| e-texts navigator |
| Wylie |
299b1 ཡང་རང་གི་རང་བཞིན།། དབྱིངས་དང་ཡེ་ཤེས་གཉིས་མེད་བ་བའི་དང་།། སྐུ་གསུམ་དབྱེར་མ་དོན་གྱི་དགོངས་པར་བཞུགས།། ནམ་མཁའ་ལྟ་སྦྱར་དོན་གྱི་དགོངས་པ་བསྟན།། ཆོས་ཉིད་ཀྱོང་ནུ་ཆོས་སྦགསལ་བ་ནི།། ནམ་མཁའིའ་དང་ནི་ཉི
299b2 ང་པོ་གནས་པ་བཞིན།། མི་འགྱུར་ཡོངས་ལ་ཁྱབ་པའི་སྐུ།། དེ་ལ་ཡེ་ཤེས་སྣང་བ་འཆར་བ་ནི།། སྤྲིན་མེད་ནམ་མཁར་ཉི་མ་སྣང་བ་བཞིན།། རིགས་ལྔའི་སངས་རྒྱས་མ་འདྲེས་རྫོགས་པ་ནི།། ནམ་མཁའི་ངང་ན་གཞའ་ཚོན་གསལ་བ་བཞིན
299b3 ཐིག་ལེ་ཆེན་པོ་དོན་གྱི་དགོངས་པ་ཡིན།། མི་གཡོ་འདུ་འབྲལ་མེད་པའི་ཡེ་ཤེས་གསལ།། མཚོན་པའི་ཐབས་ཀྱི་རིམ་པས་བློ་ལ་སྦྱར།། མི་འགྱུར་བ་གཅིག་རྟོགས་ཚུལ་རྒྱུད་ལས་སྐྱེས།། སྦུབས་དང་བྲལ་བས་བདག་ཉིད་མངོན་སངས་རྒྱས།།
299b4 དགང་། མེད་ཐུགས་རྗེས་འགྲོ་དྲུག་གནས་སུ་འདྲེན།། མི་གནས་བདག་མེད་ཆོས་སྐུའི་ཀློང་ན་གསལ།། རིན་ཆེན་སྒྲོན་མ་དོན་གྱི་དགོངས་པ་ཡིན།། མ་འགགས་མི་གཡོ་དང་དངས་རང་བཞིན་ནི།། ཡེ་ཤེས་ཟང་ཐལ་སྒྲིབ་མེད་ཀུན་ཏུ་གསལ།། ཆོས
299b5 སྐུའི་ངང་ལ་གཟུགས་སྐུའི་རང་བཞིན་ཏེ།། ཡོད་པ་མེད་དང་མེད་པ་ཡོད་པའི་ས།། སྐུ་གསུམ་དབྱེར་མེད་རང་རིག་ཡེ་ཤེས་བདག། མིག་གི་སྒྲོན་མ་དོན་གྱི་དགོངས་པ་ཡིན།། ཡོན་ཏན་མི་འགྱུར་རང་རིག་ཡེ་ཤེས་ཏེ།། སྐུ་གསུམ་སྦུབས་སུ་དེ་ཡི་གནས
299b6 སྐབས་བསྟན།། དེ་མཚོན་ཕྱི་ནང་གསང་བ་འདུས་པར་བསྟན།། ངོ་མཚར་ཐབས་ཀྱི་སྙིང་པོ་དོན་དང་མཇལ།། འཕྲུལ་གྱི་ཡི་གེ་དོན་གྱི་དགོངས་པ་ཡིན།། མ་རིག་ཡེ་ཤེས་མཐར་ཐུག་ཡོངས་ལ་ཁྱབ།། གསད་པའི་ཤེས་རབ་སྒྲིབ་པ་ཀུན་ལས
299b7 འདས།། ཀུན་ལས་མཆོག་གྱུར་ཁྱད་པར་ཆེ་བས་འཕགས།། ནམ་མཁའ་ཁྱབ་པ་དོན་གྱི་དགོངས་པ་ཡིན།། ཞེས་གསུངས་སོ།། ཐིག་ལེ་ཀུན་འདུས་ཆེན་པོ་ལས། ཕྱོགས་འཛིན་གྱི་དགོངས་པ་བསྟན་པ་སྟེ་ལེའུ་བཅུ་པའོ།། །
iiif viewer powered by OpenSeadragon
