| e-texts navigator |
| Wylie |
343b1 འདུས་མ་བྱས་པ། ཀུན་དྷ་བཟང་པ་ཐམས་ཅད་རྒྱ་མཚོ་དང་རྒྱ་བྲན་གྱི་ཚུལ་དུ་འབྱུང་ཞིང་འཇུག། ལས་ཐམས་ཅད་མ་བཙལ་བར་གྲུབ་པ། བྱེད་པ་པོ་མེད་པར་གྲོང་གཅིག་ཏུ་འཁྱིལ་བ། སྐུའི་རིང་བསྲེལ་ཆེན་པ་སྣང་བ་འོད་ཀྱི་ཕུང་པོར་བཞུགས་པ། གསུང་གི་རིང་།
343b2 བསྲེལ་ཆེན་པོ་རྒྱལ་མཚན་གྱི་རྩེ་མོ་ལྷུར་ནུབ་པ་མེད་པར་སྒྲོགས་པ། ཐུགས་ཀྱི་རིང་བསྲེལ་ཆེན་པོ་རྡོ་རྗེ་ལྟ་བུ་འགྱུར་བ་མེད་པའོ།། ཞེས་བྱུང་ཆུད་ཀྱི་སེམས་རྒྱལ་མཚན་གྱི་རྩེ་མོའི་རྒྱུད་ལས། དང་པོའི་བྱང་ཚུལ་བསྟན་པ་དང་། རང་གི་འདུག་ཚུལ་བསྟན་པའི་ལེའུ
343b3 སྟེ་དང་པོའོ།། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་མི་མཉམ་པ་དང་མཉམ་པ་བསྟན་པའི་ཏིང་ང་འཛིན་ལས་བཞེངས་སྡེ་ཀྱི་གསང་བའི་བདག་པོ་ལག་ན་རྡོ་རྗེ། ཆོས་ཆེན་པོ་གསང་བ་རྨད་དུ་བྱུང་བ་འདི་ནི་སྟོབས་མི་མཉམ་ནོ།།
343b4 རྫུ་འཕྲུལ་མི་མཉམ་མོ།། ཐུགས་རྗེའི་བྱེ་བྲག་མི་མཉམ་མོ།། བཞུགས་པའི་ཀློང་མི་མཉམ་མོ།། ལག་ན་རྡོ་རྗེ་ལེགས་པར་ཡིད་ལ་ཟུང་ཞིག། དེ་ལྟར་ཡིན་ཏེ་དེ་ལྟར་མ་ཡིན་ནོ། ཆོས་ཐམས་ཅད་ཀྱི་དེ་བཞིན་ཉིད་མཉམ་མོ།། ཅི་སྟེ་གཞི་རང་གི་ངོ་བོ་གཅིག་པའི
343b5 ཕྱིར་རོ།། རྩལ་མཉམ་མོ།། ཅི་སྟེ་བྱེད་པ་ཐ་དད་མེད་པའི་ཕྱིར་རོ།། ཐུགས་རྗེ་མཉམ་མོ།། ཅི་སྟེ་ཡེ་ཤེས་ལྔ་མི་འགག་པའི་ཕྱིར་རོ།། བཞུགས་པའི་གྲོང་མཉམ་མོ།། ཅི་སྟེ་ཆོས་ཉིད་ཐ་དད་མེད་པའི་ཕྱིར་རོ།། དེའི་ཕྱིར་ངའི་ཤེས་རབ་ཟབ་མོ་ནི། རྒྱལ་མཚན་གྱི
343b6 དང་འདྲ་སྟེ་ནུབ་པ་མེད་དོ།། ནོར་བུ་རིན་པོ་ཆེ་དང་འདྲ་སྐྱེ་ཟད་མོ་ཤེས་སོ།། ནམ་མཁའ་དང་འདྲ་སྟེ་མཐར་ཐུག་པ་མེད་དོ།། རི་བོ་དང་འདྲ་སྟེ་འགྱུར་བ་མེད་དོ།། པདྨ་དང་འདྲ་སྟེ་སྐྱོན་མེད་དོ།། ས་གཞི་དང་འདྲ་སྟེ་ཐམས་ཅད་འབྱུང་ངོ་།། ཤིང་གི་རྒྱལ་པོ་ཡོངས་འདུས་བརྟོལ
343b7 དང་འདྲ་སྟེ། སྲེད་པ་གསུམ་དུ་ནུབ་པ་མེད་ཅིང་དང་ཞིང་རྒྱས་པ་དེ་བཞིན་དུ་བྱང་ཆུབ་སེམས་དཔའ་མི་ནུབ་པའི་རྒྱལ་མཚན། མི་འགྱུར་བའི་གཡུང་དྲུང་། མ་བསླད་པའི་ཡེ་ཤེས། རྒྱུན་གྱིས་རྟག་པའི་ཤེས་རབ། མཚོན་པོ་མེད་པ་མྱ་ངན་ལས་འདས་སོ།། རིགས་ཀྱི་བུ
iiif viewer powered by OpenSeadragon
