| e-texts navigator |
| Wylie |
364b1 རྣམས་མི་འབྱུང་ཞིང་།། ཤིན་ཏུ་གཞོན་པའི་ལུས་སུ་ཐོབ།། སེམས་ཉིད་སྦྱངས་པའི་ཡོན་ཏན་ནི།། ཐེག་པ་ཆེན་པོའི་ཆོས་རྣམས་ལ།། དམིགས་པ་མེད་པར་བརྗོད་པ་འོང་།། ཉན་རྒྱུ་མེད་དེ་དོན་ཉིད་རྟོགས།། བཙལ་རྒྱུ་མེད་པར་ལས་རྣམས་འགྲུབ
364b2 བསྒོམ་རྒྱུ་མེད་པར་འབྲས་བུ་འཐོབ།། རང་གི་ཡེ་ཤེས་རང་ལ་སྲང་།། ཆོས་རྣམས་ཐམས་ཅད་ནམ་མཁར་རྟོགས།། སངས་རྒྱས་ཐམས་ཅད་ལྷུན་གྱིས་ཐུབ།། རང་བཞིན་ཀུན་བཟང་ཆེན་པོ་འཐོབ། སྦྱངས་པའི་ཡོན་ཏན་ཏེ་བཅོ་ལྔ་པའོ།།
364b3 སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། རྒྱུད་འདི་གང་ནས་འབྱུང་ཞིང་གང་ལ་གཏད་པ་ཡིན།། སྟོན་པའི་སྟོན་པ་ཀུན་ཏུ་བཟང་པོ་དེས།། ཆོས་སྐུ་སྤོས་དང་བྲལ་བ་ཡིས།། རང་བྱུང་ཡེ་ཤེས་ཆེ་ལ་གཏད།། རང་བྱུང
364b4 ཡེ་ཤེས་ཆེན་པོ་དེས།། ཟེར་གྱི་ཀུན་བཟང་ཆེ་ལ་གཏད།། ཟེར་གྱི་སྟོན་པ་ཀུན་བཟང་དེས།། སྟོན་པ་ཀུན་བཟང་ཆེ་ལ་གཏད།། སྟོན་པ་ཀུན་བཟང་ཆེན་པོ་དེས།། སྡུད་པའི་གསང་དབང་ཆེ་ལ་གཏད།། སྡུད་པའི་གསང་དབང་ཆེན་པོ་དེས།། རིགས་ཀྱི་སྤྲུལ
364b5 སྒྲུ་ས་ནགས
364b6 བྲིས།། རིན་ཆེན་སྣ་ལྔའི་སྦོམ་བཅུག་སྟེ།། ཡི་གེ་ཧཱུཾ་གི་རྒྱས་བཏབ་ནས།། རང་བྱུང་མཆོད་རྟེན་ཆེ་ལ་གཏང་།། ལྷ་དང་མཁའ་འགྲོ་མང་པོ་ཡིས།། ལས་དང་དམ་ཚིག་ཅན་ལ་སྤྲོད།། རིན་པོ་ཆེ་སྲིད་པ་བར་མདོ་སྣང་བའི་རྒྱུད་པར་དོ་སྤྱོད་པའི་ཐབས་དང་རྒྱུད་གཏད་པའི
364b7 ལེའུ་སྟེ་གཅུ་དྲུག་པའོ།། ། རྒྱ་གར་སྐད་དུ། ཨ་སུ་ར་ན་ཡུདྡྷཱ་ནིརཱ་ཀྲྀ་ཏི་ཏནྟྲ་ནཱ་མ། བོད་སྐད་དུ། ལྷ་མ་ཡིན་གཡུལ་ངོ་བཟློག་པའི་རྒྱུད་ཅེས་བྱ་བ། དཔལ་ཀུན་ཏུ་བཟང་པོ། ཆོས་ལས་འདས་པ། རྟགས་མི་འགྱུར་བའི་སྐུ་རྡོ་རྗེ་ལྟ་བུ་བདེ་བ་ཆེན་པོ་ལ་ཕྱས།
iiif viewer powered by OpenSeadragon
