| e-texts navigator |
| Wylie |
6b1 འདས་ཀྱང་།། བློ་དམ་རྟོགས་པ་བྱེ་ཕྱིར་བཤད།། ཆོས་ཉིད་རྣམ་པར་དག་པས་ན།། ཆོས་ཀུན་རང་བཞིན་རྣམ་དག་པ།། དེ་བཞིན་གཤེགས་པ་ཐམས་ཅད་ཀྱི།། ཐུགས་ཀྱི་ཡང་སྙིང་ང་དྲུད་འདུས་འདི།། དགོངས་པའི་མདོ་རྣམས་གཅིག་བསྡུས་པ།
6b2 ཡེ་མེད་ཀ་དག་དངོས་པད་དཀུན་བྱེད་ནི།། སྨོད་པ་ཐམས་ཅད་དང་བྲལ་བ།། མཐའ་དང་དབུས་ནི་མི་དམིགས་པ།། སྒོ་སྐུར་མེད་པ་བླང་ངོར་མེད།། རྒྱུ་འབྲས་ལས་འདས་པ། ཡེ་ནས་དག་པ། ཡེནས་ཟིན་པ། བྱ་བ་མེད་བཙལ་བ་མེད་པ། བསླབ་པ་མེད་པ། བཙལ་དུ་མེད་པ།
6b3 གཞན་ནས་མི་འབྱུང་བ། གཉེན་པོ་མེད་པ། བྱེད་པ་པོ་མེད་པ། མ་བྱས་པ། མ་བརྟགས་པ། བདག་མེད་པ། མ་བཅོས་པ། དེ་ཡིན་པ། ངེས་པ། མ་ནོར་བ། ཇི་བཞིན་པ། མ་འགགས་པ། མ་སྐྱེས་པ། མི་ནུབ་པ། མ་ལྷགས་པ། མཾ་སྣང་བ། མ་བྱུང་བ།
6b4 འགྲོ་བ། ཡེ་ནས་གནས་པ། ཀུན་ལ་ཁྱབ་པ། མིང་མེད་པ། གཟུགས་མེད་པ། མཚན་མ་མེད་པ། ཐ་སྙད་མེད་པ། བལྟར་མེད་པ། གཟུང་དུ་མེད་པ། མཚོན་དུ་མེད་པ། དཔེ་མེད་པ། ཚད་མེད་པ། བརྟག་ཏུ་མེད་པ། རྟོག་གེ་ལས་འདས་པ། དཔག་ཏུ
6b5 མེད་པ། བསམ་དུ་མེད་པ། བསམ་གྱིས་མི་ཁྱབ་པ། ཀུན་གྱི་འབྱུང་གནས། ཐམས་ཅད་ནས་ཐམས་ཅད་དུ་བཏང་སྙོམས་ཆེན་པོའོ།། སྟོང་པ་ཉིད་ལས་རིག་པར་ཤར།། རང་བྱུང་དང་དངས་བྱུང་སར་ཐིམ།། ཕྱེ་མེད་ཀ་དག་བློ་ལས་འདས།། དངོས། ད་ཀ་དག
6b6 བླང་ཀ་ཡེ་དག་རྣལ་མ་ཤེས།། སྙིང་པོ་ཡང་སྙིང་བཅུད་འདུས་དེ་ཁོ་ནའོ།། ཡེ་ཐོག་ཀ་དག་གི་སངས་རྒྱས་ཀྱི་ཐུགས་ཀྱི་ཡང་སྙིང་དགོངས་པའི་བཅུད་བསྡུས་པའི་དཔེ་ནི། ཤེལ་གོང་། གསོར་དང་། ནམ་མཁའ། ཉི་ཟླ། ནོར་བུ། ཆུ་ཤིང་། རྒྱ་མཚོའི་ཚུལ
6b7 ཀ་དག་འགྱུར་མེད་གྱོགས་དང་བྲལ།། འོད་གསལ་ཀུན་ཁྱབ་དངོས་མེད་གཡོ་རྩོལ་མེད།། ཅེས་གསུངས་སོ།། རི་བོ་བརྩེགས་པའི་རྒྱུད་ལས། ཡེ་ཐོག་ཀ་རབ་སངས་རྒྱས་ཀྱི་དགོངས་པའི་བཅུད་བསྐུས་བསྟན་པ་རི་ལེའུ་ས་བཅུ་གཅིག་པའོ།།
iiif viewer powered by OpenSeadragon
