| e-texts navigator |
| Wylie |
340b1 དྲུགས་རྗེ་སྤྲུལ་པའི་སྒྲ་ནི་འོད་ཟེར་གྱི་ཕུང་པོར་གནས་སོ།། རང་བཞིན་དག་པའི་ནི་དངོས་པོའི་མཐའ་ལས་འདས་ཏེ་རང་བཞིན་མེད་པའོ།། མཚོན་པའི་ཡེ་ཤེས་ནི་ཐིག་ལེ་ཉག་གཅིག་ཨ་ཏིར་འདུས་སོ།། ཞེས་ཡེ་ཤེས་བླ་མཆེན་པོའི་རྒྱུད་ལས། ལག་ན་རྡོ་རྗེས་དྲིས
340b2 པའི་ལན་རྡོ་རྗེ་འཆང་གིས་བསྟན་པའི་ལེའུ་སྟེ་གཉིས་པའོ།། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས། རྡོ་རྗེ་འཆང་གི་རྗེས་སུ་འཇུག་པའི་བྱང་ཆུབ་སེམས་དཔའ་རྣམས་ལ། གདམས་པར་བཞག་པའི་ཐབས་བསྟན་དུ་གསོལ།
340b3 ཞེས་ཞུས་ཏེ། བཅོམ་ལྡན་འདས་ཀྱིས་བཀའ་སྩལ་ག་ལག་ན་རྡོ་རྗེ་ཁྱོད་ཉོན་ཅིག། སངས་རྒྱས་མར་མེ་མཛད་སྟོང་གི་གཙུག་ཕུད་རིན་པོ་ཆེས་ཆུ་བོ་ཆེན་པོ་བཞི་འདུས་པའི་དབུས་སུ་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་ཡེ་ཤེས་བླ་མ་ཆེན་པོའི་རྒྱུད་བཀའ་སྩལ་ནས། སྡུད་པ
340b4 བྲལ་རྣམ་དག་ཆོས་ཀྱི་དབྱིངས།། རང་བཞིན་འོད་གསལ་ཆོས་ཉིད་རྣམ་པར་དག། མ་སྤྲོས་མ་བཀོད་ཞིང་ཁམས་རྣམ་དག་ནས།། རང་བྱུང་ཡེ་ཤེས་མ་བཅོས་མཁྱེན་མདའ་བ།། སྐུ་གསུམ་ལྷུན་གྲུབ་ཤེས་རབ་ཕ་རོལ་ཕྱིན།། གཟུང་འཛིན་གཉིས་མེད་མི་གནས་མྱ
340b5 ངན་འདས།། ཐབས་ཀྱི་རྒྱལ་པོ་སྟོབས་མཆོག་བྱང་ཆུབ་སྐུ།། འཐོབ་ཡོངས་ལ་དཔལ་མགོན་ཉི་ཤར་བ།། རྡོ་རྗེ་སེམས་དཔའ་མི་བསྐྱོད་བྱང་ཆུབ་སེམས།། ཐུགས་ཀའི་ཡེ་ཤེས་འོད་ཟེར་འབུམ་གྱི་གཟི།། ཀུན་ཏུ་བཟང་པོ་རང་བྱུང་བཅོམ་ལྡན་འདས།། འགྲོ་བ་ཡོངས་ལ་ནམ
340b6 མཁའ་ལྟ་བུར་ཤར།། མཁྱེན་པའི་ཡེ་ཤེས་སྟོབས་བཅུ་ཕ་རོལ་ཕྱིན།། རྣམ་པར་གྲོལ་བས་ཕ་རོལ་བདུད་བཞི་འཇོམས།། དབྱིངས་ཀྱི་ཐུགས་རྗེ་མ་བསྒྲིབླ་མཁྱེན་མངའ་བ།། སྙིང་པོ་མ་བཅོས་ཀུན་གཞི་བྱང་ཆུབ་སེམས།། ས་དང་ལམ་གྱི་བགྲོད་པས་ཕ་རོལ་ཕྱིན།། རང
iiif viewer powered by OpenSeadragon
