| e-texts navigator |
| Wylie |
360b1 ལྟེ་བ་ནས་བཟུང་དྲོད་ཡལ་ཏེ།། རྐང་མཐིལ་གནས་སུ་དྲོད་ཡལ་ན།། དམྱལ་བའི་གནས་སུ་སྐྱེ་བར་ངས།། ལུས་ཀྱི་ཕྱིན་དྲོ་བྲོས་ནས།། ཐང་ཁར་རང་རང་ཡལ་བ་ན།། བཀྲེས་སྐོམ་ཡི་དྭགས་གནས་སུ་སྟེ།། ངན་སོང་འགྲོ་བའི་དབུགས
360b2 ནི།། ནང་དུ་སུམ་གཉིས་རྔུབ་པ་དང་།། ཕྱི་རུ་སུམ་ཆ་སྤོ་བ་ནི།། ངན་སོང་གནས་སུ་སྐྱེ་བར་དེས།། མཐོ་རིས་གནས་སུ་སྐྱེ་བ་ན།། ཆོས་སུ་རིག་མེད་ནམ་མཁའ་བསྒོམ།། ངན་སོང་གནས་སུ་སྐྱེ་བ་ན།། ཡེ་ཤེས་རིག་གསལ་སྟོང་པ་བསྒོམ།། མཐོ་རིས་ངན་སོང
360b3 བརྟགས་པའི་ལེའུ་སྟེ་བདུན་པའོ།། ། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། མནོ་རེས་ངན་སོང་རིགས་པ་ལ།། དྲན་སོང་གནས་ནས་འདྲེན་པ་ལ།། ཕྱག་རྒྱ་ཏིང་འཛིན་ལྡན་པ་ལ།། དམིགས
360b4 པ་མེད་པའི་ཐུགས་རྗེ་ཡིས།། ཉོན་མོངས་དྲངས་ཤིང་གནས་ནས་འགུགས།། ཉོན་མོངས་དབང་གི་སྐྱེ་བ་སྦྱོང་བའི་ཐབས་དེ་གང་།། སྟོན་པའི་སྟོན་པ་ཀུན་བཟང་གིས།། ཚེ་འདས་རིགས་ཀྱི་བུ་དེ་ཡང་།། དྲི་མ་རུས་པའི་རྟེན་དག་ལ།། རིན་ཆེན་དར་དང་ཚོན
360b5 ཀྱིས།། ལེགས་པར་རིགས་དྲུག་སྙིང་པོ་འགོད།། ཡི་གེ་ཨཱཿཧཱུཾ་ཕཊ་དག་གིས།། རྒྱ་ཡིས་གད་བ་སྟེ་གུར་ཆེན་དབུས།། ཉོན་མོངས་སྤྱད་ཕྱིར་བཀུག་ལ་བསྟིམ།། ཡེ་ཤེས་ཕྱག་རྒྱ་ཀུན་བཟང་གིས།། ཐུགས་ཀྱི་ཡི་གེ་ཧཱུཾ་བཏོན་ནས།། ཨཱཿཡིས་བསྟིམ
360b6 ཏེ་ཕཊ་ཀྱིས་སྤར།། ཕཊ་ཀྱི་འོད་ཟེར་ནག་པོ་ཡིས།། ཉོན་མོངས་སྦྱངས་པས་ཡེ་ཤེས་གསལ།། ཡེ་ཤེས་དེ་ཡི་བྱིན་རླབས་ལས།། བྱང་ཆུབ་སེམས་དེ་ཡི་གེ་ཨཱཿ།། དམིགས་པ་མེད་པའི་ཆོས་ཉིད་བསྒོམ།། དེ་ཡི་ཁྱད་པར་ཡོན་ཏན་ལ།། ཉོན་མོངས
360b7 སྦྱངས་ཏེ་ཡེ་ཤེས་གསལ།། རྐང་བཞིན་མེད་པའི་ཆོས་སྤུ་ཐོབ།། བར་དོའི་ཉོན་མོངས་སྦྱོང་བའི་ལེའུ་སྟེ་བརྒྱད་པའོ།། ། སྲུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། བར་དོའི་སེམས་ཉིད་དྲི་མ་དེ།། དག
iiif viewer powered by OpenSeadragon
