| e-texts navigator |
| Wylie |
145b1 ཆགས་མེད་དོ།། མ་རིག་པ་མེད་དོ།། སེམས་མེད་དོ།། ཡིད་མེད་དོ།། ཤེས་རབ་མེད་དོ།། འཁོར་བ་མེད་དོ།། མྱ་ངན་ལས་འདས་པ་མེད་དོ།། རིག་པ་ཉིད་ཀྱང་ཡོད་པ་མ་ཡིན་ནོ།། ཡེ་ཤེས་ཀྱི་སྣང་བ་གང་ཡང་མེད་དོ།། དེ་ཐམས་ཅད་འཛིན་པ་མེད་པ་ལས་བྱུང་ངོ་།། ཀྱེ་མ
145b2 རང་བྱུང་གི་ཡེ་ཤེས་ལ་སྲོག་མེད་པས། དགེ་སྡིག་གི་མཐའ་ལས་འདས་པའོ།། ཨ་ཧོ།། ད་རང་བྱུང་གི་ཡེ་ཤེས་ལ་བྱ་བྱེད་མེད་པས། ཕྱེ་ཡུལ་དང་ནང་སེམས་ལས་འདས་པའོ།། ཨེ་མ་ཧོ།། ང་རང་བྱུང་གི་ཡེ་ཤེས་གཞི་ལས་མ་གཡོས་པས། སྣང་བའི་རྟོག་པ
145b3 པའོ།། ཨ་ཨ། ང་རང་བྱུང་གི་ཡེ་ཤེས་ལ་འདུ་འབྲལ་མེད་པས། སྐུ་མངོན་པར་སྣང་བ་ཉིད་དོ།། ཧ་ཧ། ང་རང་བྱུང་གི་ཡེ་ཤེས་ལ་གཟིགས་སྐང་གི་མཐའ་དང་བྲལ་བས་ཡུལ་ཀུན་ལས་འདས་པ་ཉིད་དོ།། ཨེ་ཧཱ། ང་རང་བྱུང་གི་ཡེ་ཤེས་ལ་རྩིས་མེད་པས་གཟུང་འཛིན་ལས
145b4 འདས་པ་ཉིད་དོ།། ཨ་ཨཱི། ང་རང་བྱུང་གི་པོ་ཤེས་ལ་ཕྱི་ནང་གཉིས་དང་ཐལ་བས་སྐྱོན་དང་ཡོན་ཏན་ལས་འདས་པའོ།། ཨེ་ཨཱ། དྷ་རང་བྱུང་གི་ཡེ་ཤས་ལ་འཁྲུལ་པ་ཀ་ནས་དག་པས། ཡིན་མིན་གྱི་མཐའ་ལས་འདས་པའོ།། ཧ་ཧཾ། ང་རང་བྱུང་གི་ཡེ་ཤེས་ལ་ཆོས
145b5 མེད་པས་ཐབས་ལས་འདས་པ་ཉིད་དོ།། ཨེ་ཧ།། ང་རང་བྱུང་གི་ཡེ་ཤེས་ལ་འགྲུ་བྱེད་མེད་པས་ཤེས་རང་ལས་འདས་པའོ།། ཨེ་མ་ཧོ།། ང་ལ་སྟོང་པ་དང་སྣང་བ་མ་སྤངས་པར་རྫོགས་པའོ།། ང་ཉིད་ལ་གནས་ལུགས་དང་སྣང་ཐབས་གཉིས་མ་སྤངས་པར་རྫོགས
145b6 པའོ།། ང་ཉིད་ལ་ཡུལ་སེམས་གཉིས་མ་སྤངས་པར་རྫོགས་པའོ།། ང་ཉིད་ལ་སྲོག་དང་གཅོད་པ་གཉིས་མ་སྤངས་པར་རྫོགས་པའོ།། ང་ཉིད་ལ་སྡིག་པ་དང་རྣམ་སྨིན་གཉིས་མ་སྤངས་པར་རྫོགས་པའོ།། ང་ཉིད་ལ་བདག་དང་བདག་གིར་འཛིན་པ་གཉིས་མ་སྤངས་པར
145b7 རྫོགས་པའོ།། ང་ཉིད་ལ་རྟོག་པ་དང་དངོས་པོ་གཉིས་མ་སྤངས་པར་རྫོགས་པའོ།། ང་ཉིད་ལ་མཐོང་བ་དང་སྤོད་བྱེད་གཉིས་མ་སྤངས་པར་རྫོགས་པའོ།། ངཉིད་ལ་ཤེས་པ་དང་འཛིན་བྱེད་གཉིས་མ་སྤངས་པར་རྫོགས་པའོ།། ང་ཉིད་ལ་བྱེད་པ་དང་འཛིན་བྱེད་གཉིས
iiif viewer powered by OpenSeadragon
