| e-texts navigator |
| Wylie |
19a1 ཁོ་ན་ཉིད་ལ་ཕྱག་འཚལ་ལོ།། འདི་སྐད་བདག་གིས་བཤད་པའི་དུས་གཅིག་ན། ཆོས་ཉིད་ཁ་གཏིང་མེད་པའི་ཀློང་ན། རང་བྱུང་མུ་མཐའ་གྲོལ་བའི་སྟོན་པས་རང་སྣང་འོད་ཀྱི་འཁོར་ལ། གསལ་དག་རང་གྲོལ་གྱི་བསྟན་པ་བཤད།
19a2 དུས་ཀྱི་རྒྱལ་པོ་ཐོག་མཐའ་མེད་པའི་དུས་ན། སྡུད་པ་པོ་ནི་རང་རིག་ཁྱེའུ་ཆུང་ངོ་།། དེ་ནི་སྔོན་བྱུང་ཐོག་མའི་ཕུན་སུམ་ཚོགས་པའོ།། རང་བྱུང་རྩལ་གྱི་ཕུན་སུམ་ཚོགས་པ་ལྔ།། སྟོན་པའི་རྒྱལ་པོ་རང་བྱུང་དང་དངས་ཀྱིས།། འཁོར་གྱི་དམ་པ་རང
19a3 གསལ་ཁྱེའུ་ཆུང་ལ།། བསྟན་པའི་རྒྱལ་པོ་རང་དངས་ཆེན་པོ་བཤད།། འོད་གསལ་གནས་ན་ལྔ་ཕྱི་མེད་དུས་སོ།། གཞི་རྩལ་དབྱེར་མེད་ཕུན་སུམ་ཚོགས་པ་ནི།། འོད་གསལ་གནས་ནས་དང་འངས་སྟོན་པ་ཡིས།། དང་སྤང་འཁོར་པ
19a4 རང་ཀྲོལ་བསྟན་པ་བཤད།། དུས་གསུམ་དབྱེར་མེད་རང་སངས་ཆེན་པོའི་དུས།། དེ་ཡི་རྗེས་འཇུག་ཕུན་སུམ་ཚོགས་པ་ནི།། འོད་གསལ་གནས་ནས་རྡོ་རྗེ་སེམས་དཔའ་ཡིས།། དགའ་རབ་རྡོ་རྗེ་སྙིང་པོའི་འཁོར་ལ་ནི།། ཀུན་རྫོབ་ཙམ་དུ་བླ
19a5 མེད་ཐེག་པ་བཤད།། ཡོངས་རྫོགས་ཐོད་རྒལ་མན་ངག་ཚིག་བརྗོད་དུ།། གདུང་སོབ་མ་འོངས་དུས་ན་འབྱུང་བར་འགྱུར།། སྡུད་པ་པོ་ནི་རང་རིག་ཁྱེའུ་ཆུང་ངོ་།། ཞེས་གསུངས་སོ།། རྒྱུད་ཐམས་ཅད་ཀྱི་རྒྱལ་པོ་ཉི་ཟླའི་སྙིང་པོ་འོད་འབར་བ་བདུད་རྩིའི་རྒྱ་མཚོ
19a6 འཁྱིལ་པའི་རྒྱུད་ལས། ཕུན་སུམ་ཚོགས་པའི་ལེའུ་སྟེ་དང་པོའོ།། །། དེ་ནས་རང་སྣང་གསལ་དག་གིས།། མུ་མཐའ་ཡོངས་གྲོལ་སྟོན་པ་ལ།། ཕུན་སུམ་ཚོགས་པ་དེ་ལྟར་ན།། ཅི་ཡང་མེད་ལས་གང་མ་བྱུང་།། སྤྱི་གཞི་སྔོན་ཐོག་ཇི
19a7 ལྟར་གནས།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། བརྡའ་དང་གནད་ཀྱིས་བསྟན་བྱ་ཡི།། འཁོར་རྣམས་མ་ཡངས་གུས་པས་ཉོན།། ཐོག་མ་ཡེ་ཡི་དུས་ཙམ་ན།། ཨ་ཨ་ཨའོ།། ནམ་མཁའ་མེད་པའི་སྔོན་རོལ་ན།། འབྱུང
iiif viewer powered by OpenSeadragon
