| e-texts navigator |
| Wylie |
150a1 རྒྱས་མི་སྲིད། བྱིས་འཚང་རྒྱ་བར་མི་འགྱུར་རོ།། དབྱིངས་རྣམ་པར་དག་པའི་སྒྲོན་མ་དེ་ཉིད། སྐུར་སེམས་ཅན་ལ་གནས་མ་མྱོང་། ད་ལཱ་གནས་མི་སྲིད། གྱིས་གནས་པར་མི་འགྱུར་རོ།། དང་མྱང་ངན་ལུང་བསྟན་དུ་མེད་པ་ལ། མན་ངག
150a2 མཚོན་དུ་ཡོད་པ་ཞེས་བྱའོ།། ཨེ་མ་ཧོ།། སངས་རྒྱས་དང་སེམས་ཅན་གཉིས་ནི། སྔར་ཆུབ་གྱེས་མ་མྱོང་། ད་ལྟ་གྱེས་མི་སྲིད། ཕྱིས་གྱེས་པར་མི་འགྱུར་རོ།། དེའི་ཕྱིར་ན་ལུང་ལ་འཁྲུལ་པ་མེད་པ་ལ། མན་ངག་ལ་འཁྲུལ་པ་བྱུང་ངོ་ཞེས་བྱའོ།། སེམས་ཅན་ཐམས་ཅད
150a3 འཁོར་བ་ན་གནས་ཀྱང་། འཁོར་བ་ཉིད་སྔར་མཐོང་མ་མྱོང་། ད་ལྟ་མི་མཐོང་ངོ་།། ཕྱིས་མཐོང་བར་མི་འགྱུར་རོ།། དེའི་ཕྱིར་ན་ཆོས་ཉིད་ལ་རྟོག་པ་ཡོད་ཀྱང་། གང་ཟག་ལ་རྟོག་པ་མེད་པ་ཞེས་བྱའོ།། ཡང་དག་པར་རྫོགས་པའི་སངས་རྒྱས་རྡོ་རྗེའི་སྐུ་ཉིད། སྔར་མ་རྟོགས།
150a4 ད་མེ་རྟོག། ཕྱིས་རྟོག་པར་མི་འགྱུར་རོ།། དེའི་ཕྱིར་ན་སངས་རྒྱས་ལ་རྟོག་པ་མེད་ཀྱང་། སྣང་ཚུལ་ལ་རྟོག་པ་ཞེས་བྱའོ།། སངས་རྒྱས་དང་སེམས་ཅན་ལ་དུས་ཆེན་པོ་མེད་པར་བསྟན་པའོ།། རིག་པའི་གནས་ལུགས་དེ་ཉིད་ལ། འཁྲུལ་པ་མེད
150a5 ཀྱང་།། སྣང་ཐབས་ལ་འཁྲུལ་པ་ལྟར་སྣང་བའོ།། དེའི་ཕྱིར་ན་སངས་རྒྱས་དང་སེམས་ཅན་གཉིས་གཅིག་ལས་མ་གཡོས་པ་ཞེས་བྱའོ།། ཨེ་མ་ཧོ།། དགོངས་གཅིག་མཁའ་ཀློང་གཉིས་སུ་མེད།། གསང་སྔགས་རྡོ་རྗེ་སེམས་དཔའ་རེག་པའི་སྐུ།
150a6 རྟག་པ་མ་ཡིན་ཆད་པ་ཡོངས་ཀྱིས་མེད།། སྟོང་པ་མ་ཡིན་གསལ་བ་དང་གིས་མེད།། རྒྱུ་མཐུན་མ་ཡིན་སྤང་བ་རང་སར་དག། བྱང་ཚུལ་མ་ཡིན་བྱུང་ཚུལ་ཡོངས་སུ་རྫོགས།། བསྐྱེད་ཚུལ་མ་ཡིན་སྣང་ཚུལ་གཉིས་སུ་སྣང་།། ཆོས་ཉིད་མིང་དང་ཡང་དག་ཉིད་དུ
150a7 བྲལ།། དག་པའི་ནམ་མཁའ་ངོས་བཟུང་ཀུན་ལས་འདས།། ཨ་ཡི་སྣང་བ་སྐྱེ་མེད་ངོས་གཟུང་མེད།། གཉིས་མེད་དག་པའི་ཡེ་ཤེས་མཁའ་ལགས་ལ།། བྱ་བྱེད་མ་འགགས་དམིགས་པ་ཡོངས་ཀྱིས་མེད།། རང་བཞིན་མེད་པས་མེ་ལོང་གཟུགས་བརྙན་འདྲ།།
iiif viewer powered by OpenSeadragon
