| e-texts navigator |
| Wylie |
334a1 ན། རང་གྱུད་ལ།། སངས་རྒྱས་ཀུན་གྱི་གསུང་གནས་པས།། གསུང་ནི་འགག་མེད་ཚངས་པའི་དབྱངས།། བརྗོད་པའི་མཐའ་དང་བྲལ་བའི་ཕྱིར།། གསུང་གི་རྒྱུད་དུ་བསྟན་པ་ནི།། སྣང་བ་མཐའ་ཡས་ཁྱོད་ལ་གཏད།། སེམས་ཅན་ཀུན་གྱི་རང་།
334a2 རྒྱུད་ལ།། སངས་རྒྱས་ཀུན་གྱི་ཐུགས་གནས་པ།། རྡོ་རྗེ་ལྟ་བུར་འགྱུར་བ་མེད།། སངས་རྒྱས་ཀུན་གྱི་ཐུགས་འདུས་པས།། ཐུགས་ཀྱི་རྒྱུད་དུ་བསྟན་པ་ནི།། རྡོ་རྗེ་མི་བསྐྱོད་ཁྱོད་ལ་གཏད།། སེམས་ཅན་ཀུན་གྱི་རང་རྒྱུད་ལ།། སངས་རྒྱས་ཡོན་ཏན་མ་འགགས་པ།། རྟོགས
334a3 པའི་དོན་ལ་ཡིད་ཆེས་ཕྱིར།། ཡོན་ཏན་རྒྱུད་དུ་བསྟན་པ་ཡིན།། རིན་ཆེན་འབྱུང་ལྡན་ཁྱོད་ལ་གཏད།། སེམས་ཅན་ཀུན་གྱི་རང་རྒྱུད་ལ།། སངས་རྒྱས་ཕྲིན་ལས་འགག་མེད་ཚད།། ནམ་མཁའི་མཐར་ནས་ཉི་ཤར་བཞིན།། དེ་ཕྱིར་ཕྲིན་ལས་རྒྱས་པའི་རྒྱུད།།
334a4 དོན་ཡོད་གྲུབ་པ་ཁྱོད་ལ་གཏད།། དེ་ཕྱེད་མགོན་པོ་དྲི་མེད་ངས།། དྲ་དེ་སྲོང་ཁྱོད་ལ་གདམས་པ་ཡིན།། དཔེར་ན་སོང་གེ་དཀར་མོའི་འོ་མ་འདི།། རིན་ཆེན་གསེར་གྱིས་འཛིན་གྱུར་གྱིས།། སྣོད་ངན་གཞན་དུ་བླུགས་པ་ན།། སྤྱོད་འཇིག་འོ་མ་འཕོ་བར
334a5 འགྱུར།། དེ་བས་གཞན་དུ་བསྟན་པ་མེད།། ཀྱེ་ཀྱེ་རིགས་ཀྱི་བུ་ཁྱོད་ཉོན་ཅིག། ངས་གདམས་པའི་ཆོས་ལ་དོན་ཐུགས་སུ་ཆུད་པར་མི་བྱེད་ཅིང་། ཚིག་དང་སྒྲ་ཕྱིར་འབྲེངས་ནས་ངས་ཚོད་དང་གཟུ་ལུམས་སུ་བྱས་ན།། རྡོ་རྗེ་ལྟ་བུའི་སྐུ་རྡོ་རྗེ་དམྱལ་བ་ཆེན་པོར
334a6 འགྱུར་རོ།། སངས་རྒྱས་ཀྱི་ཞིང་ཡོངས་སུ་དག་པ་ཡང་།། འཁོར་བའི་འདམཛའ་ཆེན་པོར་འགྱུར་རོ།། ཚད་མེད་པའི་ཐུགས་རྗེ་ཆེན་པོ་བཞི་འཆང་བ་ཡང་། ལྟ་བའི་བདུད་ཆེན་པོ་བཞི་དུ་འགྱུར་རོ།། ཆོས་ཀྱི་དབྱིངས་མཐའི་ཀླས་པོའི་ཡེ་ཤེས་ཀྱང་།
334a7 པའི་མུན་རུམ་ཆེན་པོར་འགྱུར་རོ།། སངས་རྒྱས་ཀྱི་ཆེ་བའི་ཡོན་ཏན་རྣམ་པ་ལྔ་ཡང་།། རང་གི་རྒྱུད་ལ་དུག་ལྔའི་མ་ཆེན་པོར་འགྱུར་རོ།། ཡིད་བཞིན་ནོར་བུ་རིན་པོ་ཆེ་ཟག་པ་མེད་པའི་ཡེ་ཤེས་ཀྱང་། བདག་ཏུ་རྟོག་པའི་བག་ཆགས་ཀྱི་གཞི་མ་རིག་པ་ཁོ་ནར
iiif viewer powered by OpenSeadragon
