| e-texts navigator |
| Wylie |
357b1 བཞནནཿ་ཀཽ་རྒྱས།། འཁྲུལ་པ་བཞི་བརྒྱན་བཞི་ལས།། དྲུག་བརྡལ་བཞི་བཅང་བཞི་རྒྱུ་།། སེམས་ཅན་ལུས་སུ་ཐབ་པ་བསྟན་པའི་ལ་མ་གཉིས་པཱ།། ཛྲ་དང་བྱིགསུང་བདག་རྔུ་རྫས་མས་དཔན་ཡས།། སྟོན་པ་སྟོན་པ་ལྡན
357b2 བཟང་པོ་ལ།། སེམས་ཅན་ལུས་སུ་གྲུབ་པ་ལ།། ཡེ་ཤེས་ཀྱིས་ནི་བཟློག་པ་དང་།། ཡེ་ཤེས་ཉིད་ལུས་ཐོབ་པ་ཅི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། ཡེ་ཤེས་ལུས་ཉིད་ཐོབ་པའི་དངོས་པོ་ནི།། ཡེ་ཤེས་པ་ཡང་རྣམ་གཉིས་ཏེ།། རིག་པའི་ཡེ་ཤེས
357b3 ལུས་དག་དང་།། དིག་མེད་ཡེ་ཤེས་ལུས་དག་གོ།། རིག་པའི་ཡེ་ཤེས་ལུས་ཀྱི་དངོས་པོ་ནི།། ཆོས་རྣམས་ཐམས་ཅད་ནམ་མཁའི་ངང་དུ་ཅིག། ལུས་ཀྱི་དངོས་པོ་ཤིང་བལ་འདབ་པས་ཡང་།། སེམས་ཅན་ལུས་ལ་སངས་རྒྱས་དགོངས་པ་ཅན།། ཐ་མལ་པ་ཡི།།
357b4 ལུས་ཉིད་བཟློག་པར་བྱེད།། ཡེ་ཤེས་སྙིང་པོ་མ་འགགས་འགག་མེད་ལུས།། ལོངས་སྤྱོད་རྫོགས་སྐུའི་མཚན་དང་དཔེ་བྱད་གསལ།། མ་འགགས་མི་གཡོ་ཐོགས་པ་མེད་པའི་སྐུ།། བརྗོད་མེད་མི་བརྗོད་གཡོས་པ་མེད་པའི་དང་།། ལུས་ཉིད་སྣང་བས་བྱང།
357b5 སེམས་གྲོལ་བ་སེལ།། ཤེས་བྱའི་སྒྲིབ་པ་གཏིང་དཔག་དཀའ་ཕྲ་མོ།། སྐུ་ཉིད་སྣང་བ་ཙམ་གྱིས་སེལ་བར་བྱེད།། ཐོགས་མེད་འོད་ཀྱི་ལུས་སུ་གྲུབ་པ་སྟེ།། ཐོགས་བཅས་ལུས་ཀྱི་སྣང་བ་བཟློག་པར་འབྱེད།། རིག་མེད་ཡེ་ཤེས་སྙིང་པོའི་ལུས་དེ་ནི།། ཡེ་ཤེས
357b6 སྙིང་པོ་འགགཔ་མེད་འགག་པ་མེད།། ཡུལ་དང་ཡུལ་ཅན་གཉིས་སུ་མི་རིག་ཅིང་།། མཚན་མ་རྣམ་རྟོག་གཉིས་སུ་རིག་པ་མེད།། རིག་མེད་ལུས་དེ་ཆོས་ཉིད་ནམ་མཁའ་འདྲ།། ཆོས་ཉིད་ནམ་མཁའ་གཟུགས་སུ་གྲུབ་པ་མེད།། གཟུགས་སུ་མ་གྲུབ་དངོས
357b7 པོར་ཐོགས་པ་མེད།། ཡེ་ཤེས་རང་དབང་ཆེན་པོའི་ལུས་སུ་གྲུབ་པ་ཡིན།། གཞན་ལ་མི་ལྟོས་ཁྱད་པར་ཆེན་པོའི་ལུས།། རང་གི་ལུས་དེ་རང་གི་དབང་ཐོབ་བོ།། ཆུ་རྐྱེན་བྲལ་བའི་ལུས་སུ་གྲུབ་པ་ཡིན།། སེམས་ཅན་ལུས་དེ་ཡེ་ཤེས་ལུས་སུ་གྲུབ་པའོ།།
iiif viewer powered by OpenSeadragon
