| e-texts navigator |
| Wylie |
116b1 མཁའ་འ།། མིག་གི་རྣམ་ཤེས་དག་པ་ལ།། གསལ་བྱེད་འབར་བའི་འོད་ཟེར་ལྡང།། མི་འགྱུར་ཁྱབ་པའི་ཚུལ་དུ་ཡང་།། མཐིང་གའི་རང་གདངས་ཆེན་པོར་གནས།། འཆར་བྱེད་སྡང་བ་མ་འགགས་པས།། བྱ་ཡི་ཡུལ་ལ་རྣམ་པར་སྣད།། འདི་ནི
116b2 འཆར་སྒོ་མི་གནས་ཀྱང་།། འགྱུར་མེད་ཁྱབ་པའི་ཚུལ་དུ་སྣང་།། འདི་ཡི་སྣང་བ་རང་དག་པས།། དབྱིངས་དང་རིག་པ་ཟུང་འཇུག་པར།། ཡེ་ཤེས་གནས་ཏེ་ཅོག་བཞག་གོ།། རང་ཤང་རང་གི་སྤྱོད་ཡུལ་ལོ།། སྣང་བ་མིག་དང་རང་འབྲེལ་པས།།
116b3 དེ་ཉིད་རྟེན་བྲལ་ནམ་མཁའ་ཤར།། དེ་ལྟར་འཆར་སྒོམ་འགྲག་པའོ།། འདི་ལྟང་གནད་གསུམ་མན་ངག་དང་།། སུ་ལ་འཇོམ་པའི་སྐྱེས་བུ་ནི།། དབྱིངས་ལ་གོམས་ཏེ་མངོན་དུའོ།། སྲིད་པ་ཡི་ནི་ཡང་མཚམས་ན།། འདོན་གཉིས་འཇུག་ཟུང
116b4 ལས་ནི།། ཐབས་དང་ཤེས་རབ་རང་བཞིན་ལས།། གཉིས་ནི་འཁྲིལ་ཏེ་གཅིག་པར་ཡང་།། སོར་གཅིག་གིས་ནི་མ་རེག་པར།། ཉིན་དུས་འབྱུང་བའི་རྐྱེན་ལྡན་པས།། སྣང་བར་འགྱུར་ཏེ་མཚན་མོ་ཡང་།། མཐིང་ག་རང་ང་ཉིད་དུ་གྱུར།། དབྱིངས
116b5 ཀྱི་རང་བཞིན་འོད་ཀྱི་ཁྱིམ།། འགྱུར་མེད་ཡེ་གདངས་ཆེན་པོར་ནི།། སངས་རྒྱས་སེམས་ཅན་ཐམས་ཅད་ལ།། སུས་ཀྱང་བྱས་པ་མེད་པར་ནི།། ཡེ་ནས་གཉིས་མེད་མཉམ་པར་གནས།། འདི་ནི་ཁྱབ་ཆེ་ཕྲ་བ་ལས།། རང་གི་ཤེས་པའི་ཆར་ཤར་ནས།
116b6 མངོན་སུམ་ཉིད་དེ་རབ་ཏུ་གསང་།། གསང་བ་ཆེད་པོ་འདི་ཉིད་ལ།། གང་སུ་སྤྱོད་པར་འདོད་པ་དེ།། ཡེ་སངས་ཉིད་ལ་ཡང་སངས་རྒྱས།། དངོས་པོའི་ཕྱོགས་ལ་བལྟས་ན་ནི།། གསལ་བྱེད་མཚན་མའི་ཆ་ལྟར་སྣང་།། སྟོང་པ་ཉིད་ལ་བལྟས་པ
116b7 ཡིས།། རང་གསལ་གཟུང་བའི་ཡུལ་མེད་པས།། ལུས་ཀྱང་མི་དྲིན་སྟོང་པ་ཉིད།། འདི་ནི་གསལ་དང་སྟོང་པ་ནི།། ཡེ་ནས་ཁྱབ་ཅིང་གནས་པའོ།། རང་སྣང་སྟོང་ཉིད་གསལ་བའི་ཡུལ།། འདིས་ནི་དགོངས་པའི་ཚད་རྣམས་འཛིན།། རང་དག
iiif viewer powered by OpenSeadragon
