| e-texts navigator |
| Wylie |
356a1 མཐའ་གང་བསྐུལ། ཁམས་གསུམ་འཁོར་བའི་འདམ་རྫབ་ཞེང་གང་ལ་སྤྱད། སེམས་ཅན་གྱི་སྡུག་བསྔལ་བྱེ་བྲག་ཟུགས་རྗེ་ཆེན་པོའི་རྩལ་གང་ལ་སྦྱར། སངས་རྒྱས་མྱ་ངན་ལས་མ་འདས་ཀྱི་བར་དུ། དགོངས་པའི་མཐའ
356a2 ཙམ་ལ་བཞག། མྱ་ངན་ལས་འདས་ནས་མཐར་ཐུག་པའི་ས་གང་དུ་བཞག། ཅེས་ཞུས་པས། ལག་ན་རྡོ་རྗེ་ཁྱོད་ཉོན་ཅིག། སྐུ་གསུང་ཐུགས་རྡོ་རྗེ་རྣམ་ཆེན་པོའི་མཐའ། སངས་རྒྱས་ཐམས་ཅད་ཀྵི་མེས་པོ་སངས་རྒྱས་ཉག་གཅིག་ཏུ་བསྐྱལ་ལོ།། སངས
356a3 རྒྱས་ཐམས་ཅད་ཀྱི་དགོངས་པ་ནི་རང་རིག་པའི་ཡེ་ཤེས་སྐྱུག་ཏུགས་སོ།། འཁོར་བ་རུ་ལོག་པའི་དུས་སུ་མར་མེའི་སྡོང་བུ་ལ་མ་དཱ་མེ་བརྟེན་པའི་ཚུལ་དུ་ཞིང་ཁམས་གཅིག་གོ།། ཀླུང་ལུང་མན་ངག་གི་མཐའ་ནི་བརྗོད་བྱ་དང་རྗོད་བྱེད་མེད་པར་བསྐུལ་ལོ།། འཁོར་བའི
356a4 འདམ་རྫབ་ནི་རྣམ་པར་དག་པའི་ཞིང་བདེ་བ་ཆེན་པོ་ལ་འགོད་པར་སྤང་བར་སྦྱང་ངོ་།། སེམས་ཅན་གྱི་སྡུག་བསྔལ་ནི། རིག་པའི་རྩལ་མ་འགགས་པར་སྦྱར་རོ།། སངས་རྒྱས་མྱ་ངན་ལས་མ་འདས་ཀྱི་བར་དུ། སྒྱུ་མ་ལྟ་བུའི་སྐུ་འཇའ་ཚོན་ལྟ་བུ་ལ་མཐོང་བའི་ཡུལ
356a5 ཉམས་སུ་མྱང་བར་བྱའོ།། མྱ་ངན་ལས་འདས་ནས་མི་གནས་པའི་ཡེ་ཤེས་ཆེན་པོར་གཞག་གོ།། ཞེས་འཁོར་བ་དོད་སྨུག་ཆེན་པོའི་རྒྱུད་ལས། སངས་རྒྱས་ངུར་དུ་གཞུག་པའི་ལེའུ་སྟེ་བདུན་པའོ།། །། རྫོགས་སོ།། ། མཁས་པའི་མཁས་པ་སློབ་དཔོན
356a6 བི་མ་ལས།། དཀའ་དང་བསྔོས་ནས་དོན་གྱི་མན་ངག་བཙལ།། རྡོ་རྗེ་གདན་ནས་ཤྲཱི་སིད་ཧས་གནང་།། རང་གི་རྒྱུད་སྦྱངས་འགྲོ་བའི་དོན་བྱས་ནས།། སངས་རྒྱས་ཐུགས་ཀྱི་དགོངས་པ་མ་ནོར་རྒྱུད།། ཐུགས་ཀྱི་ཀློང་ནས་འབྲུ་གསུམ་སྤྲོས་པ་ནི།། བྱང་ཆུབ་སེམས་དཔའ་རེ
356a7 རིའི་རྒྱུད་དུ་བཞག། རྒྱུད་ཀྱི་སྙིང་པོ་མན་དག་གཟེར་བཞི་པོ།། སྡེ་དང་ཚོགས་སུ་བཅད་ནས་རྒྱ་ཡིས་བཏབ།། འཚོ་མེད་བདུད་རྩི་ཐེག་ལེ་ཉག་གཅིག་པོ།། རྡོ་རྗེ་གདན་གྱི་འོག་ནས་བཞེས་པ་འདི།། སྤུ་རྒྱལ་བཙན་པོའི་དོན་དུ་ཤྲཱི་སིང་ཧས་གནང་བ་ཅུ་དྲིན་ཆེ།། བོད་ཀྱེ་རྒྱལ
iiif viewer powered by OpenSeadragon
