| e-texts navigator |
| Wylie |
342b1 ཡང་དག་སངས་རྒྱས་ངན་རྩི་གཟུགས།། ང་ཡིས་སངས་རྒྱས་ངན་མཐོང་ན།། མཐང་བཞིད་ན་འགག་པར་འགྱུར།། འཇིག་རྟེན་ཁམས་གན་སངས་རྒྱས་ཀྱང་།། ང་ཉིད་གཅིག་པུ་རྣམ་པར་དག། ང་མེད་གཞན་མེད་གཅིག་པུ་ཉིད།། རང་བྱུང་ཡེ་ཤས་ཉི་ཀྱང་ཆོག་གི་མཐའ་འང།
342b2 འདས།། འདས་པའི་ཆོས་ལ་སངས་རྒྱས་གལ་ཡོད།། ཅེས་ཡེ་ཤེས་བླ་མ་ཆེན་པོའི་སྤྱད་ལས། སངས་རྒྱས་མེད་པར་བསྟན་པའི་ལེའུ་སྟེ་དྲུག་པའོ།། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོས། སངས་རྒྱས་མེད་པར་འབྲས་དྲུག་པ་འབྱུ
342b3 ཞེས་གསུངས་ཏེ། རིགས་ཀྱི་བུ་བྱང་ཆུབ་ཀྱི་སྙིང་པོ་བྱང་ཆུབ་ཉིད་དུ་ཤར་ཏེ། བྱང་ཆུབ་ཀྱི་སྙིང་པོ་ལས་བྱང་ཆུབ་ལོག་ཏུ་བསྒྲུབ་ཏུ་མེད་དེ་མི་གནས་སོ།། རང་བྱུང་གི་ཡེ་ཤེས་ཉིད་གཟུགས་ཀྱི་སྐུར་འབྱུང་ངོ་།། རང་བྱུང་གི་ཡེ་ཤེས་ལས་ལོག་པའི་གཟུགས་ཀྱི་སྐུ་མེད
342b4 དེ་མི་གནས་སོ།། དེ་བཞིན་དུ་འབྲས་དང་ཏིལ་ལ་སོགས་པ་ཡང་། ས་བོན་ཉིད་འབྲས་བུར་འབྱུང་བ་ལས། ས་བོན་ལས་ལོག་པའི་འབྲས་བུ་མི་འབྱུང་གི། དེ་ཕྱིར་རྫོགས་པ་ཆེན་པོའི་མན་ངག་ལས། རང་བྱུང་གི་ཡེ་ཤེས་ཆེན་པོར་རང་སྣང་། རང་ཤར། རང
342b5 ལས་གྲུབ། རང་གིས་ཤེས། རང་ལ་རྫོགས་ཏེ། རྒྱུད་དག་པའི་དབྱིངས་ནས་འབྲས་བུ་ཡེ་ཤེས་ཀྱི་དཀྱིལ་འཁོར་དང་སྣང་བའོ།། དེ་ཕྱིར་ས་སྦྱང་དུ་མེད་ལ་མ་བགྲོད་དུ་མེད། འབྲས་བུ་གཞན་ལ་རེ་བ་མེད་པར་ཐག་ཆོད་པའི་ཡེ་ཤེས་སོ།། ཞེས་ཡེ་ཤེས་བླ་མ་ཆེན་པོའི
342b6 རྒྱུད་ལས། འབྲས་བུ་མེད་པར་བསྟན་པའི་ལེའུ་སྟེ་བདུན་པའོ།། །། འོག་མིན་གྱི་གནས་ཆོས་ཀྱི་དབྱིངས་ཀྱི་ཕོ་བྲང་དུ། སངས་རྒྱས་འོད་སྲུངས་ཆེན་པོས་གསུངས། ཞུ་བ་པོ་ལག་ན་རྡོ་རྗེས་ཞུས། སྡུད་པ་པོ་དགའ་རབ་རྡོ་རྗེས་བསྡུས་ནས། ས་ནོན་པའི་བྱང
342b7 ཆུབ་སེམས་དཔའ་མི་བཞི་ལ་བརྒྱད་དེ། འཇིག་རྟེན་དུ་མ་འཕེལ་ལོ།། རྒྱུད་ཀྱི་རྒྱལ་པོ་ཡེ་ཤེས་བླ་མའི་རྒྱུད། བསྐལ་པ་ཐོག་མ་མེད་པའི་སྔོན་རོལ་ནས། བསྐལ་པ་བཟང་པོའི་བྱང་ཆུབ་སེམས་དཔའི་ཐུགས་ནས་ཐུགས་སུ་བརྒྱུད། སྙན་ནས་སྙན་དུ་བསྒྲགས་ཕྱག
iiif viewer powered by OpenSeadragon
