| e-texts navigator |
| Wylie |
330b1 གཞན་གྱིས་ཡང་དག་ག་ལ་འགྱུར།། སྣང་སྲིད་རྣམ་དག་རང་བཞིན་དཀྱིལ་འཁོར་ན།། རང་བྱུང་མ་བཅོས་རྡོ་རྗེ་སྙིང་པོའི་སྐུ།། དུས་གསུམ་འགྱུར་བ་མེད་པར་རྟག་པར་བཞུགས།། བདེ་བ་ཆེན་པོ་བདེ་ལ་རྟག་སྤྱོད་པ།། རྣམ་པར་སྣང་མཛད་རྟག
330b2 པ་ཀུན་ཏུ་བཟང་།། ཇི་ལྟར་བརྗོད་པ་ཐ་སྙད་རྩོལ་བའི་ནད།། ཆོས་ཀྱི་ཡང་དག་དོན་དེ་བརྗོད་ནུས་ཀྱང་།། ཆོས་ཀྱིས་ཡང་དག་དོན་ལ་གནས་མི་ནུས།། དེ་ཕྱིར་ཆོས་སྤྱོད་སངས་རྒྱས་དོན་ལ་བསྒྲིབ།། ཆོས་ཀྱིས་བློ་ཡི་ཐེ་ཚོམ་ཀུན་བསལ་ལ།།
330b3 ཆོས་ལ་མི་གནས་ཐ་མལ་ཤེས་པར་བཞག། ཐ་མལ་ཤེས་པ་བློ་ཡིས་བཅོས་པ་མིན།། བདེ་དང་སྡུག་བསྔལ་བློ་ལ་རྟོག་པ་མེད།། མགོན་པོ་དྲི་མེད་སྐུ་ནི་དེ་བཞིན་ནོ།། ཞེས་རྡོ་རྗེ་སེམས་དཔའ་གཞིའི་གནས་ལུགས་རིན་པོ་ཆེ་དྲ་བའི་མཛོད་ཀྱི་ལེའུ
330b4 སྟེ་བཞི་པའོ།། ། རྒྱ་གར་སྐད་དུ། རཏྣ་སཱ་མཱ་ནྱ་བདྷཱམྦྷ་ཡ། བོད་སྐད་དུ། རིན་པོ་ཆེ་སྤྱིབཅིངས་ཀྱི་མན་ངག། བཅོམ་ལྡན་འདས་འཇམ་དཔལ་ཡེ་ཤེས་འདུས་པ་ལ་ཕྱག་འཚལ་ལོ།། མན་ངག་འདུས་པའི་སྤྱི་བཅིངས
330b5 ནི།། སངས་རྒྱས་ཀུན་གྱིས་དགོངས་པ་སྟེ།། རྣལ་འབྱོར་ཀུན་གྱི་ཐུགས་ལ་གནས།། མན་ངག་འདུས་པའི་ཏནྟྲ་ཡིན།། ཚིག་དང་འབྲུ་གཉེར་དཀྱུས་བཙེན་ཏེ།། སྐུ་ཡི་རྒྱུད་དུ་ཤེས་པར་བྱ།། ཡང་དག་དོན་གྱི་སྒྲི་བཅིངས་ནི།། འཇམ་དཔལ།
330b6 ཡེ་ཤེས་འདུས་པ་ཡིན།། མགོན་པོ་དྲི་མེད་ཡེ་ཤེས་སྐྱེ།། སྐྲ་འཇམ་གསུང་འཇམ་ཐུགས་འཇམ་སྟེ།། སྐུ་ནི་ཡེ་ཤེས་སྒྱུ་མའི་སྐུ།། གི་དྲོད་མའི་མཐའ་དང་བྲལ་བས་འཇམ།། གསུང་ནི་བརྗོད་དུ་མེད་པའོ་གསུང་།། ཚིག་དང་ཡི
330b7 གེའི་མཐའ་ལས་འདས།། ཐུགས་ནི་དྲན་རྟོག་མེད་པའི་ཐུགས།། གཞི་ལ་རང་བཞིན་མེད་པར་འཇམ། སངས་རྒྱས་ཡེ་ཤེས་སྐུ་ཡི་མཆོག། མགོན་པོ་དྲི་མ་མེད་པ་ཡིན།། མགོན་པོ་དྲི་མེད་ཡེ་ཤེས་སྐུ།། སངས་རྒྱས
iiif viewer powered by OpenSeadragon
