| e-texts navigator |
| Wylie |
344a1 ཆོས་ཉིད་རྡོ་རྗེ་རྒྱ་གྲམ་ནི་བཀོད་ལེགས། ཆོས་ཀྱུ་རྡོ་རྗེ་རྩེ་མོ་ནི་བརྩེགས་ལེགས། ཐིག་ལེ་མི་འགྱུར་བའི་རྒྱལ་མཚན་ནི་དཔངས་མཐོ། ཐུགས་རྗེ་སྤྲིན་གྱི་ཆར་ཁེབས་ནི་ཁོང་སྙོམས། ཏིང་ངེ་འཛིན་མི་གཡོ་བའི་དང་འཕྱང་ནི་མཉེན་འཁྱེར
344a2 ཡེ་ཤེས་ཆེན་པོ་བཞིའི་མེ་ལོང་ནི་འོད་གསལ། ཚངས་པའི་སྒྲ་སྐད་ཕུན་སུམ་ཚོགས་པའི་དྲིལ་དུ་ནི་དབྱངས་སྙན། ཟག་པ་མེད་པའི་ཆོས་ཀྱི་འཁོར་ལོ་ནི་བསྐོར་མཁས། བྱང་ཆུབ་ཀྱི་སྲོག་ཤིང་ནི་འགྱུར་བ་མེད། ཞི་གནས་ལྷག་མཐོང་གི་བྲེ
344a3 ཕྲལ་ནི་བརྩེགས་ལེགས། སངས་རྒྱས་ཀྱི་མཛད་སྤྱོད་ནི་ཚུལ་ཤེས། སངས་རྒྱས་ཀྱིས་ཆེ་བའི་ཡོན་ཏན་རྗེ་དཔག་ཏུ་མེད་པའི་རབ་ས་རས་ཀྱི་མདུ་འཕུང་ཏེ་དམ་པའི་ཆོས་མཐའ་ནས་རྒྱས་པ་ནི་རང་བྱུང་ལྡན་རྫོགས་ཀྱི་དགོངས་པའོ།། ཞེས་བྱང་ཆུབ་ཀྱི་སེམས་རྒྱལ་མཚན
344a4 གྱི་རྩེ་མོའི་རྒྱུད་ལས། ཆོས་ཐམས་ཅད་མི་མཉམ་པ་དང་མཉམ་པར་བསྟན་པའི་ལེའུ་སྟེ་གཉིས་པའོ།། ། དེ་ནས་བཅོམ་ལྡན་རྡོ་རྗེ་འཆང་།། ཐུགས་རྗེ་མགོན་པོ་འོད་དཔག་མེད།། ང་ལ་དང་པོ་རྒྱུ་མེད་པས།། ཐ་མ་རྐྱེན་གྱིས་བཤིག་ཏུ་མེད།
344a5 ད་ལ་བསྒྲུབ་པའི་ཆོས་མེད་པས།། དངོས་གྲུབ་གཞན་ལ་རེབ་མེད།། ད་ལ་བསྟན་པའི་ཆོག་མེད་པས།། སྦུབས་མ་ཡུལ་ལས་འདས་པ་ཡི་ནི།། ད་ལ་བླ་མ་རྗེ་མེད་པས།། ཡེ་ཤེས་ཁྱད་པར་འཕགས་པ་ཡིན།། ང་ལ་གདུལ་བྱ་གཞན་མེད་པས།།
344a6 རྔ་ཆེན་པོ་ཅིང་མི་མཛད།། ང་ཉིད་འོད་ཀྱི་རང་བཞིན་པས།། ཐབས་ཀྱི་ཡེ་ཤེས་དབྱིངས་ན་གསལ།། ཉི་མའི་སྒྱེད་པོར་དང་ཤར་བས།། འབྱུང་བ་ལྔ་པས་གཙོ་ཆེན་ཡིན།། ནམ་མཁའ་དག། རི་རབ་ལྟ་བུར་གཟུགས་ཆེ་བས།། གོམ་པ་གཅིག་གིས
344a7 ཕ་རོལ་ཕྱིན།། ཀུན་གཞི་ཁ་དང་ཞབས་མེད་པས།། སྣང་སྲིད་ལྟོ་རུ་ཟོས་ཀྱང་ང་མི་འགྲངས།། ནམ་མཁའ་གོས་སུ་གོན་ཀྱང་ང་མི་ལོགས།། ས་གཞི་གདན་དུ་བཏིང་ཡང་ངམ་འདུས།། ཉི་ཟླ་བར་དུ་བླངས་ཀྱིའང་མ་དྲོས།། ཀྱེ་རྩེ་གསང་བའི་བདག་པོ
iiif viewer powered by OpenSeadragon
