| e-texts navigator |
| Wylie |
339b1 མངོན་པར་རྫོགས་པར་སངས་རྒྱ་བར་བསྟན་པ་དང་། ལེའུ་དྲུག་པ་སངས་རྒྱས་མེད་པར་བསྟན་པ་དང་། ལེའུ་བདུན་པ་སངས་རྒྱས་མེད་པས་རྣལ་འབྱར་ཆེན་པ་ལ་འབྲས་བུ་མེད་པར་བསྟན་པའོ།། །། དེ་ནས་བྱང་ཆུབ་སེམས་དཔའ་སེམས་དཔའ་དྲན་པས་དྲི་བ་དྲིས་པ།
339b2 ཐུགས་རྗེ་ཆེན་པོ་ཆོས་ཐམས་ཅད་དེ་བཞིན་ཉིད་ཅེས་བྱ་བ། མ་བཅོས་པ་ལགས་སམ། གཉིས་སུ་མེད་པ་ལགས་སམ། མཉམ་པ་ཉིད་ལགས་སམ། མི་གཡོ་བ་ལགས་སམ། ལྡན་གྱིས་གྲུབ་པ་ལགས་སམ། ཤེས་པ་གསལ་བ་ལ་རྟོག་པ་མེད་པ་ཙམ
339b3 ལགས་སམ། དངོས་པོ་གསལ་བ་ལ་རང་བཞིན་མེད་པ་ཙམ་ལགས་སམ། སྟོང་པ་ཉིད་ལགས་སམ། དངོས་པོའི་ཆོས་ཐམས་ཅད་ལ་སྒྱུ་མ་ཙམ་དུ་ཤེས་པ་དེ་ལགས་སམ། ཏིང་ངེ་འཛིན་རྒྱ་མཚོ་ལྟ་བུར་གཡོས་པ་མེད་པ་དང་། ཤེས་པ་རྟོག་མེད་དུ་འཆར
339b4 བ་དེ་ཆོས་ཐམས་ཅད་ཀྱི་དེ་བཞིན་ཉིད་ལགས་སམ། དེ་ཇི་ལྟར་ལགས་བདག་གིས་མ་ཤེས་མ་འཚལ་ཏོ།། ཀྱེ་ཐུགས་རྗེ་དང་ཐབས་སུ་ལྡན་པས་བདག་ལ་ལུང་བསྟན་དུ་གསོལ། ཞེས་དྲི་བ་དྲིས་ཏེ། དེ་ནས་བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ
339b5 ཉོན་ཅིག། ཁྱོད་ཀྱིས་དྲི་བ་དྲིས་པ་དེ་ལེགས་སོ།། ཡང་དག་པར་རྫོགས་པའི་སངས་རྒྱས་ཀྱི་དགོངས་པ་ནི། ནམ་མཁའི་མཐའ་དང་མཉམ་མོ།། རྒྱ་མཚོ་ཆེན་པོ་པས་གཏིང་ཟབ་བོ།། མེ་ཏོག་ཀུ་མུ་ཏའི་ས་བོན་ལས་ཆ་ཕྲའོ།། ལུང་དང་རིགས་པས་རྗེས་སུ་མི་དཔོག་གོ།།
339b6 རིགས་ཀྱི་བུ་ཆོས་ཐམས་ཅད་ཀྱི་དེ་བཞིན་ཉིད་ཅེས་བྱ་བ་དེ་ཡང་ཆོས་ཐམས་ཅད་ནི་མཚོན་པའི་ཚིག་བླ་དགས་སོ།། ཡང་དག་པར་རྫོགས་པའི་སངས་རྒྱས་ནི་ཆོས་ཐམས་ཅད་ལ་མི་གནས་པའོ།། དེ་ཡང་བྱང་ཆུབ་སེམས་དཔའ་མོས་པས་སྤྱོད་པའི་ས་ལ་གནས་པ་རྣམས
339b7 ཀྱིས་ཤེས་བྱ་ལ་ཉམས་སུ་མྱང་བའི་ཆོས་ནི། རང་གི་ངོ་བོ་མ་བཅོས་པ་ཉིད་ཆོས་ཉིད་དུ་གོ་སྟེ། ཆོས་ཉིད་མ་བཅོས་པ་དེས་བདག་དང་གཞན་དུ་མི་ཕྱེད་པས། གཉིས་སུ་མེད་པ་ཞེས་བྱའོ།། གཉིས་སུ་མེད་པའི་དོན་ལ་རྩེ་གཅིག་ཏུ་མཉམ་པར་བཞག་པས་ཆོས
iiif viewer powered by OpenSeadragon
