |
111a1 དགོངས་པ་ཉི་མ་ཤར་བལྟ་བུའི་མན་ངག་གིས། འཇིག་རྟེན་པའི་སུན་པ་དག་པར་བྱེད་པས། ཡུལ་དག་ལ་ཆོས་ཀྱི་དབྱིངས་ཕོ་བྲང་མེ་ལོང་གལ་འདག་པ་ལྟར་གསལ་བ། རང་རིག་པའི་ཆོས་ཀྱི་སྐུསངས་རྒྱས་ལྔའི་བྲདན།
111a2 ཉིད་དུ་གསལ་བ། ཤེས་རབ་མར་མེ་རླུང་གིས་མ་བསྐྱོད་པ་ལྟར་གསལ་བ། བར་ན་ཡེ་ཤེས་ཀྱི་སྒྲ་བདེ་བ་ཆེན་པོ་ནམ་མཁའི་འཇའ་ཆེན་ལྟར་མ་འདྲེས་ལ་ཡངས་སུ་རྫོགས་པར་གསལ་བའོ།། གསང་བ་གསུམ་དང་ལྡན་གྱུར་ན།། སངས་རྒྱས་ཉིད་ཀྱི
111a3 དགོངས་པ་ཡིན། དགོངས་པ་མཐར་ཕྱིན་པའི་ལུང་བསྟན་པའོ།། བཛྲ་ཙེཏྟ་པྲ་ཏིཥྛ་ཛྙཱ་ན་ཨཱཿཧཱུཾ། བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ།། བཛྲ་པཱ་ཎི། དུར་ཁྲོད་ཆེན་པོ་ཤིན་ཏུ་རུ་ལུ་བ་ར་ཧསྟི་བྱ་བ་ན། མཁའ་འགྲོ་མ་གཙུག་གི་རྒྱན་གཅིག་བྱ་བ་ཡོད
111a4 ཀྱིས། དེར་སོར་ལ་ཕ་ལ་ཕྲ་བ་ར་ད་དུ་པྲ་ཤིག། ཡུལ་མ་ག་དྷཱའི་ཤར་ཕྱོགས་ན། རིན་པོ་ཆེ་སྣ་ལྔའི་ཕ་བོང་འོག་ན། བསྟན་པ་ཐམས་ཅད་ཀྱི་སྙིང་པོ་གསང་བ་ནམ་མཁའི་རྒྱན་ཞེས་བྱ་བ་ཡོད་ཀྱིས། མཁའ་འགྲོ་མ་ལ་བསྐོར་བ་ལན་གསུམ་གྱིས་ལ།
111a5 ལྗགས་ཀྱི་པདྨོ་ཡི་གེ་ལྔ་པའི་འཁོར་ལོ་སྟོན་ལ་ཞུས་ཅིག། དེ་ནས་ཡེ་ཤེས་ཀྱི་རྩལ་སྐར་མདའ་ནམ་མཁའ་ལ་བྱུང་བ་ལྟ་བུའི་མན་ངག་གིས། སྐད་ཅིག་མ་གསུམ་ལ་སྦུབས་གསུམ་གཅོད་པར་བྱེད་པ། བྱེད་པ་པོ་མེད་པར་མཐོང་བ་པོས་མཐོང་ནས་ཤེས་པ་པོས་ཤེས་སོ།།
111a6 ཁྱོད་ནུབ་ཕྱོགས་སུ་ཕྱིན་པའི་ཚེ། བགྲོད་པ་མེད་པར་སྐྱེ་མེད་ནམ་མཁའི་ཀློང་ནས། བཀོད་པ་མེད་པར་ཡེ་ཤེས་ཀྱི་གཞལ་མེད་ཁང་དུ། འགྱུར་མེད་རྡོ་རྗེའི་གདན་ལ་རང་སྣང་རྟོགས་པའི་འཁོར་དང་ལྷན་ཅིག་ཏུ་འཁོད་དེ། ཡུལ་ཆོས་ཀྱི་དབྱིངས་ཀྱི་ཕོ་བྲང་ཁྱབ
111a7 གང་ལ་འུབ་ཆུབ་ཆེན་པོར་འདུས་ཏེ། དོན་གྱི་དགོངས་པ་ཉག་གཅིག་ལ་འདུ་འབྲལ་མེད་པར་བཞུགས་སོ།། དེ་ན་སངས་རྒྱས་ཤིང་སངས་རྒྱས་མྱ་ངན་ལས་འདའ་བར་བསྟན་ཏོ།། ཞེས་ལུང་བསྟན་ནས། བཅོམ་ལྡན་འདས་དང་ཐབས་ཅིག་ཏུ་བཞུགསསོ།། །
iiif viewer powered by OpenSeadragon
